Абалацкая икона

Абалакская икона Божией Матери «Знамение»

Абалакская икона Божией Матери «Знамение» (Абалацкая, Абалацкая-Знаменская), самая почитаемая в Сибири икона

Празднование 27 ноября, 20 июля

Название происходит от татарского селения Абалак, расположенного в 30 км от Тобольска. В Сказании об Абалакской иконе «Знамение» сообщается о явлении в 1636 г. вдовице Марии «в легком сне» двух икон — Богоматери «Знамение» и преподобной Марии Египетской и, «аки жива суща», святителя Николая. От иконы Божией Матери был голос, повелевший построить на Абалацком погосте церковь в честь иконы «Знамение» с приделами во имя преподобной Марии Египетской и святителя Николая.

С благословения Тобольского архиепископа Нектария (Теляшина) в 1636 г. началось строительство церкви и была написана икона Божией Матери «Знамение», Абалакская, протодиаконом Тобольского кафедрального собора Матфеем Мартыновым по заказу крестьянина Е. Коки, с выздоровления которого начались чудеса исцелений от иконы.

Сказание об Абалакской иконе «Знамение», включающее рассказ о явлении иконы и чудесах от нее, сохранилось в 2-х редакциях и дошло не менее чем в 10 списках XVII — начала XIX в. Древнейшая редакция написана в 1641 г. при Тобольском архиепископе Герасиме (Кремлеве) на основании расспросных речей вдовицы Марии, сохранившихся в подлиннике . Ее автором предположительно был Савва Есипов, дьяк Тобольского архиерейского дома и составитель Сибирской Есиповской летописи. Характер повествования в этом варианте Сказания близок к документальному, хотя язык в значительной мере приближен к книжному. В середине 40-х гг. XVII в. Сказание было продолжено записью чудес местным священником Павлом Стефановым; при архиепископе Корнилии (1664–1677) создана новая редакция памятника — текст подвергся стилистическим изменениям и был дополнен новыми чудесами (последнее датируется 1675 г.), записанными в окружении тобольского архиерея. В Сказании описано около 130 чудес, среди получивших исцеление от иконы есть жители Центральной России (Ярославль), что свидетельствует об общероссийской известности Абалакской иконы «Знамение» уже во 2-й половине XVII в. Сообщения о чудесах исцелений от Абалакской иконы «Знамение», совершавшиеся в XIX в., публиковались в приложениях к изданию Сказания. 2-я редакция Сказания опубликована в XIX — начале XX в. только в переложениях.

Абалакская икона Божией Матери «Знамение»

Празднование ей совершается в день иконы Божией Матери «Знамение» — 27 ноября. Архиепископ Корнилий в память о прекращении дождей по молитве Абалакской иконе «Знамение» учредил в 1666 г. ежегодный крестный ход из Абалака в Тобольск, совпадавший с днем празднования (8 июля) древней сибирской святыни — чудотворной Казанской иконы (Тобольской) в кафедральном соборе. Икона оставалась в городе до 20 июля, ставшего вторым днем празднования иконе, позже прекратившегося, т. к. оно приходилось на время совершения крестного хода.

Абалакская икона Божией Матери «Знамение» не сохранилась. Она представляла собой список иконы «Знамение» Новгородской, дополненный образами святителя Николая и преподобной Марии Египетской. Икона была вставлена в деревянную раму-икону с живописными изображениями Богородичных праздников. Размер иконы 27,0 на 22,5 см, размер рамы 108 на 80 см.

Служба Абалакской иконе «Знамение» утверждена на заседании Священного Синода Русской Православной Церкви от 21 октября 2016 года .

Списки иконы

В XVII–XIX вв. с Абалакской иконы «Знамение» в Сибири было сделано много списков, которые почитались как чудотворные.

Абалакская икона «Знамение» Семипалатинская — один из самых почитаемых списков с Абалакской иконы «Знамение», вероятно исполненный в 1-й пол. XVII в. тем же самым иконописцем в меру и подобие оригинала; этот список отпускали в сибирские города и уезды на поклонение вместо подлинной иконы.

В 1712 г. список Абалакской иконы «Знамение» был принесен на военный корабль, следовавший из Тобольска вверх по Иртышу. После молебна, который отслужили на судне перед иконой, корабль поплыл «сам собою» против течения реки, остановился, дойдя до г. Семипалатинска. Икону поместили в Знаменский собор города, она особенно почиталась военными. После революции 1917 г. собор был захвачен обновленцами, уже тогда с иконы были сняты драгоценные части ее убора. После взрыва собора в 1919 г. сведений об иконе нет.

Абалакская икона Божией Матери из красноярского Знаменского скита. 1887-1889 гг.

Абалакская икона «Знамение» из Красноярского Знаменского скита, икона из местного ряда иконостаса Знаменского скита — наиболее близкий к оригиналу список, выполненный в 1887–1889 гг. в Екатеринбурге. Чудотворения от этого образа зафиксированы надписью на иконе 10-х гг. XX в. «Знамение» Божией Матери с видом Знаменского скита, выполненной «(Тща)нием ме(щанина)… Мельникова… (получивш)аго избавлен(ие) (от не)мочи» .

Молитвословия

Тропарь, глас 4

Дне́сь, я́ко со́лнце незаходи́мое,/ све́тло сия́ет о́браз Тво́й, Пречи́стая,/ в ве́си Абала́кской на возду́се/ вдови́це чу́дне яви́вшийся./ И мы́, припа́дающе к нему́,/ Богоро́дице уми́льно вопие́м:/ о, Всепе́тая Влады́чице,/ ми́р оби́тели Твое́й да́руй// и душа́м на́шим ве́лию ми́лость.

Кондак, глас 4

Ева́нгелия Христо́ва благове́стник Лука́/ о́бразы Твоя́, Пречи́стая, дре́вле изобрази́,/ вдови́ца же, еди́н от ни́х чу́дне узре́вши,/ возвести́ на́м повеле́ние Твое́,/ да ве́рнии, к Тебе́ притека́юще, зову́т:/ ра́дуйся, Влады́чице,// Зна́мение ми́лости Твоея́ на́м явля́ющая.

Ин кондак, глас тот же

Абала́кской ико́не Влады́чицы на́шей Богоро́дицы, благогове́йно поклоня́ющеся,/ со умиле́нием взыва́ем:// спаси́ на́с моли́твами Твои́ми, Пресвята́я Де́во.

Величание

Велича́ем Тя́,/ Пресвята́я Де́во,/ Богоизбра́нная Отрокови́це,/ и чти́м о́браз Тво́й святы́й,/ его́же земли́ Сиби́рстей/ в покро́в и заступле́ние дарова́ла еси́.

Литература

  • Записки к Сибирской истории // Древняя Российская Вивлиофика. М., 1788. Т. 3. С. 157–159;
  • Абалакская чудотворная икона Богоматери. Тобольск, 1836 (и послед. изд.);
  • Березин З. Абалацкий монастырь и чудотворная икона Знамение Божией Матери. Казань, 1848;
  • Сказание о иконе Божией Матери, именуемой Абалацкою. М., 1849;
  • Новые благодатные явления от Абалацкой иконы Божией Матери. Омск, 1879;
  • Сулоцкий А., прот. Сказание об иконе Божией Матери, именуемой Абалацкою и о важнейших копиях с нея, с изображением иконы Абалацкой Божией Матери. 6-е изд. Тобольск, 1888;
  • Алексинский Д., свящ. Краткое сказение о чудотворной иконе Божией Матери, именуемой Абалацкою, о чудотворной копии с нея, находящихся в г. Семипалатинске и о святом ключе. Семипалатинск, 1900;
  • Соловьев А. Святая икона Божией Матери, именуемая Абалацкою. Ея список находится в Семипалатинском Знаменском соборе. Сергиев Посад, 1909;
  • Богоматерь: Полное иллюстрированное описание ее земной жизни и посвященных ее имени чудотворных икон / Под ред. Е. Поселянина. СПб., 1909. С. 735–739, 744–745;
  • Сказание об иконе Божией Матери, именуемой Абалацкою, что в селе Протопоповском, Тобольского округа. Томск, 1913;
  • СККДР. СПб., 1992. Вып. 3. XVIII в. Ч. 1. С. 317–318;
  • Юрьевский А. Редкий памятник сибирской духовной письменности первой половины XVII века // Тобольские А.А.. 1902. 24. С. 447–464;
  • Ромодановская Е. К. Русская литература в Сибири первой половины XVII в. Новосибирск, 1973. С. 139–140;
  • Пивоваров Б. Небесной покровительнице Сибири // ЖМП. 1991. № 7. С. 35;
  • Сибирская икона: Альбом. Омск, 1999.

Использованные материалы

  • Л. А. Щенникова, Н. Н. Исаева. «Абалакская «Знамение» икона Божией Матери» // Православная энциклопедия, т. 1, с. 28-29

С 12 века на Руси начинается почитание особого типа икон, которые называются Знамение. История этих святых образов неразрывно связана с историей самой страны. Во многом именно благодаря этим образам убереглось много русских людей. К чудотворным относится и Абалацкая икона Божией Матери Знамение, про которую расскажем далее.

Откуда пошло название

Прежде чем говорить о том, чем является Абалакская икона Божией Матери «Знамение» – следует рассмотреть другой образ – новгородский, ведь именно благодаря ему было обретено такое название. Все иконы описываемого типа относятся к каноническому изображению Богоматери Одигитрии. Она воздевает руки к небу, держит ладонями кверху в молитвенной позе, на груди образ еще не родившегося Христа, который еще только грядет. Этот сюжет воспевает такую христианскую добродетель как Вера. Поэтому тут не изображается сам Богомладенец, но только дается намек на его дальнейшее появление.

Такая икона была в Новгороде во второй половине 12 века, в период, когда независимый город хотели покорить другие князья. Городской архиепископ Иоанн тогда получил знамение и последовав ему, вывесил икону на стенах города. В образ вонзилась пущенная штурмующими стрела. Тогда икона обратилась к городу и начала мироточить. Те, кто стоял у города, ощутили необъяснимый страх и начали отступать, а войско новгородское смогло даже преследовать нападавших. Летописец сравнивает оказавшую помощь икону и мироточение с «чудесным знамением». Отсюда и появилось название.

Далее было зафиксировано много чудес, в том числе и исцеление от чумы в середине 14 века. Иконописцы начали делать списки, к числу которых относится и Абалакская чудотворная икона Божьей Матери «Знамение», кстати, данное название (Знамение) является характерным только для русского православия, а в других странах используется иная терминология.

Значение Алабацкой иконы

Этот образ более всего почитают на территории Сибири. Там поблизости от Тобольска располагается поселок под названием Алабак, который и дает название. Заслуга в обретении Абалацкой иконы Знамение принадлежит благочестивой женщине по имени Мария, которая проживала на Алабацком погосте. Ей подряд были сны, где являлись иконы, Знамения, а также Николая Угодника и Марии Египетской.

В итоге женщина поведала об этом священнику, а он в свою очередь постановил устроить в 1636 году и написать соответствующую икону. Заказчиком иконы стал крестьянин Кока, который был первым исцелившимся от святого образа. Далее молитва перед иконой Знамения Абалацкой давала облегчение и утешение многим людям и, конечно, было зафиксировано много чудес.

С самого этого образа было сделано немалое количество списков, которые тоже были признаны чудотворными. К примеру, размещается икона в некоторых храмах, а также в других городах Сибири.

Чудотворные списки

На данный период оригинал не сохранился, Абалацкая икона Божией Матери существует только в форме сделанных между 17-19 веками списков. Эти образы практически всегда идентичны и имеют Богоматерь в форме Одигитрии по центру и по бокам Николая Чудотворца и Марию Египетскую. Тем не менее, есть и некоторые особенности.

Самый известный вариант был выполнен иконописцем, который делал оригинал. Этот список называется Абалацкая икона Семипалатинская. Его создали в 17 веке и использовали для того чтобы возить по другим городам на поклонение верующим.

Удивительным образом этот список Абалакской иконы Божией Матери явил чудо в 1712 году, когда заставил военный корабль плыть против течения Иртыша. Корабль доплыл до Семипалатинска, где икону и оставили.

Из всего, в чем помогает Абалацкая икона Божией Матери наиболее часто говорится о случаях исцеления. Поэтому перед данным образом многие просят о здоровье и о том, чтобы избавиться от различных пагубных страстей. Также следует молиться этому образу для того чтобы обрести более крепкую веру.

Молитвы иконе

Тропарь Пресвятой Богородице пред иконой Ея «Знамение» Абалацкая

глас 4

Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.

Кондак Пресвятой Богородице пред иконой Ея «Знамение» Абалацкая

Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:// ра́дуйся, Де́во, христиа́н похвало́.

Молитва Пресвятой Богородице пред иконой Ея «Знамение» Абалацкая

О, Пресвята́я Влады́чице моя́ Богоро́дице, милосе́рдия су́щи исто́чник, покро́ве, упова́ние и прибе́жище христиа́н! Тебе́, Всеси́льней Предста́тельнице и Спору́чнице покая́ния и спасе́ния моего́, а́з, гре́шный ра́б Тво́й, вруча́ю ду́шу и те́ло мое́, вхо́ды и исхо́ды моя́, ве́ру и жи́тельство мое́, кончи́ну и число́ дне́й мои́х, глаго́лы и помышле́ния моя́, дела́ и начина́ния моя́; Ты́ же, ми́лостивая Ма́ти Бо́жия, мно́ю руково́дствуй, покрыва́й, соблюда́й и спаса́й мя́ от все́х вра́жеских ко́зней невреди́мо, да немо́лчно, до после́дняго издыха́ния моего́, взыва́ю Ти́: Ра́дуйся, Неве́сто неневе́стная! Ра́дуйся, Свята́я, святы́х бо́льшая! Пресвята́я Богоро́дице, спаси́ мя́! Ами́нь!

Служба Пресвятой Богородице в честь Ее иконы «Абалакская»

Текст утвержден Священным Синодом
Русской Православной Церкви
21 октября 2016 года (журнал № 96)

Ме́сяца ноября́ в 27-й день
Пра́зднование Пресвяте́й Влады́чице на́шей Богоро́дице и Присноде́ве Мари́и,
в честь ико́ны Ея́, имену́емыя Абала́кская

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н.
На Го́споди, воззва́х: стихи́ры на 8, глас 1:

Кра́йним Свои́м благоутро́бием Всеви́дец Госпо́дь,/ челове́ческим ро́дом ко спасе́нию управля́яй,/ мно́гую благода́ть дарова́ Тебе́, Богоро́дице Пречи́стая:/ во о́бразех бо мно́зех, и в зна́мениих,/ и в чудесе́х явля́ешися,// я́ко тве́рдое Правосла́вныя ве́ры утвержде́ние.

Неизрече́нную ми́лость Свою́ ро́ду челове́ческому да́руя,/ Христо́с Госпо́дь яви́ Тя, Чи́стая,/ ве́рным лю́дем Свои́м в защище́ние,/ и Твое́ю ико́ною чудотво́рною предста́тельство пока́за./ Е́юже укрепи́ стра́ждущия ду́ши на́ша,// да предста́нем чи́сты Сы́ну Твоему́, Богоневе́стная.

Ди́вным Свои́м Про́мыслом Влады́ка всех/ устроя́ет Тя, Нетле́нная Свята́я Де́во,/ в предста́тельство земны́м изве́стное:/ столп бо о́блачный Изра́илю/ путеводи́тель бысть в зе́млю обетова́нную,/ всемо́щное же моле́ние Твое́, Пречи́стая,// возно́сит ве́рныя в Небе́сное блаже́нство.

О́блак невеще́ственный в бре́нном телеси́ ви́дящи,/ и Твоего́, Богома́ти, чу́днаго явле́ния/ Боже́ственное де́йство разуме́вши,/ во у́жасе вдови́ца вопие́т:// несмь досто́йна ви́дети/ сла́ву Твою́, Пренепоро́чная.

Вдови́ца явле́ние ико́ны Богома́тере узре́вши на возду́се/ и мно́жицею о сем уве́рившися и́стинно,/ глаго́ла лю́дем о чудеси́, во Абала́це бы́вшем./ О, благонаде́жнаго Твоего́ промышле́ния, Де́во Чи́стая,/ ско́рая в беда́х Засту́пнице.

Цели́тельница безме́здная земли́ Сиби́рстей/ яви́лася еси́, Де́во Богоро́дице:/ кто бо, к ико́не Твое́й притека́яй,/ от смертоно́сныя я́звы не исцели́тся?/ Боле́зни бо и не́мощи врачу́еши,// чуде́сная ве́рным Помо́щнице.

Избра́нное ме́сто на Абала́це/ плодоно́сно чудесы́ Твои́ми яви́ла еси́,/ Пречи́стая Де́во Богоро́дице:/ повеле́ла бо еси́ но́ву це́рковь лю́дем Твои́м созда́ти,/ иде́же и́мя Твое́, Отрокови́це, просла́вится// во спасе́ние на́ше и утвержде́ние.

Сла́ва, и ны́не, глас 8:

Прииди́те, ве́рнии,/ почти́м ико́ну Пречи́стыя Богоро́дицы,/ во Абала́кской ве́си чу́дно яви́вшуюся,/ и досто́йно Присноде́ву восхва́лим,/ Сия́ Столп о́блачный яви́ся,/ и́мже рабо́ты фарао́на мы́сленнаго свободи́хомся,/ Сия́ Ка́мень горы́ Хори́в показа́ся,/ от него́же благода́ти ми́ро источа́ется/ во исцеле́ние неду́гов немощству́ющих,/ Сия́ есть Ста́мна манноприе́мная,// Е́юже Хле́ба Небе́снаго приобща́емся.

Вход. Проки́мен дне. Чте́ния три Богоро́дичная.

На лити́и стихи́ры, глас 2:

Прииди́те, Сиби́рстии наро́ди,/ восхва́лим Пречи́стую Богоро́дицу,/ Я́же явле́нием о́браза Своего́/ да́рует стра́ждущим осла́бу,/ скорбя́щим утеше́ние,/ бе́дствующим избавле́ние// и всем ве́рным ве́лию ми́лость.

Сла́ва, и ны́не, глас 8:

Кто, таково́е пресла́вное чу́до ви́дя, не диви́тся?/ Или́ кто, благоутро́бие Пречи́стыя разуме́в, не ужа́снется?/ Я́ко Де́ва Всенепоро́чная,/ в дожди́ ги́бельнем гнев Бо́жий на ми́лость преложи́вши,/ лю́дем Свои́м утеше́ние подаде́,/ преста́ бо тещи́ пото́к водны́й/ и затвори́шася исто́чницы возду́шнии./ Сего́ ра́ди вопие́м Ти:/ ра́дуйся, Благоутро́бная Влады́чице,// скорбь на ра́дость лю́дем Свои́м всегда́ претворя́ющая!

На стихо́вне стихи́ры, глас 8:

Что Тя нарече́м, Богоро́дице Де́во?/ Зарю́ ли у́треннюю,/ я́ко Христа́, Со́лнце пра́вды, нам предваря́ющая?/ Столп ли о́блачный,/ ве́рных в зе́млю обетова́нную путеводя́й?/ Ни́ву ли неора́нную,/ Хлеб Жи́зни лю́дем прозя́бшая?/ Его́же причаще́ния нас сподо́би,// да обря́щем живо́т ве́чный.

Стих: Освяти́л есть селе́ние Свое́ Вы́шний,/ Бог посреде́ его́ и не подви́жится.

Что Тя нарече́м, Богоро́дице Де́во?/ Цвет ли рая́ Божестве́ннаго,/ я́ко весь Абала́кскую украси́ла еси́?/ Крин ли благоуха́ния духо́внаго,/ я́ко оби́тель Свою́ облагоуха́ла еси́?/ Сосу́д ли ми́ра многоце́ннаго,/ я́ко цельбы́ неоску́дно излия́ла еси́?/ Сего́ ра́ди мо́лим Тя:// сотвори́ нас досто́йны ми́лости Твоея́.

Стих: Предста́ Цари́ца одесну́ю Тебе́ в ри́зах позлаще́нных/ оде́яна и преиспещре́на.

Что Тя нарече́м, Богоро́дице Де́во?/ Исто́чник ли живоно́сных вод,/ я́ко духо́вную жа́жду притека́ющих утоля́еши?/ Стену ли кре́пкую,/ я́ко лю́ди земли́ Сиби́рския наде́жно защища́еши?/ Ле́ствице изве́стнейшая,/ к Небеси́ пра́ведных ско́ро возводя́щая./ Те́мже моли́ Христа́ Бо́га// спасти́ся душа́м на́шим.

Сла́ва, и ны́не, глас то́йже:

Ра́дуйтеся, сиби́рстии наро́ди/ и вси лю́дие правосла́внии,/ я́ко явле́нием честна́го о́браза Пречи́стыя Де́вы во Абала́це/ град Тобо́льск просвеща́ется./ Сего́ ра́ди и мы от належа́щих нужд избавля́емся/ и вопие́м Ти, Влады́чице:// ра́дуйся, благи́х Вино́внице, изве́стное христиа́н Упова́ние.

На благослове́нии хле́бов тропа́рь, глас 4:

Днесь, я́ко со́лнце незаходи́мое,/ све́тло сия́ет образ Твой, Пречи́стая,/ в ве́си Абала́кской на возду́се/ вдови́це чу́дне яви́вшийся./ И мы, припа́дающе к нему́,/ Богоро́дице уми́льно вопие́м:/ о, Всепе́тая Влады́чице,/ мир оби́тели Твое́й да́руй// и душа́м на́шим ве́лию ми́лость.

НА У́ТРЕНИ

На Бог Госпо́дь: тропа́рь Богоро́дицы, три́жды.

По 1-м стихосло́вии седа́лен, глас 4:

Пресве́тлый о́браз Твой ра́дость всем ве́рующим прино́сит/ и, скорбе́й и напа́стей нас свобожда́я,/ бога́тство бла́гости оби́тели Твое́й да́рует./ К Тебе́ же прибега́ющии лю́тых бед избавля́ются/ и ку́пно с Гаврии́лом пе́ние прино́сят:/ ра́дуйся, Благода́тная, Госпо́дь с Тобо́ю.

Сла́ва, и ны́не, то́йже.

По 2_м стихосло́вии седа́лен, глас 4:

Боже́ственным и светоно́сным явле́нием Твои́м, Пренепоро́чная Де́во, освяти́ сла́вящия Тя/ и к стяжа́нию и́стиннаго благоче́стия наста́ви,/ нело́жна бо еси́ Предводи́тельница к ве́чному ра́дованию./ Сего́ ра́ди с любо́вию пра́зднуем явле́ние о́браза Твоего́, славосло́вяще Ти:/ ра́дуйся, Благода́тная, Госпо́дь с Тобо́ю.

Сла́ва, и ны́не, то́йже.

Велича́ние о́бщее или́ сие́:

Велича́ем Тя,/ Пресвята́я Дево,/ Богоизбра́нная Отрокови́це,/ и чтим о́браз Тво́й святы́й,/ его́же земли́ Сиби́рстей// в покро́в и заступле́ние дарова́ла еси́.

Псало́м избра́нный:

Ве́лий Госпо́дь и хва́лен зело́, во гра́де Бо́га на́шего, в горе́ святе́й Его́.

Пресла́вная глаго́лашася о Тебе́, Гра́де Бо́жий.

Освяти́л есть селе́ние Свое́ Вы́шний.

Свят храм Твой, ди́вен в пра́вде.

Сия́ врата́ Госпо́дня, пра́веднии вни́дут в ня.

Предста́ Цари́ца одесну́ю Тебе́ в ри́зах позлаще́нных оде́яна, преиспещре́на.

Престо́л Твой, Бо́же, в век ве́ка: жезл пра́вости, жезл ца́рствия Твоего́.

По полиеле́и седа́лен, глас 8:

Вели́чие Твое́ кто пове́сть, Всенепоро́чная Де́во?/ Явле́нием Твои́м всю страну́ Сиби́рскую удиви́ла еси́,/ благода́ть бо от ико́ны Твоея́ неду́ги мно́гих уврачева́ и боле́зни исцели́./ Сего́ ра́ди к Тебе́ припа́даем и те́пле вопие́м:/ не лиши́ нас Твоея́ ми́лости, безме́здная Цели́тельнице.

Сла́ва, и ны́не:

О, Всеми́лостивая Влады́чице!/ Не отри́ни нас, в беда́х су́щих, от Твоего́ заступле́ния,/ но моли́твами Твои́ми защити́ и спаси́ страну́ на́шу от вся́каго зла./ Да, Тобо́ю хва́лящеся и на Тя все упова́ние возлага́юще,/ не постыди́мся во ве́ки.

Степе́нна, 1-й антифо́н 4-го гласа. Проки́мен, глас 4: Помяну́ и́мя Твое́/ во вся́ком ро́де и ро́де. Стих: Слы́ши, Дщи, и виждь, и приклони́ у́хо Твое́. Вся́кое дыха́ние да хва́лит Го́спода: Ева́нгелие от Луки́, зача́ло 4.

По 50-м псалме́ стихи́ра, глас 6:

Ны́не наста́ пра́зднество ико́ны Твоея́, Пречи́стая,/ торжеству́йте, лю́дие,/ се бо светоно́сный о́браз на возду́се чуде́сне явля́ется/ и столпо́м о́блачным ви́димо утвержда́ется;/ днесь пра́вило ве́ры и о́браз кро́тости духо́вныя сказу́ется,/ днесь серде́чное к Бо́гу обраще́ние соверша́ется/ и полнота́ покая́ния пропове́дуется// во спасе́ние душ на́ших.

Кано́н, глас 8

Его́же краегране́сие: При́зри благосе́рдием, Всепе́тая, Богоро́дице.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ израильтя́нин вопия́ше:// Изба́вителю и Бо́гу на́шему пои́м.

Прекра́сный хра́ме Трисо́лнечнаго Све́та,/ украси́ моя́ чу́вства, молю́ся,/ да целому́дрен сый,/ честно́е Твое́ во Абала́це о́браза явле́ние воспою́, Чи́стая.

Ра́дуяся, к Твое́й честне́й ико́не припа́даю, Пречи́стая,/ ду́шу мою́ просвети́,/ те́ло от скве́рны очи́сти/ и, от лю́тых мя неду́гов свободи́вши,/ покажи́ прича́стника Небе́снаго Ца́рствия.

Изнемога́ющий ум мой напра́ви, молю́ Тя, Еди́на Присноде́во,/ к позна́нию Еди́наго Су́щаго Бо́га,/ и щедролю́бие да́руй ми,/ и благода́тию Христо́вою украси́ мя, Богоблагода́тная.

Зря́щи грехо́вность и ху́дость естества́ моего́,/ молю́ Тя, Де́во:/ даждь ми позна́ние моея́ не́мощи,/ да слеза́ми мно́гими омы́ю скве́рное мое́ житие́,/ Еди́на Богоблаже́нная.

Песнь 3

Ирмо́с: Небе́снаго кру́га Верхотво́рче Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,// еди́не Человеколю́бче.

Ра́ди ми́лости Твоея́ низложи́ во мне прило́ги бесо́вския,/ да, ум очи́стив и се́рдце уцелому́дрив,/ к и́стинному богопозна́нию устремлю́ся, Еди́на Де́во Всепе́тая.

Изво́лила еси́ сто́лпом о́блачным/ яви́ти добро́ту о́браза Твоего́ вдови́це смире́нней,/ та́ко и ны́не при́зри на рабы́ Твоя́,/ призыва́ющия Тя и тре́бующия Твоея́ по́мощи, Благода́тная.

Бу́дущее муче́ние, я́ко наказа́ние за суету́ дея́ний грехо́вных,/ и кра́ткий всех веще́й и всего́ ми́ра тле́ннаго коне́ц,/ помышля́ти сподоби́ мя, Де́во,/ да благода́тию Сы́на Твоего́,/ на путь и́стиннаго покая́ния наста́влен,/ ве́чнаго осужде́ния избе́гну, Пренепоро́чная.

Люби́ти бли́жняго и покрыва́ти согреше́ния его́ даждь ми, Де́во,/ честолю́бие же, осужде́ние и праздносло́вие отдали́ от мене́,/ да плоды́ досто́йны принесу́ Сы́ну Твоему́, Еди́на Пречи́стая.

Ин конда́к, глас 4:

Абала́кской ико́не Влады́чицы на́шей Богоро́дицы,/ благогове́йно поклоня́ющеся,/ со умиле́нием взыва́ем:/ спаси́ нас моли́твами Твои́ми,// Пресвята́я Де́во.

Седа́лен, глас то́йже:

Глаго́лы на́ша услы́ши, Влады́чице,/ призыва́ющих Тя и тре́бующих Твоея́ по́мощи,/ да́руй нам на враги́ одоле́ние/ и душа́м на́шим спасе́ние,/ Ты бо еси́ Пода́тельница благи́х,/ Небеси́ Цари́ца/ и ми́ру Помо́щница.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́// и просла́вих Твое́ Божество́.

О Тебе́, Богома́ти, небе́сное торжеству́ет сосло́вие,/ с ни́мже и мы, земноро́днии, пра́зднуем днесь,/ прославля́юще явле́ние о́браза Твоего́, Пречи́стая.

Се́рдце мое́ ожесточе́нное умягчи́, Де́во,/ и росо́ю милосе́рдия напои́ изсо́хшую ду́шу мою́,/ да, бли́жнему своему́ и́скренне послужи́в,/ просла́влю Тя, Богоневе́сто Влады́чице.

Еди́на Присноде́во,/ от тле́нных и вре́менных ум мой отврати́/ и, милосе́рдием Твои́м покры́вши,/ пла́мень страсте́й мои́х угаси́.

Ра́бское сребролю́бие и забве́ние благоче́стия потреби́ от правосла́вных, Влады́чице,/ да, жизнь нескве́рную восприе́мше,/ невозбра́нно еди́ными усты́ восхва́лят Тя, Присноде́во.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою// Твой мир пода́ждь нам, Человеколю́бче.

Ди́внаго о́браза Богома́тере явле́ние,/ в не́мже святи́тель Никола́й наставля́ет вдови́цу чи́стую/ о Твое́м зна́мении пове́дати лю́дем, Пренепоро́чная,/ да, тьму суеве́рия отгна́вши,/ и́стинный свет спасе́ния восприи́мут.

Испо́лни ра́дости се́рдце мое́, Пречи́стая,/ и, лю́тых собла́знов изба́вльши,/ мглу грехо́вную разве́й/ и бла́гостию Твое́ю храм чистоты́ и вся́кия доброде́тели мя соде́лай.

Еди́но души́ моея́ упова́ние, Богоро́дице,/ кра́сная ми́ра сего́ возненави́дети мя наста́ви, молю́ Тя, Чи́стая,/ да помраче́ния мы́сленнаго изба́влься,/ улучу́ нетле́нное Сы́на Твоего́ насле́дие.

Молю́ Тя, Влады́чице,/ па́мять сме́ртную и благи́м воздая́ние во мне утверди́,/ да, сия́ вы́ну во уме́ содержа́,/ вся́кая беззако́ния оста́влю/ и Ца́ствия Небе́снаго дости́гну.

Песнь 6

Возводя́щи лю́ди от тьмы грехо́вныя/ явле́нием о́браза Твоего́, Влады́чице,/ подае́ши заступле́ние и предста́тельство,/ да еди́ными усты́ и чи́стым се́рдцем просла́вят Тя, Еди́на Пречи́стая.

Сло́ва Бо́жия Роди́тельнице,/ за́висти грехо́вныя изба́ви мя,/ да, и́скреннее братолю́бие явля́я,/ жи́зни ве́чныя в Ца́рстве Сы́на Твоего́ сподо́блюся, Преблагослове́нная.

Еди́на Богома́ти,/ ра́дости мое́ се́рдце испо́лни/ и, печа́ли мглу грехо́вную ско́ро потребля́ющи,/ наста́ви мя пе́ти:/ ра́дуйся, Благода́тная, Спа́са Христа́ нам ро́ждшая.

Пресвята́я Богоро́дице,/ благода́тию Твое́ю любовь к Сы́ну Твоему́ во мне возгре́й/ и бли́жнему моему́ от души́ благотвори́ти наста́ви,/ да не пре́дан бу́ду Суду́ без ми́лости,/ я́ко не сотвори́вый ми́лости, Всенепоро́чная.

Конда́к, глас 4:

Ева́нгелия Христо́ва благове́стник Лука́/ о́бразы Твоя́, Пречи́стая, дре́вле изобрази́,/ вдови́ца же, еди́н от них чу́дне узре́вши,/ возвести́ нам повеле́ние Твое́,/ да ве́рнии, к Тебе́ притека́юще, зову́т:/ ра́дуйся, Влады́чице,// Зна́мение ми́лости Твоея́ нам явля́ющая.

И́кос:

Твоего́ пресла́внаго явле́ния чу́до, Богоро́дице, во Абала́це/ почита́ющих Тя утеша́ет и укрепля́ет:/ земноро́дным бо подае́ши незави́стную исцеле́ния ра́дость,/ е́юже и земля́ Сиби́рская, преизоби́льно обогати́вшися,/ весели́тся ны́не и непреста́нно вопие́т Ти:/ Ра́дуйся, прибе́жище на́ше и упова́ние;/ ра́дуйся, неисповеди́мая всем ра́досте./ Ра́дуйся, о́бразом Свои́м святы́м нас просвеща́ющая;/ ра́дуйся, исцеле́ние всем ско́ро подаю́щая./ Ра́дуйся, от бед и скорбе́й избавле́ние;/ ра́дуйся, оби́тели Абала́кской и всея́ Сиби́ри защище́ние./ Ра́дуйся, Влады́чице, зна́мение ми́лости Твоея́ нам явля́ющая.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:// отце́в Боже, благослове́н еси́.

А́нгельский лик на небеси́ песносло́вит пресве́тлое Твое́ явле́ние/ и челове́ческий род восхваля́ет Тя на земли́, Пренепоро́чная Богоро́дице,/ я́ко Ма́ти су́щи Живота́,/ мо́лиши о нас Сы́на Твоего́, Христа́ Бо́га на́шего, пою́щих:/ отце́в Бо́же, благослове́н еси́.

Я́дию в тле́ние па́дших лю́те/ Рождество́м Твои́м возста́вила еси́, Богоро́дице Де́во./ Сего́ ра́ди презре́ние вре́менных и жела́ние благ ве́чных пода́ждь ве́рою пою́щим:/ отце́в Бо́же, благослове́н еси́.

Бесо́вския прило́ги потребля́ющи,/ по́хоти плотски́я укроти́ во мне, Де́во,/ и, души́ мое́й здра́вие да́рующи,/ сподо́би вку́пе со святы́ми пе́ти:/ отце́в Бо́же, благослове́н еси́.

Оскверни́х ду́шу мою́ греха́ми мно́гими/ и невоздержа́нием вся́ческим сотвори́х себе́ непотре́бна пред Тобо́ю, Пречи́стая Влады́чице,/ но очи́сти мя и на богоуго́дное житие́ наста́ви,/ да со святы́ми вку́пе воспою́:/ отце́в Бо́же, благослове́н еси́.

Песнь 8

Ирмо́с: Ца́ря Небе́снаго,/ Его́же пою́т во́и А́нгельстии,// хвали́те и превозноси́те во вся ве́ки.

Грехо́вное томле́ние души́ моея́ утоли́, Богоро́дице,/ росою́ же благода́ти Твоея́ со́вестное жже́ние угаси́/ и, от клеветы́ наве́тующих изба́вльши,/ не́нависть и памятозло́бие отврати́ от мене́, да благода́рне воспою́:/ хвали́те Бо́га и превозноси́те Его́ во вся ве́ки.

О́браз Твой, Богоро́дице, во Абала́це я́вльшийся,/ по́мощь и заступле́ние подае́т всем, с ве́рою к нему́ притека́ющим и благода́рне вопию́щим:/ хвали́те Бо́га и превозноси́те Его́ во вся ве́ки.

Ра́дость вме́сто печа́ли души́ моей пода́ждь, Всечи́стая,/ и ми́лостию Твое́ю утверди́ в ми́ре се́рдце мое,/ мяте́ж ми́ра сего́ потребля́ющи, да благода́рне воспою́:/ хвали́те Бо́га и превозноси́те Его́ во вся ве́ки.

О, Пренепоро́чная Де́во,/ терпе́ние тве́рдое да́руй ми во искуше́нии,/ кро́тостию и незло́бием испо́лни мя во озлобле́нии,/ да, ра́дуяся, воспою́:/ хвали́те Бо́га и превозноси́те Его́ во вся ве́ки.

Песнь 9

Ирмо́с: Вои́стинну Богоро́дицу/ Тя испове́дуем,/ спасе́ннии Тобо́ю, Де́во Чи́стая,// со безпло́тными ли́ки Тя велича́юще.

Дом Пречи́стыя Богоро́дицы яви́ся оби́тель Абала́кская,/ в не́мже чудотво́рный о́браз пребыва́ет,/ я́ко зна́мение спасе́ния земли́ Сиби́рстей/ и всем, с ве́рою к нему́ притека́ющим.

Испо́лни ра́дости сердце мое́, Де́во Чи́стая,/ уныва́ющаго мя оживи́/ и отча́янием па́дшаго возста́ви,/ ле́ность же души́ моея́ потребля́ющи,/ во вся́цей доброде́тели укрепи́,/ да со безпло́тными ли́ки непреста́нно Тя велича́ю.

Целому́дренно се́рдце сози́жди во мне, Присноде́во Богоро́дице,/ ко исполне́нию во́ли Сы́на Твоего при́сно наставля́ющи,/ и в моли́тве постоя́нство даруй ми,/ Путеводи́тельнице моего́ спасе́ния.

Еди́ная Пречи́стая Чи́стая Присноде́во,/ мно́гия ми́лости о́бразом Твои́м чудотво́рным во Абала́це нам яви́вшая,/ ны́не благода́рственное славосло́вие воспева́ем Ти:/ ра́дуйся, Благода́тная, земли́ Сиби́рстей Покро́в и Утвержде́ние.

Свети́лен:

Досто́йное пе́ние воздади́м днесь, ве́рнии, Ро́ждшей всех святы́х Святе́йшее Сло́во,/ Сия́ бо есть нетле́нный Сосу́д чистоты и и́стинная Присноде́ва,/ от грехо́вныя нечистоты́ предста́тельством Свои́м нас избавля́ющая.

Сла́ва, и ны́не, то́йже.

На хвали́тех стихи́ры на 4, глас 4:

Днесь торжеству́ет сла́вный град Тобо́льск,/ ра́дуяся посеще́нию Де́вы Богоро́дицы,/ Сия́ бо явле́нием о́браза Своего́/ всей земли́ Сиби́рстей яви́лася еси́ Засту́пница/ от находя́щих бед и мно́гих скорбе́й,/ покрыва́ющи ве́рныя лю́ди// честны́м Свои́м омофо́ром.

Пресла́вное Твое́ во Абала́це явле́ние,/ Пренепоро́чная Влады́чице,/ неду́гующим есть исцеле́ние,/ слепы́м прозре́ние, хромы́м хожде́ние,/ гре́шным с Бо́гом примире́ние,/ всем ве́рным торжество́ спаси́тельное// и во и́стинней ве́ре утвержде́ние.

Ны́не проро́честии глаго́лы Твоя́, Богома́ти, исполня́ются,/ вси бо ро́ди Тя досто́йно ублажа́ют,/ с ни́миже и лю́дие Сиби́рстии днесь све́тло пра́зднуют,/ я́ко чудесы́ Твои́ми, Богома́ти,/ от Абала́кскаго о́браза Твоего́/ по́мощь благода́тную ско́ро получа́ют,/ в ве́ре и благоче́стии наставля́ются,/ в наде́жди на ми́лость Бо́жию укрепля́ются// и в любви́ к Тебе́ и Сы́ну Твоему́ утвержда́ются.

Росоно́сною Ду́ха благода́тию/ исцели́ боле́знующую мою́ ду́шу/ и даждь ми плач о гресе́х мои́х, Влады́чице,/ и не яви́ мя враго́м бы́ти ра́дование,/ но благода́тию Пречестна́го о́браза Твоего́/ отжени́ от мене́ мглу страсте́й душевре́дную и просвети́ све́том Сы́на Твоего́,// Всенепоро́чная Влады́чице.

Ро́ди челове́честии с ве́рою несумне́нною/ притека́ют к Тебе́, Богоро́дице,/ ско́ро бо подае́ши душа́м на́шим исцеле́ние,/ враго́в на́ших сту́дно посрамля́еши/ и благода́тию пречи́стаго о́браза Твоего́/ просвеща́еши све́том Сы́на Твоего́,// Всенепоро́чная Влады́чице.

Сла́ва, и ны́не, глас 8:

Прииди́те, сиби́рстии наро́ди,/ прииди́те, приступи́те и просвети́теся,/ се бо во сла́ве Бо́жией Цари́ца Небе́сная/ со святи́телем и чудотво́рцем Никола́ем/ и преподо́бною Мари́ею Еги́петскою/ пресве́тлым Свои́м предстои́т о́бразом,/ да спасе́т оби́тель Свою́ и страну́ Сиби́рскую./ Е́юже ду́си лука́вии прогоня́ются,/ боле́зни исцеля́ются,/ и все естество челове́ческое,/ вину́ избавле́ния своего́ Тобо́ю прие́мши,/ с любо́вию вопие́т Ти:// ра́дуйся, Влады́чице, зна́мение ми́лости Твоея́ нам явля́ющая.

Славосло́вие вели́кое. Ектении́. И отпу́ст.

НА ЛИТУРГИ́И

Блаже́нна от кано́на, пе́снь 3-я и 6-я. Проки́мен, глас 3, песнь Богоро́дицы: Вели́чит душа́ моя́ Го́спода/ и возра́довася дух Мой о Бо́зе, Спа́се Мое́м. Стих: Я́ко призре́ на смире́ние рабы́ Своея́, се бо от ны́не ублажа́т Мя вси ро́ди. Апо́стол ко Евре́ем, зача́ло 320. Ева́нгелие от Луки́, зача́ло 54. Прича́стен: Ча́шу спасе́ния прииму́:

Моли́тва

О, Пресвята́я Госпоже́, Де́во Богоро́дице, вы́шшая Херуви́м и Серафи́м, и всех святы́х Святе́йшая! Ты, Всеблага́я, во Абала́це ико́ну Твою́ многоцеле́бную яви́ти благоволи́ла еси́, и е́ю мно́гая и неизрече́нная чудеса́ соде́лала еси́, и ны́не содева́еши по Твоему́ неизрече́нному к нам милосе́рдию. Тебе́, Преблагослове́нней ро́да на́шего Засту́пнице, припа́даем и мо́лимся, вку́пе со святи́телем Никола́ем и преподо́бною Мари́ею Еги́петскою, да не лиши́мся их хода́тайства и Твоего́ заступле́ния и покро́ва держа́внаго. Спаси́ и защити́ нас, Влады́чице, от разжже́нных стрел лука́ваго, укрепи́ немощну́ю во́лю на́шу к де́ланию за́поведей Христо́вых, умягчи́ окамене́нная сердца́ на́ша любо́вию к Бо́гу и бли́жним, да́руй нам сокруше́ние серде́чное и покая́ние и́стинное, да очи́стившеся от скве́рны грехо́вныя и изба́вльшеся от неве́дения и забве́ния, восста́вше от ле́ности и нераде́ния, возмо́жем принести́ Творцу́ благоуго́дныя Ему́ плоды́ до́брых дел и сподо́битися ми́рныя христиа́нския кончи́ны и отве́та пра́ваго на Стра́шнем и нелицеприя́тнем Суде́ Его́. О, Госпоже́ Всеми́лостивая! В час гро́зный сме́ртный наипа́че яви́ нам Твое́ многомо́щное заступле́ние, ускори́ тогда́ на по́мощь к нам, и держа́вною руко́ю Твое́ю исхити́ нас из вла́сти лю́таго мироде́ржца, и́бо вои́стинну мно́го мо́жет моли́тва Твоя́ пред лице́м Го́спода, и вся возмо́жна суть хода́тайству Твоему́, а́ще то́кмо восхо́щеши. Те́мже на святы́й о́браз Твой умиле́нно взира́юще и пред ним Тебе́ покланя́ющеся, со упова́нием благим са́ми себе́, и друг дру́га, и весь живо́т наш Тебе́ по Бо́зе моли́твенно предае́м и Тя велича́ем с ро́ждшимся от Тебе́ Спаси́телем на́шим, Го́сподом Иису́сом Христо́м, Ему́же, со Безнача́льным Его Отце́м и Пресвяты́м Ду́хом, подоба́ет вся́кая сла́ва, честь и поклоне́ние, ны́не и при́сно и во ве́ки веко́в. Ами́нь.

И́на моли́тва

О, Всеблагослове́нная Влады́чице на́ша, Богоро́дице и Присноде́во Мари́е! Приими́ сию́ моли́тву, Тебе́ ны́не приноси́мую от нас, недосто́йных рабов Твои́х, к цельбоно́сному о́бразу Твоему́ со умиле́нием притека́ющих, и с ве́рою прося́щих благода́тныя по́мощи. О наде́ждо на́ша, Ма́ти Бо́жия, помози́ всем бе́дствующим, оби́димым, больны́м, путеше́ствующим, гла́дствующим, приюти́ сиро́т, благослови́ всех дете́й, напра́ви к добру́ вся́ку ю́ность, правосла́вному во́инству спобо́рствуй, укрепи́ в чи́стом житии́ во́зрастных, вся́ку ста́рость соде́лай о́бразом святы́я жи́зни, укрепи́ наде́ждою умира́ющих, всех гре́шников приведи́ к покая́нию, истреби́ тьму язы́чества, неве́рия, ересе́й и раско́лов, просвети́ нас све́том Небе́сным, да́руй мир душа́м на́шим, всех введи́ в позна́ние И́стины Бо́жией, всех напра́ви на путь и́стинный и спаси́ нас. Ами́нь.

И́на моли́тва

О, Пресвята́я Влады́чице на́ша Богоро́дице, милосе́рдия исто́чниче, покро́ве, упова́ние и прибе́жище христиа́н, к Тебе́ прибега́ющих! Тебе́, Всеси́льней Предста́тельнице и Спору́чнице покая́ния и спасе́ния на́шего, мы, гре́шнии раби́ Твои́, вруча́ем ду́ши и телеса́ на́ша, вхо́ды и исхо́ды, ве́ру и упова́ние на́ша, кончи́ну и число́ дней на́ших, глаго́лы и помышле́ния, дела́ и начина́ния. Ты же, Ми́лостивая Ма́ти Бо́жия, на́ми руково́дствуй, покрыва́й, соблюда́й и спаса́й нас от всех ко́зней вра́жеских невреди́мо, да немо́лчно до после́днего издыха́ния взыва́ем Ти: Радуйся, Неве́сто Неневе́стная! Ра́дуйся, Свята́я святы́х бо́льшая! Пресвята́я Богоро́дице, спаси́ нас. Ами́нь.

Добавить комментарий

Ваш адрес email не будет опубликован. Обязательные поля помечены *