Богородичен воскресный

Во имя Отца и Сына и Святаго Духа!

Кто Тебе не ублажит, Пресвятая Дево? Кто ли не воспоет Твоего Пречистаго Рождества! — такими радостными песнопениями, возлюбленные во Христе братия и сестры, все концы христианского мира воспевают и прославляют Пречистую Деву Марию, удостоившуюся вместить в Себя Невместимого и стать Матерью Бога Всевышнего и тем самым содействовать нашему спасению. Когда лукавому змию-искусителю удалось прельстить первых людей и тем разрушить их райское блаженство, когда смерть сделалась уделом всего человечества, тогда Всемилостивый Бог благоволил в погибающее человечество посеять новое семя жизни и спасения. В слове осуждения змию-искусителю Господь сказал: вражду положу между тобою и между женою и между семенем твоим и между семенем тоя. Той твою сотрет главу (Быт. 3, 15). И с этого момента премудрость Божия начинает устроять спасение человеческого рода, приготовляя и Жену, Которая могла бы вместить Невместимого.

Но можно ли было скоро обрести в зараженном ядом греха человечестве жену столь чистую и непорочную, чтобы семенем ее мог стать Святейший святых? Протекают годы, века, тысячелетия, но Чаяние языков — Спаситель — не является на землю. И виновный пред Богом грешный род человеческий, не находя умилостивительной жертвы к Богу за грехи свои, изнемогает под бременем проклятия Божия и терпит все роды бедствий и страданий за свою вину. Человеческий род, однажды споткнувшийся, все больше и больше уклонялся от истинного пути Божия, заблуждаясь и пребывая во мраке греховной жизни. Более пяти тысяч лет длилась эта духовная ночь, в которой пребывало человечество, позволяя себе совершать всякие гнусные, постыдные дела, омрачившись совершенно в своем разуме и рассуждении. Вот как об этом времени говорили ветхозаветные Пророки: нет праведного ни одного; нет разумевающего; никто не ищет Бога; все совратились с пути, до одного негодны; нет делающего добро, нет ни одного. Гортань их — открытый гроб; языком своим обманывают; яд аспидов на губах их. Уста их полны злословия и горечи. Ноги их быстры на пролитие крови; разрушение и пагуба на путях их; они не знают пути мира. Нет страха Божия перед глазами их (Рим. 3, 10-18).

И вот, когда в последние дни «семя зла» достигло своих крайних пределов, когда, по-видимому, нельзя было уже ожидать торжества добра над злом, тогда Промысл Божий являет миру чистую Деву, Которая оказывается достойною соделаться Матерью Искупителя — Богочеловека. Можно ли не радоваться людям при созерцании очами веры этого радостнейшего события? Ибо настал конец человеческим страданиям и близко время примирения людей с Богом! Она явилась Утренней Звездою, воссиявшей среди греховного мрака и возвестившей миру, что за Нею скоро взойдет Солнце духовное — Христос Спаситель, Который Своим Божественным учением просветит всех, приходящих к Нему.

Родив Бога Слова, Пречистая Дева Мария стала Матерью Божиею. Но Она вместе с тем является сейчас и Матерью всего человеческого рода, в особенности — рода христианского и ходатайствует за нас как за Своих детей. И мы должны чтить Ее по достоинству как Матерь Божию и как Матерь нашу Небесную; Господь всех, в Него верующих, назвал Своими братьями (Мф. 12, 50; Лк. 8, 21), следовательно, и все христиане по благодати Божией являются детьми Матери Божией. И Она, дорогие, печется о Своих чадах и молится за них, принимая самое деятельное участие в судьбе каждого христианина от самого рождения его до последних дней жизни. Однажды святой Андрей Христа ради юродивый был восхищен на небо, где видел множество святых небожителей, но не видел Матери Божией. И на вопрос его: «А где же Царица Небесная?» — Ангел ответил, что Она на земле — утешает скорбящих, помогает больным и всем, находящимся в бедах и несчастиях.

Благаго Царя Благая Мати, Царица Небесная как знак любви к земным жителям оставила на земле Свои иконы, через которые являет неисчислимые милости и источает токи чудес Своей благости всем, кто с верою и благоговением к Ней прибегает. Сегодня празднуется память иконы Божией Матери, именуемой «Ржевская». Краткая история ее такова. В 1539 году в деревне Клочки Ржевского уезда Тверской губернии два вора задумали украсть в соседнем селе двух лошадей. Сделав свое дело, для сбыта похищенного они поехали на торжище, находившееся от них на далеком расстоянии. Немного не доезжая до него, воры спрятали лошадей в чаще, а сами отправились далее. И вот, идя по лесу, они неожиданно увидели на дереве икону Божией Матери. Удивившись этому, они возвратились к себе домой и об увиденном сообщили своим односельчанам.

Для расследования чудесного знамения был послан некий инок по имени Стефан. Придя на указанное место с сотнею прихожан, он увидел там на одном из деревьев крест и на некотором расстоянии от него — икону Богоматери, висящую на сосне. И только Стефан снял ее оттуда, как послышался необыкновенно сильный шум и от иконы засиял необычайный свет. В это же время от нее получил исцеление находившийся там человек, больной ногами. А когда стали служить перед иконою водосвятный молебен, то одна слепая девочка тотчас же после него прозрела, и множество других чудес совершилось тогда у иконы всего лишь за одну неделю — числом двадцать семь.

Пока икона пребывала на том месте, чудеса текли от нее ручьями. Только записано было сто пятьдесят исцелений от этого образа. Не прекращались чудеса и в дальнейшем. Икону привозили в Москву, она и там являла чудесные знамения, исцеляя разных больных и недужных. В честь нее в Москве была выстроена церковь с учреждением туда (в 11-й день месяца июля) крестного хода. Затем, когда с иконы сняли копию, ее отправили обратно в Тверскую губернию.

И нам ли, дорогие, не чтить Божию Матерь, когда Она так нас любит! Будем Ее любить и чтить, ибо мы Ей стольким обязаны! Будем всегда к Ней обращаться со своими нуждами и Она исполнит все наши прошения. Радуйся, Мати Бога Вышняго, усердная Заступнице рода христианскаго!

Аминь.

Из книги «Похвала Божией Матери»

по тропаре́х святы́х, пое́мыя во все ле́то, в вече́рню же и на Бог Госпо́дь: во у́трени и па́ки в коне́ц у́трени

Глас 1

В неде́лю ве́чера и в понеде́льник на Бог Госпо́дь:

Чу́до чуде́с, Благода́тная, в Тебе́ зря́щи, / тва́рь ра́дуется, / зачала́ бо еси́ безсе́менно / и родила́ еси́ неизрече́нно, / Его́же чинонача́лия А́нгелов ви́дети не мо́гут, / Того́ моли́ о душа́х на́ших.

В коне́ц у́трени:

Пречи́стая Богоро́дице, / на Небесе́х Благослове́нная / и на земли́ славосло́вимая, / ра́дуйся, Неве́сто Неневе́стная.

В понеде́льник ве́чера и во вто́рник на Бог Госпо́дь:

Заче́ншая неопа́льно О́гнь Боже́ственный / и ро́ждшая безсе́менно Исто́чника Жи́зни, Го́спода, / Благода́тная Богоро́дице, / спаса́й Тя велича́ющия.

В коне́ц у́трени:

Безма́терняго на Небеси́, па́че мы́сли и слу́ха, / на земли́ без отца́ родила́ еси́; / Того́, Богоро́дице, / моли́ о душа́х на́ших.

Во вто́рник ве́чера и в сре́ду на Бог Госпо́дь:

Твое́ предста́тельство иму́ще, Пречи́стая, / и Твои́ми моли́твами лю́тых избавля́еми, / Кресто́м Сы́на Твоего́ везде́ соблюда́еми, / по до́лгу Тя вси благоче́стно велича́ем.

В коне́ц у́трени: Пречи́стая Богоро́дице, на Небесе́х:

В сре́ду ве́чера и в четверто́к на Бог Госпо́дь: Заче́ншая неопа́льно О́гнь Боже́ственный:

В коне́ц у́трени: Безма́терняго на Небеси́:

В четверто́к ве́чера и в пято́к на Бог Госпо́дь: Твое́ предста́тельство иму́ще:

В коне́ц у́трени: Пречи́стая Богоро́дице:

В пято́к ве́чера и в суббо́ту на Бог Госпо́дь:

Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка / в Тебе́, святе́м киво́те, / я́коже рече́ пра́ведный Дави́д, / яви́лася еси́ ши́ршая Небе́с, / поноси́вши Зижди́теля Твоего́: / сла́ва Все́льшемуся в Тя; / сла́ва Проше́дшему из Тебе́; / сла́ва Свободи́вшему нас Рождество́м Твои́м.

В коне́ц у́трени: Безма́терняго на Небеси́:

Глас 2

В неде́лю ве́чера и в понеде́льник на Бог Госпо́дь:

Благоутро́бия су́щи исто́чник, / ми́лости сподо́би нас, Богоро́дице, / при́зри на лю́ди согреши́вшия, / яви́, я́ко при́сно, си́лу Твою́, / на Тя бо упова́юще, ра́дуйся, вопие́м Ти, / я́коже иногда́ Гаврии́л, Безпло́тных Архистрати́г.

В коне́ц у́трени:

Ма́ти Свята́я неизрече́ннаго Све́та, / а́нгельскими Тя пе́сньми почита́юще, / благоче́стно велича́ем.

В понеде́льник ве́чера и во вто́рник на Бог Госпо́дь:

Боже́ственнаго бы́хом о́бщницы естества́ / Тобо́ю, Богоро́дице Присноде́во, / Бо́га бо нам воплоти́вшагося родила́ еси́. / Те́мже по до́лгу Тя вси благоче́стно велича́ем.

В коне́ц у́трени:

Тя велича́ем, Богоро́дице, вопию́ще: / ра́дуйся, незаходи́маго Све́та о́блаче, / Того́ носи́вши в не́дрех Сла́вы Го́спода.

Во вто́рник ве́чера и в сре́ду на Бог Госпо́дь:

Препросла́вленна еси́, Богоро́дице Де́во, / пое́м Тя: / Кресто́м бо Сы́на Твоего́ низложи́ся ад / и сме́рть умертви́ся, / умерщвле́ннии, воста́хом и Живота́ сподо́бихомся: / рай восприя́хом, дре́внее наслажде́ние. / Тем благодаря́ще, славосло́вим / я́ко держа́внаго Христа́ Бо́га на́шего / и Еди́наго Многоми́лостиваго.

В коне́ц у́трени:

Тя велича́ем, Богоро́дице, вопию́ще: / ра́дуйся, же́зле, / от него́же безсе́менно Бог прозябы́й, / погуби́ на Дре́ве сме́рть.

В сре́ду ве́чера и в четверто́к на Бог Госпо́дь: Боже́ственнаго бы́хом о́бщницы:

В коне́ц у́трени: Тя велича́ем, Богоро́дице, вопию́ще: / ра́дуйся, незаходи́маго Све́та о́блаче:

В четверто́к ве́чера и в пято́к на Бог Госпо́дь: Препросла́вленна еси́, Богоро́дице Де́во:

В коне́ц у́трени: Тя велича́ем, Богоро́дице, вопию́ще: / ра́дуйся, же́зле:

В пято́к ве́чера и в суббо́ту на Бог Госпо́дь:

Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго. / Того́ моли́ спасти́ся душа́м на́шим.

В коне́ц у́трени: Ма́ти Свята́я неизрече́ннаго Све́та:

А́ще прилучи́тся аллилу́ия: в ко́ем-ли́бо гла́се, глаго́лются сия́:

Апо́столи, му́ченицы и проро́цы, / святи́телие, преподо́бнии и пра́веднии, / до́бре по́двиг соверши́вшии и ве́ру соблю́дшии, / дерзнове́ние иму́ще ко Спа́су, / о нас Того́, я́ко Бла́га, моли́те, / спасти́ся, мо́лимся, душа́м на́шим.

Помяни́, Го́споди, я́ко Благ, души́ раб Твои́х / и, ели́ка в жи́тий согреши́ша, прости́, / никто́же бо безгре́шен, то́кмо Ты, / моги́й и преста́вленным да́ти поко́й.

Ма́ти Свята́я неизрече́ннаго Све́та:

Глас 3

В неде́лю ве́чера и в понеде́льник на Бог Госпо́дь:

Красоте́ де́вства Твоего́ и пресве́тлой чистоте́ Твое́й / Гаврии́л удиви́вся, вопия́ше Ти, Богоро́дице: / ку́ю Ти похвалу́ принесу́ досто́йную? / что же возъимену́ю Тя? / недоумева́ю и ужаса́юся. / Те́мже, я́ко повеле́н бых, вопию́ Ти: / ра́дуйся, Благода́тная.

В коне́ц у́трени:

Ки́йждо, иде́же спаса́ется, / та́мо пра́ведно и притека́ет, / и ко́е ино́е таково́е прибе́жище, / я́ко Ты, Богоро́дице, / покрыва́ющее ду́ши на́ша.

В понеде́льник ве́чера и во вто́рник на Бог Госпо́дь:

Прибе́жище и си́ла на́ша, Богоро́дице, / держа́вная по́мощь ми́ра, / моли́твами Твои́ми покры́й рабы́ Твоя́ / от вся́кия ну́жды, / Еди́на Благослове́нная.

В коне́ц у́трени: Ки́йждо, иде́же спаса́ется:

Во вто́рник ве́чера и в сре́ду на Бог Госпо́дь:

Жезл си́лы стяжа́вшии, Крест Сы́на Твоего́, Богоро́дице, / тем низлага́ем враго́в шата́ния, / любо́вию Тя непреста́нно велича́юще.

В коне́ц у́трени: Прибе́жище и си́ла на́ша:

В сре́ду ве́чера и в четверто́к на Бог Госпо́дь:

Проро́цы пропове́даша, / апо́столи научи́ша, / му́ченицы испове́даша / и мы ве́ровахом Богоро́дицу Тя вои́стинну су́щую. / Тем и велича́ем Рождество́ Твое́ неизрече́нное.

В коне́ц у́трени: Ки́йждо, иде́же спаса́ется:

В четверто́к ве́чера и в пято́к на Бог Госпо́дь: Жезл си́лы:

В коне́ц у́трени: Прибе́жище и си́ла на́ша:

В пято́к ве́чера и в суббо́ту на Бог Госпо́дь:

Тя, хода́тайствовавшую спасе́ние ро́да на́шего, / воспева́ем, Богоро́дице Де́во: / пло́тию бо, от Тебе́ восприя́тою, Сын Твой и Бог наш, / Кресто́м восприи́м стра́сть, / изба́ви нас от тли я́ко Человеколю́бец.

В коне́ц у́трени: Проро́цы пропове́даша:

Глас 4

В неде́лю ве́чера и в понеде́льник на Бог Госпо́дь:

Воспита́вшейся во хра́ме во свята́я святы́х, / оде́янней ве́рою и прему́дростию и безме́рным де́вством, / Архистрати́г Гаврии́л принесе́ с Небесе́ целова́ние / и, е́же ра́дуйся, ра́дуйся, Благослове́нная: / ра́дуйся, Препросла́вленная, Госпо́дь с Тобо́ю.

В коне́ц у́трени:

Я́ко всех еси́ творе́ний вы́шшая, / воспева́ти Тя досто́йно недоумева́юще, Богоро́дице, / ту́не, мо́лим Тя, поми́луй нас.

В понеде́льник ве́чера и во вто́рник на Бог Госпо́дь:

К Богоро́дице приле́жно ны́не притеце́м, / гре́шнии и смире́ннии, и припаде́м, / в покая́нии зову́ще из глубины́ души́: / Влады́чице, помози́, на ны милосе́рдовавши, / потщи́ся, погиба́ем от мно́жества прегреше́ний, / не отврати́ Твоя́ рабы́ тщи, / Тя бо и еди́ну наде́жду и́мамы.

В коне́ц у́трени:

Тя велича́ем, Богоро́дице, вопию́ще: / Ты еси́ купина́, в не́йже неопа́льно Моисе́й ви́де, / я́ко пла́мень, О́гнь Божества́.

Во вто́рник ве́чера и в сре́ду на Бог Госпо́дь:

Де́во Пренепоро́чная, Ма́ти Христа́ Бо́га, / ору́жие про́йде Твою́ пресвяту́ю ду́шу, / егда́ распина́ема ви́дела еси́ во́лею Сы́на и Бо́га Твоего́; / Его́же, Благослове́нная, моля́щи не преста́й / проще́ние прегреше́ний нам дарова́ти.

В коне́ц у́трени:

Тя велича́ем, Богоро́дице, вопию́ще: / Ты еси́ гора́, от нея́же неизглаго́ланно отсече́ся Ка́мень / и врата́ а́дова сокруши́.

В сре́ду ве́чера и в четверто́к на Бог Госпо́дь:

Сло́во О́тчее, Христа́ Бо́га на́шего, / от Тебе́ воплоти́вшагося, позна́хом, Богоро́дице Де́во, / Еди́на Чи́стая, / Еди́на Благослове́нная. / Тем непреста́нно Тя, воспева́юще, велича́ем.

В коне́ц у́трени: Я́ко всех еси́ творе́ний:

В четверто́к ве́чера и в пято́к на Бог Госпо́дь: Де́во Пренепоро́чная, Ма́ти:

В коне́ц у́трени: Тя велича́ем, Богоро́дице, вопию́ще: Ты еси́ гора́:

В пято́к ве́чера и в суббо́ту на Бог Госпо́дь:

Е́же от ве́ка утае́ное / и А́нгелом несве́домое та́инство, / Тобо́ю, Богоро́дице, су́щим на земли́ яви́ся Бог, / в несли́тном соедине́нии воплоща́емь, / и, Крест во́лею нас ра́ди восприи́м, / и́мже воскреси́в первозда́ннаго, / спа́се от сме́рти души́ на́ша.

В коне́ц у́трени: Тя велича́ем, Богоро́дице, вопию́ще: Ты еси́ купина́:

Глас 5

В неде́лю ве́чера и в понеде́льник на Бог Госпо́дь:

Со А́нгелы Небе́сная, с челове́ки земна́я, / гла́сом ра́дования, Богоро́дице, вопие́м Ти: / ра́дуйся, врата́, Небе́с ши́ршая; / ра́дуйся, Еди́на земноро́дных спасе́ние; / ра́дуйся, Чи́стая Благода́тная, / ро́ждшая Бо́га воплоти́вшагося.

В коне́ц у́трени:

От Де́вы возсия́вый ми́ру, Христе́ Бо́же, / сы́ны Све́та То́ю показа́вый, поми́луй нас.

В понеде́льник ве́чера и во вто́рник на Бог Госпо́дь:

В коне́ц у́трени:

Ма́ти Бо́жия Пресвята́я, стено́ христиа́н, / изба́ви лю́ди Твоя́ обы́чно, зову́щия Ти приле́жно, / сопроти́вися сра́мным и го́рдым по́мыслом, да вопие́м Ти: / ра́дуйся, Присноде́во.

Во вто́рник ве́чера и в сре́ду на Бог Госпо́дь:

Кресто́м Сы́на Твоего́, Богоблагода́тная, / и́дольская пре́лесть вся упраздни́ся / и де́монская кре́пость попра́ся. / Сего́ ра́ди, ве́рнии, по до́лгу Тя при́сно пое́м и благослови́м / и, Богоро́дицу вои́стинну испове́дающе Тя, велича́ем.

В коне́ц у́трени: От Де́вы возсия́вый ми́ру:

В сре́ду ве́чера и в четверто́к на Бог Госпо́дь:

Стра́нное Де́вы та́инство ми́ру показа́ся спаси́тельное: / от Нея́ бо роди́лся еси́ без се́мене / и пло́тию показа́лся еси́ без истле́ния, / всех ра́досте, / Го́споди, сла́ва Тебе́.

В коне́ц у́трени: Ма́ти Бо́жия Пресвята́я:

В четверто́к ве́чера и в пято́к на Бог Госпо́дь: Кресто́м Сы́на Твоего́:

В коне́ц у́трени: От Де́вы возсия́вый ми́ру:

В пято́к ве́чера и в суббо́ту на Бог Госпо́дь:

Ра́дуйся, две́ре Госпо́дня непроходи́мая; / ра́дуйся, стено́ и покро́ве притека́ющих к Тебе́; / ра́дуйся, необурева́емое приста́нище и Неискусобра́чная, / ро́ждшая пло́тию Творца́ Твоего́ и Бо́га, / моля́щи не оскудева́й о воспева́ющих / и кла́няющихся Рождеству́ Твоему́.

В коне́ц у́трени: От Де́вы возсия́вый ми́ру:

Глас 6

В неде́лю ве́чера и в понеде́льник на Бог Госпо́дь:

Нача́ло спасе́ния / Гаврии́лово провеща́ние к Де́ве бы́сть, / слы́ша бо, е́же ра́дуйся, и не убеже́ целова́ния, / не усумне́ся, я́ко Са́рра в се́ни, / но си́це глаго́лаше: / се раба́ Госпо́дня, / бу́ди Мне по глаго́лу твоему́.

В коне́ц у́трени:

Арха́нгельское сло́во прия́ла еси́, / и Херуви́мский престо́л показа́лася еси́, / и на объя́тиих Твои́х носи́ла еси́, Богоро́дице, / Наде́жду душ на́ших.

В понеде́льник ве́чера и во вто́рник на Бог Госпо́дь:

Упова́ние ми́ра, / Блага́я Богоро́дице Де́во, / Твое́ и еди́но держа́вное предста́тельство про́сим: / умилосе́рдися на безпредста́тельственныя лю́ди, / моли́ Ми́лостиваго Бо́га / изба́витися душа́м на́шим от вся́каго преще́ния, / Еди́на Благослове́нная.

В коне́ц у́трени:

Никто́же, притека́яй к Тебе́, / посра́млен от Тебе́ исхо́дит, / Пречи́стая Богоро́дице Де́во, / но про́сит благода́ти / и прие́млет дарова́ние к поле́зному проше́нию.

Во вто́рник ве́чера и в сре́ду на Бог Госпо́дь:

Богоро́дице Де́во, / моли́ Сы́на Твоего́, / во́лею пригвозди́вшагося на Кресте́ / и мир от пре́лести свобо́ждшаго, Христа́ Бо́га на́шего, / поми́ловати души́ на́ша.

В коне́ц у́трени:

Пре́жде век от Отца́ без ма́тере рожде́нна, / Сы́на и Сло́ва Бо́жия, / в после́дняя ле́та родила́ еси́ / воплоти́вшагося от чи́стых крове́й Твои́х, Богороди́тельнице, без му́жа. / Его́же моли́ / дарова́тися нам грехо́в оставле́нию пре́жде конца́.

В сре́ду ве́чера и в четверто́к на Бог Госпо́дь:

Свята́я Влады́чице, / Чи́стая Бо́га на́шего Ма́ти, / всех Творца́ неизрече́нно ро́ждшая, / моли́ со апо́столы свяще́нными всегда́ бла́гость Его́, / страсте́й нам изба́вити / и оставле́ние нам да́ти грехо́в.

В коне́ц у́трени:

Вели́ких дарова́ний, / Чи́стая Де́во Богома́ти, / Ты сподо́билася еси́, / я́ко родила́ еси́ пло́тию / Еди́наго от Тро́ицы, Христа́ Жизнода́вца, / во спасе́ние душ на́ших.

В четверто́к ве́чера и в пято́к на Бог Госпо́дь: Богоро́дице Де́во, моли́ Сы́на Твоего́:

В коне́ц у́трени: Пре́жде век от Отца́ без ма́тере:

В пято́к ве́чера и в суббо́ту на Бог Госпо́дь:

Предповеству́ет Гедео́н зача́тие / и сказу́ет Дави́д Рождество́ Твое́, Богоро́дице: / сни́де бо, я́ко до́ждь на руно́, / Сло́во во чре́во Твое́, / и прозябла́ еси́ без се́мене, / земле́ свята́я, ми́ра Спасе́ние, / Христа́ Бо́га на́шего, Благода́тная.

В коне́ц у́трени: Пре́жде век от Отца́ без ма́тере:

Глас 7

В неде́лю ве́чера и в понеде́льник на Бог Госпо́дь:

Богоро́дице Де́во Нескве́рная, / Сы́на Твоего́ моли́ с Го́рними си́лами / проще́нию прегреше́ний / нам пре́жде конца́ дарова́тися, / ве́рно Тя сла́вящим.

В коне́ц у́трени:

Превзошла́ еси́ си́лы Небе́сныя, / зане́ храм показа́лася еси́ Боже́ственный, / Благослове́нная Богоро́дице, / я́ко ро́ждшая Христа́, / Спа́са душ на́ших.

В понеде́льник ве́чера и во вто́рник на Бог Госпо́дь:

Ра́дуйся, Тебе́ приво́дим, Богоро́дице, / А́нгелов бо вы́шшая показа́лася еси́, / Бо́га ро́ждшая.

В коне́ц у́трени:

Умири́ моли́твами Богоро́дицы жи́знь на́шу, / вопию́щих Ти: / Ми́лостиве Го́споди, сла́ва Тебе́.

Во вто́рник ве́чера и в сре́ду на Бог Госпо́дь:

Распе́ншагося за ны Христа́ Бо́га / и разруши́вшаго сме́рти держа́ву, / непреста́нно моли́, / Богоро́дице Де́во, / да спасе́т души́ на́ша.

В коне́ц у́трени:

Изба́ви, Богоро́дице, от содержа́щих нас грехо́в, / я́ко ина́го упова́ния, ве́рнии, не и́мамы ра́зве Тебе́ / и от Тебе́ ро́ждшагося Бо́га.

В сре́ду ве́чера и в четверто́к на Бог Госпо́дь:

Плод чре́ва Твоего́, Пречи́стая, / проро́ков е́сть и зако́на исполне́ние. / Тем Тя, Богоро́дицу, / в ве́дении сла́вяще, / благоче́стно велича́ем.

В коне́ц у́трени:

Плод чре́ва Твоего́, Богоневе́сто, / челове́ком показа́ся спасе́ния хода́тайственный. / Тем Тя, Богоро́дицу, / ра́зумом и язы́ком сла́вяще, / ве́рнии, велича́ем.

В четверто́к ве́чера и в пято́к на Бог Госпо́дь: Распе́ншагося за ны Христа́ Бо́га:

В коне́ц у́трени: Изба́ви, Богоро́дице:

В пято́к ве́чера и в суббо́ту на Бог Госпо́дь:

Я́ко на́шего воскресе́ния сокро́вище, / на Тя наде́ющияся, Всепе́тая, / от ро́ва и глубины́ прегреше́ний возведи́, / Ты бо пови́нныя греху́ спасла́ еси́, / ро́ждшая Спасе́ние на́ше: / Я́же пре́жде рождества́ Де́ва, и в рождестве́ Де́ва, / и по рождестве́ па́ки пребыва́еши Де́ва.

В коне́ц у́трени:

Ра́дуйся, Невмести́маго в Небесе́х / вмести́вшая во утро́бе Твое́й; / ра́дуйся, Де́во, проро́ков пропове́дание, / Е́юже возсия Емману́ил; / ра́дуйся, Ма́ти Христа́ Бо́га.

Глас 8

В неде́лю ве́чера и в понеде́льник на Бог Госпо́дь:

Ра́дуйся, А́нгелом Ра́дость ми́ра прие́мшая; / ра́дуйся, ро́ждшая Творца́ Твоего́ и Го́спода; / ра́дуйся, сподо́бльшаяся бы́ти Ма́ти Бо́жия.

В коне́ц у́трени:

Ра́дуйся, Врата́ Царя́ Сла́вы, / я́же Вы́шний Еди́н прои́де / и Еди́ну запеча́тану сохрани́ / во спасе́ние душ на́ших.

В понеде́льник ве́чера и во вто́рник на Бог Госпо́дь:

Недви́жимое утвержде́ние ве́ры / и честны́й дар душ на́ших, / Богоро́дицу пе́сньми велича́ем, ве́рнии: / ра́дуйся, Ка́мень Жи́зни во чре́ве Твое́м вмести́вшая; / ра́дуйся, конце́й наде́ждо, скорбя́щих заступле́ние; / ра́дуйся, Неве́сто Неневе́стная.

В коне́ц у́трени:

Де́во Пречи́стая, спаси́ ны моли́твами Твои́ми, / дви́жущи утро́бу ма́тернюю, / Сы́ну Твоему́ и Бо́гу на́шему.

Во вто́рник ве́чера и в сре́ду на Бог Госпо́дь:

А́гнца, и Па́стыря, и Спа́са ми́ра, на Кресте́ зря́щи, / Ро́ждшая Тя, глаго́лаше, слезя́щи: / мир у́бо ра́дуется, прие́мля избавле́ние, / утро́ба же Моя́ гори́т, зря́щи Твое́ распя́тие, / е́же за всех терпи́ши, Сы́не и Бо́же Мой.

В коне́ц у́трени:

Плод чре́ва Твоего́, Пречи́стая, / проро́ков е́сть и зако́на исполне́ние. / Тем Тя, Богоро́дицу, в ве́дении сла́вяще, благоче́стно велича́ем.

В сре́ду ве́чера и в четверто́к на Бог Госпо́дь:

Мы́сленная врата́ Жи́зни, Пречи́стая Богоро́дице, / притека́ющия к Тебе́ ве́рно изба́ви от бед: / да сла́вим пресвято́е Рождество́ Твое́ во спасе́ние душ на́ших.

В коне́ц у́трени: Де́во Пречи́стая, спаси́ ны:

В четверто́к ве́чера и в пято́к на Бог Госпо́дь: А́гнца, и Па́стыря:

В коне́ц у́трени: Плод чре́ва Твоего́, Пречи́стая:

В пято́к ве́чера и в суббо́ту на Бог Госпо́дь:

И́же нас ра́ди рожде́йся от Де́вы / и распя́тие претерпе́в, Благи́й, / испрове́ргий сме́ртию сме́рть / и Воскресе́ние явле́й я́ко Бог, / не пре́зри, я́же созда́л еси́ руко́ю Твое́ю, / яви́ человеколю́бие Твое́, Ми́лостиве, / приими́ ро́ждшую Тя Богоро́дицу, моля́щуюся за ны, / и спаси́, Спа́се наш, лю́ди отча́янный.

В коне́ц у́трени: Де́во Пречи́стая, спаси́ ны:

  • Глас 1
  • Глас 2
  • Глас 3
  • Глас 4
  • Глас 5
  • Глас 6
  • Глас 7
  • Глас 8

Глас 1

Богородичен Догматик:

Всеми́рную сла́ву / от челове́к прозя́бшую / и Влады́ку ро́ждшую, / Небе́сную дверь / воспои́м, Мари́ю Де́ву, / Безпло́тных песнь и ве́рных удобре́ние: / Сия́ бо яви́ся не́бо и храм Божества́; / Сия́ прегражде́ние вражды́ разруши́вши, / мир введе́ и Ца́рствие отве́рзе. / Сию́ у́бо иму́ще ве́ры утвержде́ние, / Побо́рника и́мамы из Нея́ ро́ждшагося Го́спода. / Дерза́йте у́бо, дерза́йте, лю́дие Бо́жии, / и́бо Той победи́т враги́, / я́ко Всеси́лен.

Перевод: Всемирно славную, / от людей происшедшую и Владыку родившую / воспоем, – Марию Деву, / небесную дверь, Бесплотных песнь и верных украшение. / Ибо явилась Она небом и храмом Божества. / Она, разрушив враждебную преграду, / мир водворила и отверзла Царство. / Потому держась Её, опоры нашей веры, / имеем мы Защитником от Нее рожденного Господа. / Дерзайте же, дерзайте, люди Божии, / ибо Он победит врагов, как Всемогущий.

На стиховне Богородичен:

Се испо́лнися Иса́иино прорече́ние: / Де́ва бо родила́ еси́ / и по рождестве́, я́ко пре́жде рождества́, пребыла́ еси́, / Бог бо бе Рожде́йся, те́мже и естества́ новопресече́. / Но, о Богома́ти, / моле́ния Твои́х рабо́в, / в Твое́м хра́ме приноси́мая Тебе́, не пре́зри, / но я́ко Благоутро́бнаго Твои́ма рука́ма нося́щи, / на Твоя́ рабы́ умилосе́рдися / и моли́ спасти́ся душа́м на́шим.

Перевод: Вот, исполнилось пророчество Исаии, / ибо Ты, Дева, родила и после родов осталась, как и до родов: / ведь Богом был рожденный, / потому Он и законы природы изменил. / Но, о Богоматерь, / молений Твоих рабов, Тебе в Твоем святилище приносимых, не презри, / но, как Милосердного во объятиях Твоих носившая, / над служителями Твоими смилуйся / и ходатайствуй о спасении душ наших.

Богородичен отпустительный:

Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка, / в Тебе́, святе́м киво́те, / я́коже рече́ пра́ведный Дави́д; / яви́лася еси́ ши́ршая Небе́с, / поноси́вши Зижди́теля Твоего́. / Сла́ва Все́льшемуся в Тя, / сла́ва Проше́дшему из Тебе́, / слава Свободи́вшему нас Рождество́м Твои́м.

Перевод: Гавриил возгласил Тебе, Дева, «Радуйся», / и с тем возгласом воплощался всех Владыка / в Тебе, святом Ковчеге, / как сказал праведный Давид. / Явилась Ты пространнее небес, / носив Создателя Твоего. / Слава Вселившемуся в Тебя; / слава Происшедшему из Тебя; / слава Освободившему нас рождением от Тебя.

Глас 2

Пре́йде сень зако́нная, / благода́ти прише́дши: / я́коже бо купина́ не сгара́ше опаля́ема, / та́ко Де́ва родила́ еси́ / и Де́ва пребыла́ еси́. / Вме́сто столпа́ о́гненнаго / пра́ведное возсия́ Со́лнце, / вме́сто Моисе́я, / Христо́с, спасе́ние душ на́ших.

Перевод: Прошла тень закона, / когда благодать явилась; / ибо как не сгорал терновый куст, объятый пламенем, / так Ты, Дева, родила и девою осталась. / Вместо столпа огненного / воссияло Солнце правды, / вместо Моисея – Христос, / спасение душ наших.

О чудесе́ но́ваго всех дре́вних чуде́с! / Кто бо позна́ Ма́терь, без му́жа ро́ждшую / и на руку́ нося́щую всю тварь Содержа́щаго; / Бо́жие есть изволе́ние Ро́ждшееся. / Его́же я́ко Младе́нца Пречи́стая, / Твои́ма рука́ма носи́вшая, / и ма́тернее дерзнове́ние к Нему́ иму́щая, / не преста́й моля́щи о чту́щих Тя, / уще́дрити и спасти́ ду́ши на́ша.

Перевод: О, чудо новое, высшее всех древних чудес! / Ибо кто знал матерь, без мужа родившую, / и во объятиях носившую все творение Объемлющего? / Божий замысел – это зачатие. / Ты же, Пречистая, Его как младенца руками Своими державшая, / и материнское дерзновение к Нему стяжавшая, / не переставай молить о чтущих Тебя, / да смилуется Он и спасет души наши.

Вся, па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго; / Того́ моли́ спасти́ся душа́м на́шим.

Перевод: Все превыше ума, все преславны / Твои, Богородица, таинства: / чистотой запечатленная и девство сохранившая, / Ты явилась истинной Матерью, родившей Бога истинного. / Его моли о спасении душ наших.

Глас 3

Ка́ко не диви́мся / Богому́жному Рождеству́ Твоему́, Пречестна́я, / искуше́ния бо му́жескаго не прие́мши, Всенепоро́чная, / родила́ бо еси́ без отца́ Сы́на пло́тию, / пре́жде век от Отца́ рожде́ннаго без ма́тере, / ника́коже претерпе́вшаго измене́ния, или́ смеше́ния, или́ разделе́ния, / но обою́ существу́ сво́йство це́ло сохра́ншаго. / Те́мже, Ма́ти Де́во Влады́чице, / Того́ моли́ спасти́ся душа́м, / правосла́вно Богоро́дицу испове́дающих Тя.

Перевод: Как не удивиться нам / рождению от Тебя Богочеловека, Всесвященная! / Ибо общения с мужем не испытав, Пренепорочная, / родила Ты без отца Сына во плоти, / прежде веков от Отца рожденного без матери, / и ни в чем не испытавшего при этом изменения, / или смешения, или разделения, / но свойства каждого естества / в целости сохранившего. / Потому, Матерь-Дева, Владычица, / моли Его о спасении душ / православно Богородицею исповедующих Тебя.

Без се́мене от Боже́ственнаго Ду́ха, / во́лею же О́тчею зачала́ еси́ Сы́на Бо́жия, / от Отца́ без ма́тере пре́жде век су́ща, / нас же ра́ди, из Тебе́ без отца́ бы́вша, пло́тию родила́ еси́, / и Младе́нца млеко́м пита́ла еси́. / Те́мже не преста́й моли́ти, / изба́витися от бед душа́м на́шим.

Перевод: Без семени от Божественного Духа / и по воле Отчей зачала Ты Сына Божия. / От Отца без матери прежде веков Имеющего начало, / но ради нас от Тебя без отца Происшедшего / Ты по плоти во чреве носила / и как младенца молоком питала. / Потому не переставай ходатайствовать / о избавлении от бед душ наших.

Тя, хода́тайствовавшую спасе́ние ро́да на́шего, / воспева́ем, Богоро́дице Де́во: / пло́тию бо, от Тебе́ восприя́тою, Сын Твой и Бог наш, / Кресто́м восприи́м страсть, / изба́ви нас от тли я́ко Человеколю́бец.

Перевод: Тебя, как Посредницу спасения рода нашего, / воспеваем, Богородица Дева, / ибо плотию, от Тебя принятою, Сын Твой и Бог наш, / на Кресте претерпев страдания, / избавил нас от тления, как Человеколюбец.

Глас 4

И́же Тебе́ ра́ди богооте́ц проро́к Дави́д / пе́сненно о Тебе́ провозгласи́, / вели́чия Тебе́ Сотво́ршему, / предста́ Цари́ца одесну́ю Тебе́, / Тя бо Ма́терь, Хода́таицу Живота́ показа́, / без отца́ из Тебе́ вочелове́читися благоволи́вый Бог, / да Свой па́ки обнови́т о́браз, истле́вший страстьми́, / и заблу́ждшее горохи́щное обре́т овча́, / на ра́мо восприи́м, ко Отцу́ принесе́т / и Своему́ хоте́нию / с Небе́сными совокупи́т Си́лами, / и спасе́т, Богоро́дице, мiр / Христо́с, име́яй ве́лию и бога́тую ми́лость.

Перевод: Через Тебя, Богородица, / ставший предком Божиим пророк Давид / благозвучно о Тебе провозгласил / пред сотворившем Тебе величие: / «Предстала Царица справа от Тебя». / Ибо Тебя Матерью, носительницей жизни сделал Бог, / без отца благоволивший воплотиться от Тебя, / чтобы обновить в нас Свой образ, погубленный страстями, / и, найдя заблудившуюся в горах овцу, / взяв на плечи ко Отцу принести, / и по Своей воле соединить с небесными Силами и спасти мир – / Христос, имеющий великую и богатую милость.

При́зри на моле́ния Твои́х раб, Всенепоро́чная, / утоля́ющи лю́тая на ны воста́ния, / вся́кия ско́рби нас изменя́ющи. / Тя бо, Еди́ну, тве́рдое и изве́стное утвержде́ние и́мамы, / и Твое́ предста́тельство стяжа́хом. / Да не постыди́мся, Влады́чице, Тя призыва́ющии, / потщи́ся на умоле́ние Тебе́ ве́рно вопию́щих: / ра́дуйся, Влады́чице, / всех по́моще, ра́досте и покро́ве, / и спасе́ние душ на́ших.

Перевод: Приклонись к мольбам рабов Твоих, Всенепорочная, / прекращая беды, на нас восстающие, / от всякой скорби нас избавляя: / ибо Тебя одну как твердую и надежную опору мы имеем, / и в Тебе защиту обрели. / Да не постыдимся, Владычица, Тебя призывая! / Поспеши исполнить моление Тебе с верою взывающих: / «Радуйся, Владычица, всем помощь, / радость и покров и спасение душ наших!»

Е́же от ве́ка утае́ное / и А́нгелом несве́домое та́инство, / Тобо́ю, Богоро́дице, су́щим на земли́ яви́ся Бог, / в несли́тном соедине́нии воплоща́ем / и, Крест во́лею нас ра́ди восприи́м, / и́мже воскреси́в первозда́ннаго, / спасе́ от сме́рти ду́ши на́ша.

Перевод: От века сокровенное / и Ангелам неведомое таинство, / через Тебя, Богородица, явлено живущим на земле, / – Бог, воплощающийся в неслитном единении двух естеств, / и ради нас добровольно принявший Крест, – / им Он воскресил Адама первозданного / и спас от смерти души наши.

Глас 5

В Чермне́м мо́ри, / Неискусобра́чныя Неве́сты о́браз написа́ся иногда́: / та́мо Моисе́й, раздели́тель воды́, / зде же Гаврии́л, служи́тель чудесе́. / Тогда́ глубину́ ше́ствова немо́кренно Изра́иль; / ны́не же Христа́ роди́ безсе́менно Де́ва. / Мо́ре по проше́ствии Изра́илеве пребы́сть непрохо́дно; / Непоро́чная по рождестве́ Эмману́илеве пребы́сть нетле́нна. / Сый и пре́жде Сый, / явле́йся я́ко Челове́к, / Бо́же, поми́луй нас.

Перевод: В Красном море / образ Невесты, брака не познавшей, / был начертан некогда. / Там – Моисей, разделитель воды, / здесь же – Гавриил, служитель чуда. / Тогда морскую глубину, не омочив ног, прошел Израиль, / ныне же Христа без семени родила Дева. / Море после прохода Израиля осталось непроходимым, / Непорочная по рождении Эммануила осталась неповрежденной. / Боже Сущий, – / и предсуществовавший, и явившийся как человек, / помилуй нас!

Храм и дверь еси́, / пала́та и престо́л Царе́в, / Де́во Всечестна́я, / Е́юже Изба́витель мой, Христо́с Госпо́дь, / во тьме спя́щим яви́ся, / Со́лнце сый пра́вды, просвети́ти хотя́, / я́же созда́ по о́бразу Своему́ руко́ю Свое́ю. / Те́мже, Всепе́тая, / я́ко ма́терне дерзнове́ние к Нему́ стяжа́вшая, / непреста́нно моли́ спасти́ся душа́м на́шим.

Перевод: Храм и дверь, дворец и престол Царя, – / Ты, Дева досточтимая; / чрез Тебя Искупитель мой, Христос Господь, / явился спящим во тьме, как Солнце правды, / просветить желая тех, кого Он создал / Своею рукою по образу Своему. / Потому, Всепрославленная, / как материнское дерзновение к Нему стяжавшая, / непрестанно ходатайствуй / о спасении душ наших.

Ра́дуйся, две́ре Госпо́дня непроходи́мая; / ра́дуйся, стено́ и покро́ве притека́ющих к Тебе́; / ра́дуйся, необурева́емое приста́нище и Неискусобра́чная, / ро́ждшая пло́тию Творца́ Твоего́ и Бо́га, / моля́щи не оскудева́й о воспева́ющих / и кла́няющихся Рождеству́ Твоему́.

Перевод: Радуйся, дверь Господня непроходимая! / Радуйся, стена и покров прибегающим к Тебе! / Радуйся, тихая пристань и Дева брака не познавшая, / родившая по плоти Творца Твоего и Бога! / Не переставай ходатайствовать о воспевающих / и почитающих Рожденного от Тебя.

Глас 6

Кто Тебе́ не ублажи́т, Пресвята́я Де́во; / кто ли не воспое́т Твоего́ Пречи́стаго Рождества́; / безле́тно бо от Отца́ возсия́вый Сын Единоро́дный, / То́йже от Тебе́, Чи́стыя, про́йде, / неизрече́нно вопло́щься, / естество́м Бог Сый, / и естество́м быв Челове́к нас ра́ди; / не во двою́ лицу́ разделя́емый, / но во двою́ естеству́ / несли́тно познава́емый. / Того́ моли́, Чи́стая Всеблаже́нная, / поми́ловатися душа́м на́шим.

Перевод: Кто не прославит Тебя, Всесвятая Дева? / Кто не воспоет девственного рождения от Тебя? / Ибо вне времени воссиявший от Отца Сын Единородный, / Он Самый произошел от Тебя, Чистой, неизъяснимо воплотившись. / Он – Бог по естеству, / и ради нас по естеству став человеком, / не разделяется на два лица, / но познается в двух неслиянных естествах. / Моли Его, Святая, Всеблаженная, / о помиловании душ наших.

Творе́ц и Изба́витель мой, Пречи́стая, / Христо́с Госпо́дь, из Твои́х ложе́сн проше́д, / в мя оболки́йся, пе́рвыя кля́твы Ада́ма свободи́. / Те́мже Ти, Всечи́стая, / я́ко Бо́жии Ма́тери же и Де́ве, / вои́стинну вопие́м немо́лчно: / ра́дуйся, А́нгельски, ра́дуйся, Влады́чице, / предста́тельство и покро́ве, / и спасе́ние душ на́ших.

Перевод: Творец и Искупитель мой, Всечистая, / Христос Господь, / произошел из чрева Твоего, / в меня, человека, облекшись / и Адама от древнего проклятия освободил. / Потому Тебе, Всечистая, / как Божией Матери и истинной Деве / «Радуйся» возглашаем с Ангелом не умолкая: / «Радуйся, Владычица, защита, и покров, / и спасение душ наших!»

Благослове́нную нареки́й Твою́ Ма́терь, / прише́л еси́ на страсть во́льным хоте́нием, / возсия́в на Кресте́, взыска́ти хотя́ Ада́ма, / глаго́ля А́нгелом: / сра́дуйтеся Мне, я́ко обре́теся поги́бшая дра́хма. / Вся му́дре устро́ивый, / Бо́же наш, сла́ва Тебе́.

Перевод: Назвав Благословенную Своею Матерью, / пришел Ты на страдания по доброй воле, / воссияв на Кресте, желая отыскать Адама, / и возглашая Ангелам: «Радуйтесь со Мной, / ибо нашлась потерянная драхма!» / Все мудро устроивший, (Боже наш,) слава Тебе!

Глас 7

Ма́ти у́бо позна́лася еси́, / па́че естества́, Богоpо́дице, / пpебыла́ же еси́ Де́ва, / па́че сло́ва и pа́зума, / и чудесе́ Рождества́ Твоего́ сказа́ти язы́к не мо́жет. / Пpесла́вну бо су́щу зача́тию, Чи́стая, / непости́жен есть о́бpаз pожде́ния: / иде́же бо хо́щет Бог, побежда́ется естества́ чин. / Те́мже, Тя вси Ма́теpь Бо́жию ве́дуще, / мо́лим Ти ся пpиле́жно, / моли́ спасти́ся душа́м на́шим.

Перевод: Ты, Богородица, сверхъестественно явилась матерью, / но пребыла девою, – что выше мысли и разума, / и чуда рождения Тобою / язык изъяснить не может. / Ибо, как дивно было зачатие, Чистая, / непостижим и образ рождения, – / ведь там, где хочет Бог, / отступает закон естества. / Потому мы все, почитая Тебя Матерью Божией, / молим Тебя усердно: / «Ходатайствуй о спасении душ наших!»

Под кpов Твой, Влады́чице, / вси земноpо́днии пpибега́юще, вопие́м Ти: / Богоpо́дице, упова́ние на́ше, / изба́ви ны от безме́pных пpегpеше́ний, / и спаси́ ду́ши на́ша.

Перевод: Под Твое покровительство прибегнув, Владычица, / все мы, на земле рожденные, взываем Тебе: / «Богородица, надежда наша, / избавь нас от бесчисленных согрешений / и спаси души наши!»

Я́ко на́шего воскресе́ния сокро́вище, / на Тя наде́ющияся, Всепе́тая, / от ро́ва и глубины́ прегреше́ний возведи́; / Ты бо пови́нныя греху́ спасла́ еси́, / ро́ждшая Спасе́ние на́ше. / Я́же пре́жде рождества́ Де́ва, и в рождестве́ Де́ва, / и по рождестве́ па́ки пребыва́еши Де́ва.

Перевод: Как нашего воскресения сокровищница, / на Тебя надеющихся, Всепрославленная, / из рва и глубины согрешений возведи. / Ибо Ты спасла повинных во грехе, родив Спасение: / прежде рождения Его – Дева, и при рождении – Дева, / и после рождения / также пребываешь Девою.

Глас 8

Царь Небе́сный за человеколю́бие на земли́ яви́ся, / и с челове́ки поживе́, / от Де́вы бо Чи́стыя плоть прие́мый / и из Нея́ проше́дый с восприя́тием. / Еди́н есть Сын, сугу́б естество́м, / но не Ипоста́сию. / Те́мже соверше́нна Того́ Бо́га / и соверше́нна Челове́ка вои́стину пропове́дающе, / испове́дуем Христа́ Бо́га на́шего: / Его́же моли́, Ма́ти Безневе́стная, / поми́ловатися душа́м на́шим.

Перевод: Царь Небесный / по человеколюбию на земле явился / и обитал среди людей; / ибо, приняв плоть от чистой Девы / и от Нее произойдя с этой плотию, / Он пребывает единым Сыном, / двойственным по естеству, но не по Ипостаси. / Потому провозглашая Его воистину / совершенным Богом и совершенным человеком, / мы исповедуем Христа Богом нашим. / Моли Его, Матерь, брака не познавшая, / о помиловании душ наших.

Безневе́стная Де́во, / я́же Бо́га неизрече́нно заче́нши пло́тию, / Ма́ти Бо́га Вы́шняго, / Твои́х рабо́в мольбы́ приими́, Всенепоро́чная, / всем подаю́щи очище́ние прегреше́ний, / ны́не на́ша моле́ния прие́млющи, / моли́ спасти́ся всем нам.

Перевод: Не познавшая брака Дева, / неизреченно Бога зачавшая по плоти, / – Матерь Бога Всевышнего! / Услышь мольбы Твоих рабов, Всенепорочная, / всем подающая очищение от согрешений; / ныне, приняв наши моления, / моли о спасении всех нас.

И́же нас ра́ди рожде́йся от Де́вы / и, распя́тие претерпе́в, Благи́й, / испрове́ргий сме́ртию смерть / и Воскресе́ние явле́й я́ко Бог, / не пре́зри, я́же созда́л еси́ руко́ю Твое́ю; / яви́ человеколю́бие Твое́, Ми́лостиве. / Приими́ ро́ждшую Тя, Богоро́дицу, моля́щуюся за ны, / и спаси́, Спа́се наш, лю́ди отча́янныя.

Перевод: Ради нас рожденный от Девы / и распятие претерпевший, / ниспровергший смертию смерть / и явивший воскресение как Бог, / не презри, Благой, созданных рукою Твоею; / яви человеколюбие Твое, Милостивый, / прими родившую Тебя Богородицу, ходатайствующую за нас, / и спаси, Спаситель наш, людей отчаявшихся.

См. также: Богородичны, Догматик

Во многих храмах Москвы прихожане стараются подпевать, в некоторых храмах даже практикуется «народное пение». Участвовать в богослужении можно и молча. Но в любом случае богослужебные тексты хорошо бы понимать, удобно следить глазами за текстом ключевых богослужебных песнопений. Размещаем текст для общего народного пения к субботней всенощной и воскресной литургии

Вмч. Мина Котуанский (Фригийский)

ОСНОВНЫЕ ТЕКСТЫ СЛУЖБЫ И ПЕСНОПЕНИЯ ДЛЯ ОБЩЕНАРОДНОГО ПЕНИЯ
Неделя 22-я по Пятидесятнице, глас 5
Вмч. Мины. Мч. Виктора и мц. Стефаниды. Мч. Викентия. Прп. Феодора Студита. Блж. Максима, Христа ради юродивого, Московского чудотворца.
Сщмч. Евгения пресвитера (1937). Мч. Стефана Дечанского (ок. 1336). Прп. Мартирия Зеленецкого (1603).
ВСЕНОЩНОЕ БДЕНИЕ БЛАЖЕН МУЖ
Блажен муж, иже не иде на совет нечестивых. Аллилуиа, Аллилуиа, Аллилуиа.
Яко весть Господь путь праведных и путь нечестивых погибнет. Аллилуиа (трижды).
Работайте Господеви со страхом и радуйтеся Ему с трепетом. Аллилуиа (трижды).
Блажени вси надеющиеся нань. Аллилуиа (трижды).
Воскресни, Господи, спаси мя, Боже мой. Аллилуиа (трижды).
Господне есть спасение и на людех Твоих благословение Твое. Аллилуиа (трижды).
Слава, И ныне: Аллилуиа (трижды)
Аллилуиа, Аллилуиа, Аллилуиа. Слава Тебе, Боже (трижды)
СТИХИРЫ на Господи воззвах:
Господи, воззвах к Тебе, услыши мя. / Услыши мя, Господи. Господи, воззвах к Тебе, услыши мя: / вонми гласу моления моего, / внегда воззвати ми к Тебе. / Услыши мя, Господи. Да исправится молитва моя, / яко кадило пред Тобою, / воздеяние руку моею / – жертва вечерняя. / Услыши мя, Господи. Изведи из темницы душу мою, исповедатися имени Твоему.
:
Честны́м Твои́м Кресто́м, Христе́,/ диа́вола посрами́л еси́,/ и Воскре-се́нием Твои́м жало грехо́вное притупи́л еси́,/ и спасл еси́ ны от врат сме́ртных:// сла́вим Тя, Единоро́дне.
Мене ждут праведницы, дондеже воздаси мне.
Воскресе́ние дая́й ро́ду челове́ческому,/ я́ко овча́ на заколе́ние веде́ся,/ устраши́шася сего́ кня́зи а́дстии,/ и взя́шася врата́ плаче́вная./ Вни́де бо Царь сла́вы Христо́с,/ глаго́ля су́щим во у́зах, изыди́те:// и су́щим во тьме, откры́йтеся.
Из глубины воззвах к Тебе Господи, Господи, услыши глас мой.
Ве́лие чу́до,/ неви́димых Соде́тель, за человеколю́бие пло́тию постра-да́в,/ воскре́се Безсме́ртный./ Прииди́те оте́чествия язы́к, Тому́ покло-ни́мся:/ благоутро́бием бо Его́ от пре́лести изба́вльшеся,// в Трие́х Ипо-ста́сех Еди́наго Бо́га пе́ти навыко́хом.
Да будут уши Твои, внемлюще гласу моления моего.
Вече́рнее поклоне́ние/ прино́сим Тебе́, Невече́рнему Све́ту,/ на коне́ц веко́в, я́ко в зерца́ле пло́тию возсия́вшему ми́рови,/ и да́же до а́да низ-ше́дшему,/ и та́мо су́щую тьму разруши́вшему,/ и свет Воскресе́ния язы́ком показа́вшему:// Светода́вче Го́споди, сла́ва Тебе́.
Глас 4: Аще беззакония назриши, Господи, Господи, кто постоит; / яко у Тебе очищение есть.
:
Трезу́бцы стрека́емь,/ воло́выми жи́лами бие́мь,/ и огне́м те́ло твое́ изнуря́емо,/ не отве́рглся еси́ и́мене Христо́ва спаси́тельнаго,/ не побе-ди́лся еси́ по́мыслом,/ ни куми́ром поже́рл еси́,/ но был еси́ самово́льное заколе́ние/ и же́ртва чиста́ же и соверше́нна,// му́чениче Ми́но, Влады́це твоему́.
Имене ради Твоего потерпех Тя, Господи, потерпе душа моя в слово Твое, / упова душа моя на Господа.
Очесы́ избода́емь,/ и на дре́ве пове́шаемь,/ и свеща́ми всю́ду пали́мь,/ и свире́пством судя́щаго жи́лы пререза́емь,/ и мече́м в главу́ усека́емь,/ ра́довался еси́, Ви́кторе сла́вне,/ страда́льче Спа́сов,// победи́в вра́жия ополче́ния де́йством Ду́ха Свята́го.
От стражи утренния до нощи, от стражи утренния, да уповает Израиль на Господа.
Венча́ тя Госпо́дь благода́тей венце́м,/ Стефани́до многострада́льная,/ во́льно бо тебе́ саму́ю му́кам предала́ еси́/ душе́вною до́блестию,/ при-вя́зана же, двема́ раздели́лася еси́ фи́никома/ и возлете́ла еси́ к Бо́гу, я́ко вра́бий,/ плоть в руце́ оста́вльши лови́телей,// му́ченице достосла́вная.
Глас 8: Яко у Господа милость,и многое у Него избавление,и Той избавит Израиля от всех беззаконий eго. :
О́тче Фео́доре,/ и́стинно тезоимени́та, па́че ума́ дарова́ния прие́м,/ благоче́стно препода́л еси́ лю́бящим тя/ и, умно́жив, блаже́нне, тала́нт,/ Боже́ственный глас услы́шал еси́,/ внутрь зову́щ тя Черто́га,/ иде́же ны́не живе́ши,// у Престо́ла Всецаря́, досточу́дне.
Хвалите Господа вси языцы, похвалите Его вси людие.
О́тче отце́в Фео́доре,/ ты мона́шествующих мно́жества Христу́ приве́л еси́,/ спасе́ния вина́ быв Богоподо́бна,/ уче́ньми озаря́емь/ и пред-ста́тельствы душ украша́емь,/ уста́ показу́емь Госпо́дня, всему́дре, про-ро́чески.// Ему́же ны́не предстоя́, нас помина́й.
Яко утвердися милость Его на нас, и истина Господня пребывает во век.
Благода́ть оби́льная Ду́ха,/ священнотаи́нниче му́дре,/ излия́ся уст-на́ми твои́ми,/ исто́чник искипе́ уче́ний, Фео́доре,/ благоче́стия я́вльши побо́рника/ и и́стины зе́льна соглаго́льника,/ столп и твердь Право-сла́вныя ве́ры,// мона́шескаго жития́ изве́стнейшее пра́вило, всему́дре.
Слава Отцу и Сыну и Святому Духу.
:
Па́ки нам ле́тняя па́мять/ ми́ра свети́л возсия́,/ Ми́ны же, и Ви́ктора, и Вике́нтия,/ ве́рных сердца́ просвеща́ющи/ и́же за Христа́ и за Крест Его́ борьба́ми./ Те́мже сла́вою и че́стию венча́вшаго ты́я,/ Христа́ Бо́га на́шего,// в пе́снех почита́ем.
И ныне и присно и во веки веков. Аминь.
:
В Чермне́м мо́ри,/ Неискусобра́чныя Неве́сты о́браз написа́ся иногда́:/ та́мо Моисе́й, раздели́тель воды́:/ зде же Гаврии́л, служи́тель чудесе́./ То-гда́ глубину́ ше́ствова немо́кренно Изра́иль;/ ны́не же Христа́ роди́ без-се́менно Де́ва./ Мо́ре по проше́ствии Изра́илеве пребы́сть непрохо́дно;/ Непоро́чная по Рождестве́ Эмману́илеве пребы́сть Нетле́нна./ Сый, и пре́жде Сый,/ явле́йся, я́ко Челове́к,// Бо́же поми́луй нас.
Свете тихий святыя славы, / Безсмертнаго, Отца Небеснаго, / Святаго Блаженнаго, Иисусе Христе. / Пришедше на запад солнца, / видевше свет вечерний, / поем Отца, Сына и Святаго Духа, Бога. / Достоин еси во вся времена / пет быти гласы преподобными, / Сыне Божий, живот даяй, / темже мир Тя славит.
Прокимен, глас 6: Госпо́дь воцари́ся, / в ле́поту облече́ся.
Стихи: Облече́ся Госпо́дь в си́лу, и препоя́сася
И́бо утверди́ вселе́нную, я́же не подви́жится
До́му Твоему́ подоба́ет святы́ня, Го́споди, в долготу́ дний.
Сподоби, Господи, в вечер сей без греха сохранитися нам. Благословен еси, Господи, Боже отец наших, и хвально и прославлено имя Твое во веки. Аминь. Буди, Господи, милость Твоя на нас, якоже уповахом на Тя. Благословен еси, Господи, научи мя оправданием Твоим. Благословен еси, Владыко, вразуми мя оправданием Твоим. Благословен еси, Святый, просвети мя оправдании Твоими. Господи, милость Твоя во век, дел руку Твоею не презри. Тебе подобает хвала, Тебе подобает пение, Тебе слава подобает, Отцу и Сыну и Святому Духу, ныне и присно и во веки веков. Аминь.
СТИХИРЫ на стиховне :
Тебе́, Воплоще́ннаго Спа́са Христа́, / и Небе́с неразлучи́вшася,/ во гла́сех пе́ний велича́ем,/ я́ко Крест и смерть прия́л еси́ за род наш,/ я́ко Челове-колю́бец Госпо́дь,/ испрове́ргий а́дова врата́,/ тридне́вно воскре́сл еси́,// спаса́я ду́ши на́ша.
Госпо́дь воцари́ся,/ в ле́поту облече́ся.
Прободе́ным Твои́м ре́бром, Жизнода́вче,/ то́ки оставле́ния всем исто-чи́л еси́,/ жи́зни и спасе́ния:/ пло́тию же смерть восприя́л еси́,/ без-сме́ртие нам да́руя./ Всели́в же ся во гроб нас свободи́л еси́,/ совоскреси́в с Собо́ю сла́вно, я́ко Бог./ Сего́ ра́ди вопие́м:// Человеколю́бче Го́споди, сла́ва Тебе́.
И́бо утверди́ вселе́нную,/ я́же не подви́жется.
Стра́нно Твое́ распя́тие,/ и е́же во ад соше́ствие, Человеколю́бче, есть:/ плени́в бо его́, и дре́вния ю́зники/ совоскреси́в с Собо́ю сла́вно, я́ко Бог,/ рай отве́рз, восприя́ти сего́ сподо́бил еси́./ Те́мже и нам, сла́вящим Твое́ тридне́вное Воста́ние,/ да́руй очище́ние грехо́в:/ рая́ жи́тели сподобля́я,// я́ко Еди́н Благоутро́бен.
До́му Твоему́ подоба́ет святы́ня,/ Го́споди, в долготу́ дний.
Нас ра́ди пло́тию страсть прии́мый,/ и тридне́вен из ме́ртвых воскре-сы́й,/ плотски́я на́ша стра́сти исцели́,/ и возста́ви от прегреше́ний лю́тых,// Человеколю́бче, и спаси́ нас.

Слава Отцу и Сыну и Святому Духу.
:
Преподо́бне о́тче,/ во всю зе́млю изы́де веща́ние исправле́ний твои́х,/ тем на Небесе́х обре́л еси́ мзду́ трудо́в твои́х,/ де́монския погуби́л еси́ полки́/ и А́нгельския дости́гл еси́ чи́ны,/ и́хже житию́ без поро́ка порев-нова́л еси́,/ дерзнове́ние име́я ко Го́споду,// мир испроси́ душа́м на́шим.
И ныне и присно и во веки веков. Аминь.
:
Творе́ц и Изба́витель мой, Пречи́стая,/ Христо́с Госпо́дь из Твои́х ло-же́сн проше́д,/ в мя Оболки́йся,/ пе́рвыя кля́твы Ада́ма свободи́./ Те́мже Ти, Всечи́стая,/ я́ко Бо́жии Ма́тери же и Де́ве,/ вои́стинну вопие́м немо́лчно:/ ра́дуйся А́нгельски, ра́дуйся, Влады́чице,/ Предста́тельство и Покро́ве,// и Спасе́ние душ на́ших.
Ны́не отпуща́еши раба́ Твоего́, Влады́ко,/ по глаго́лу Твоему́, с ми́ром;/ я́ко ви́деста о́чи мои́ спасе́ние Твое́,/ е́же еси́ угото́вал пред лице́м всех люде́й,/ свет во открове́ние язы́ков,// и сла́ву люде́й Твои́х Изра́иля.
Богоро́дице Де́во, ра́дуйся,/ Благода́тная Мари́е, Госпо́дь с Тобо́ю:/ благослове́на Ты в жена́х/ и благослове́н Плод чре́ва Твоего́,// яко Спа́са родила́ еси душ на́ших. (дважды)
Псало́м 33:
Благословлю́ Го́спода на вся́кое вре́мя,/ вы́ну хвала́ Его́ во усте́х мои́х.
О Го́споде похва́лится душа́ моя́,/ да услы́шат кро́тцыи, и возвеселя́тся.
Возвели́чите Го́спода со мно́ю,/ и вознесе́м И́мя Его́ вку́пе.
Взыска́х Го́спода, и услы́ша мя,/ и от все́х скорбе́й мои́х изба́ви мя.
Приступи́те к Нему́, и просвети́теся,/ и ли́ца ва́ша не постыдя́тся.
Сей ни́щий воззва́, и Госпо́дь услы́ша и,/ и от все́х скорбе́й его́ спасе́ и.
Ополчи́тся а́нгел Госпо́день о́крест боя́щихся Его́,/ и изба́вит их.
Вкуси́те и ви́дите, я́ко благ Госпо́дь:/ блаже́н муж, и́же упова́ет Нань.
Бо́йтеся Го́спода, вси́ святи́и Его́,/ я́ко несть лише́ния боя́щимся Его́.
Бога́тии обнища́ша и взалка́ша:/ взыска́ющии же Го́спода// не лиша́тся вся́каго бла́га.
КОНЕЦ ВЕЧЕРНИ. НАЧАЛО УТРЕНИ
(выключается свет, читается шестопсалмие: 3, 37, 62, 87, 102, 142 псалмы) Бог Господь, и явися нам, благословен грядый во имя Господне
Тропарь воскресный, глас 5 (дважды):
Собезнача́льное Сло́во Отцу́ и Ду́хови,/ от Де́вы ро́ждшееся на Спасе́ние на́ше,/ воспои́м, ве́рнии, и поклони́мся;/ я́ко благоволи́ Пло́тию взы́ти на Крест,/ и смерть претерпе́ти,/ и воскреси́ти уме́ршия// сла́вным воскре-се́нием Свои́м.
Тропарь мучеников, глас 4: Му́чениицы Твои, Го́споди,/ во страда́ниих свои́х венцы́ прия́ша не-тле́нная от Тебе́, Бо́га на́шего,/ иму́ще бо кре́пость Твою́,/ мучи́телей низ-ложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.
СЛАВА:
Тропа́рь прп. Феодора Студита, глас 8:
Правосла́вия наста́вниче,/ благоче́стия учи́телю и чистоты́,/ все-ле́нныя свети́льниче,/ мона́шествующих Богодухове́нное удобре́ние,/ Фео́доре прему́дре,/ уче́ньми твои́ми вся просвети́л еси́,/ цевни́це ду-хо́вная,// моли́ Христа́ Бо́га, спасти́ся душа́м на́шим.
И НЫНЕ:
Богородичен воскресный, глас 8:
И́же нас ра́ди рожде́йся от Де́вы/ и распя́тие претерпе́в, Благи́й,/ ис-прове́ргий сме́ртию смерть,/ и воскресе́ние явле́й, я́ко Бог,/ не пре́зри, я́же созда́л еси́ руко́ю Твое́ю;/ яви́ человеколю́бие Твое́, Ми́лостиве,/ при-ими́ ро́ждшую Тя Богоро́дицу, моля́щуюся за ны,// и спаси́, Спа́се наш, лю́ди отча́янныя.
Далее читаются кафизмы
(по уставу положено читать 2 кафизмы, но в разных храмах в зависимости от традиции, чтение псалтири может быть сокращено до 3-х псалмов или вовсе пропущено) Тропари «по непорочных», глас 5:
Благословен еси, Господи, научи мя оправданием Твоим.
Ангельский собор удивися, / зря Тебе в мертвых вменившася, / смертную же, Спасе, крепость разоривша, / и с Собою Адама воздвигша, / и от ада вся свобождша.
Благословен еси, Господи, научи мя оправданием Твоим.
Почто мvра с милостивными слезами, / о ученицы, растворяете? / Блистаяйся во гробе Ангел мvроносицам вещаше: / видите вы гроб и уразумейте, / Спас бо воскресе от гроба.
Благословен еси, Господи, научи мя оправданием Твоим.
Зело рано мvроносицы течаху / ко гробу Твоему рыдающия, / но предста к ним Ангел и рече: / рыдания время преста, не плачите, / воскресение же апостолом рцыте.
Благословен еси, Господи, научи мя оправданием Твоим.
Мvроносицы жены с мvры пришедшия / ко гробу Твоему, Спасе, рыдаху, / Ангел же к ним рече, глаголя: / что с мертвыми живаго помышляете? / Яко Бог бо, воскресе от гроба.
Слава Отцу и Сыну и Святому Духу.
Поклонимся Отцу / и Его Сынови, и Святому Духу, / Святей Троице во едином существе, / с Серафимы зовуще: / Свят, Свят, Свят еси, Господи.
И ныне и присно и во веки веков. Аминь.
Жизнодавца рождши, / греха, Дево, Адама избавила еси, / радость же Еве / в печали место подала еси, / падшия же от жизни / к сей направи / из Тебе воплотивыйся Бог и Человек.
ПРОКИМЕН, глас 5: Воскресни́, Го́споди Бо́же мой, да вознесе́тся рука́ Твоя́,/ я́ко Ты ца́рствуеши во ве́ки.Стих: Испове́мся Тебе́, Го́споди, всем се́рдцем мои́м, пове́м вся чудеса́ Твоя́.
Всякое дыхание / да хвалит Господа.
Стих: Хвалите Бога во святых Его, хвалите Его в утвержении силы Его.
ЕВАНГЕЛИЕ от Иоанна (гл. 21: 14 – 25) (перевод на русский язык)
В то время явился Иисус ученикам Своим по воскресении Своем из мертвых, и говорит Симону Петру: Симон Ионин! любишь ли ты Меня больше, нежели они? Петр говорит Ему: так, Господи! Ты знаешь, что я люблю Тебя. Иисус говорит ему: паси агнцев Моих. Еще говорит ему в другой раз: Симон Ионин! любишь ли ты Меня? Петр говорит Ему: так, Господи! Ты знаешь, что я люблю Тебя. Иисус говорит ему: паси овец Моих. Говорит ему в третий раз: Симон Ионин! любишь ли ты Меня? Петр опечалился, что в третий раз спросил его: любишь ли Меня? и сказал Ему: Господи! Ты все знаешь; Ты знаешь, что я люблю Тебя. Иисус говорит ему: паси овец Моих. Истинно, истинно говорю тебе: когда ты был молод, то препоясывался сам и ходил, куда хотел; а когда состаришься, то прострешь руки твои, и другой препояшет тебя, и поведет, куда не хочешь. Сказал же это, давая разуметь, какою смертью Петр прославит Бога. И, сказав это, говорит ему: иди за Мною. Петр же, обратившись, видит идущего за ним ученика, которого любил Иисус и который на вечери, приклонившись к груди Его, сказал: Господи! кто предаст Тебя? Его увидев, Петр говорит Иисусу: Господи! а он что? Иисус говорит ему: если Я хочу, чтобы он пребыл, пока приду, что тебе до того? ты иди за Мною. И пронеслось это слово между братьями, что ученик тот не умрет. Но Иисус не сказал ему, что не умрет, но: если Я хочу, чтобы он пребыл, пока приду, что тебе до того? – Сей ученик и свидетельствует о сем, и написал это; и знаем, что истинно свидетельство его. Многое и другое сотворил Иисус; но, если бы писать о том подробно, то, думаю, и самому миру не вместить бы написанных книг. Аминь.
Воскресе́ние Христо́во ви́девше, поклони́мся Святому Господу Иисусу, единому безгрешному. Кресту Твоему покланяемся, Христе, и святое Воскресение Твое пое́м и сла́вим. Ты бо еси Бог наш, ра́зве Тебе ино́го не зна́ем, Имя Твое имену́ем. Приидите, вси ве́рнии, поклони́мся святому Христову Воскресению; се бо прии́де Кресто́м радость всему миру; всегда́ благословя́ще Господа, пое́м Воскресение Его, распятие бо претерпе́в, смертию смерть разруши́.
Слава Отцу и Сыну и Святому Духу.
Молитвами апостолов, Милостиве, очисти множество согрешений наших.
И ныне и присно и во веки веков. Аминь.
Молитвами Богородицы, Милостиве, очисти множество согрешений наших.
Помилуй мя, Боже, по велицей милости Твоей, и по множеству щедрот Твоих очисти беззаконие мое.
Воскрес Иисус от гроба, якоже прорече, даде нам живот вечный и велию милость.
Далее читаетсяКАНОН
(в песнях канона, читаемого с начала помазания прихожан елеем, раскрывается смысл и красота празднуемых сегодня Церковью событий) На 9 песне канона:
Песнь Пресвятой Богородицы:
Величит душа Моя Господа / и возрадовася дух Мой о Бозе Спасе Моем.
Честнейшую Херувим / и славнейшую без сравнения Серафим, /
без истления Бога Слова рождшую, / сущую Богородицу, Тя величаем.
Яко призре на смирение рабы Своея, / се бо, от ныне ублажат Мя вси роди. Яко сотвори Мне величие Сильный, и свято имя Его, и милость Его в роды родов боящимся Его Сотвори державу мышцею Своею, / расточи гордыя мыслию сердца их. Низложи сильныя со престол, / и вознесе смиренныя, алчущия исполни благ, / и богатящияся отпусти тщи. Восприят Израиля отрока Своего, / помянути милости, / якоже глагола ко отцем нашим, / Аврааму и семени его даже до века.
После канона:
СТИХИРЫ на хвалитех :
Всякое дыхание да хвалит Господа.
Хвалите Господа с небес, / хвалите Его в вышних. / Тебе подобает песнь Богу. Хвалите Его, вси Ангели Его, / хвалите Его, вся Силы Его. / Тебе подобает песнь Богу.
Сотвори́ти в них суд напи́сан:/ сла́ва сия́ бу́дет всем преподо́бным Его́.
Го́споди, запеча́тану гро́бу от беззако́нников,/ проше́л еси́ из гро́ба,/ я́коже роди́лся еси́ от Богоро́дицы:/ не уразуме́ша, ка́ко воплоти́лся еси́, безпло́тнии Твои́ а́нгели:/ не чу́вствоваша, когда́ воскре́сл еси́, стрегу́щии Тя во́ини./ Обоя́ бо запечатле́стася испыту́ющим,/ яви́шася же чудеса́ кла́няющимся ве́рою та́инству:/ е́же воспева́ющим,// возда́ждь нам ра́дость и ве́лию ми́лость.
Хвали́те Бо́га во святы́х Его́,/ хвали́те Его́ в утверже́нии си́лы Его́.
Го́споди, вереи́ ве́чныя сокруши́в,/ и у́зы растерза́в, от гро́ба воскре́сл еси́,/ оста́вль Твоя́ погреба́льная,/ во свиде́тельство и́стиннаго тридне́внаго Твоего́ погребе́ния:/ и предвари́л еси́ в Галиле́и, в пеще́ре стрего́мый./ Ве́лия Твоя́ ми́лость, Непостижи́ме Спа́се,// поми́луй и спаси́ нас.
Хвали́те Его́ на си́лах Его́,/ хвали́те Его́ по мно́жеству вели́чествия Его́.
Го́споди, жены́ теко́ша на гроб,/ ви́дети Тя, Христа́, нас ра́ди постра-да́вшаго,/ и прише́дша, обрето́ша а́нгела на ка́мени седя́ща,/ стра́хом от-ва́льшемся,/ и к ним возопи́, глаго́ля:/ воскре́се Госпо́дь, рцы́те учени-ко́м,/ я́ко воскре́се от ме́ртвых,// спаса́яй ду́ши на́ша.
Хвали́те Его́ во гла́се тру́бнем,/ хвали́те Его́ во псалти́ри и гу́слех.
Го́споди, я́коже изше́л еси́ от запеча́таннаго гро́ба,/ та́ко вшел еси́ и две́рем заключе́ным ко ученико́м Твои́м,/ показу́я им теле́сная стра-да́ния,/ я́же подъя́л еси́, Спа́се Долготерпели́вый:/ я́ко от се́мене Дави́дова я́звы претерпе́л еси́,/ я́ко Сын же Бо́жий, мир свободи́л еси́./ Ве́лия Твоя́ ми́лость, Непостижи́ме Спа́се,// поми́луй и спаси́ нас.
Хвали́те Его́ в тимпа́не и ли́це,/ хвали́те Его́ во стру́нах и орга́не.
Го́споди, Царю́ веко́в и Тво́рче всех,/ нас ра́ди распя́тие и погребе́ние пло́тию прии́мый,/ да нас от а́да свободи́ши всех:/ Ты еси́ Бог наш,// ра́зве Тебе́ ино́го не ве́мы.
Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.
Го́споди, пресия́ющая Твоя́ чудеса́ кто испове́сть;/ или́ кто возвести́т стра́шная Твоя́ та́инства?/ Вочелове́чивыйся бо нас ра́ди, я́ко Сам восхо-те́л еси́,/ держа́ву яви́л еси́ си́лы Твоея́:/ Кресто́м бо Твои́м разбо́йнику рай отве́рзл еси́,/ и погребе́нием Твои́м вереи́ а́довы сокруши́л еси́,/ Вос-кресе́нием же Твои́м вся́ческая обогати́л еси́:// Благоутро́бне Го́споди, сла́ва Тебе́.
Воскресни́ Го́споди Бо́же мой, да вознесе́тся рука́ Твоя́,/ не забу́ди убо́гих Твои́х до конца́.
Мироно́сицы жены́ гро́ба Твоего́ дости́гша,/ зело́ ра́но иска́ху Тебе́ ми́ры пома́зати,/ Безсме́ртнаго Сло́ва и Бо́га;/ и а́нгела глаго́лы огла-си́вшася,/ возвраща́хуся ра́достию апо́столом возвести́ти я́ве,/ я́ко вос-кре́сл еси́, Животе́ всех,// и по́дал еси́ ми́рови очище́ние и ве́лию ми́лость.
Испове́мся Тебе́ Го́споди всем се́рдцем мои́м,/ пове́м вся чудеса́ Твоя́.
Богоприя́тнаго гро́ба ко иуде́ом стра́жие глаго́лаху:/ О ва́шего суе-му́дреннаго сове́та!/ стрещи́ Неопи́саннаго покуси́вшеся, всу́е тру-ди́стеся,/ сокры́ти Воскресе́ние распя́таго хотя́ще, я́сно показа́сте./ О ва́шего суему́дреннаго собо́рища!/ что па́ки сокры́ти сове́туете, Е́же не-кры́ется;/ па́че же от нас услы́шите,/ и ве́ровати восхощи́те бы́вших и́стине:/ а́нгел молниено́сец с небесе́ соше́д ка́мень отвали́,/ его́же стра́хом ме́ртвостию содержи́ми бы́хом,/ и возгласи́в крепкоу́мным ми-роно́сицам, глаго́лаше жена́м:/ не зрите́ ли страже́й умерщвле́ния, и пе-ча́тей разреше́ния,/ а́дова же истоща́ния;/ почто́ побе́ду а́дову Упразд-ни́вшаго,/ и сме́ртное жа́ло Сокруши́вшаго, я́ко ме́ртва взыску́ете?/ Бла-говести́те же ско́ро ше́дша апо́столом Воскресе́ние,/ без стра́ха зову́ща:/ вои́стинну воскре́се Госпо́дь,// име́я ве́лию ми́лость.
Сла́ва Отцу́ и Сы́ну и Свято́му Ду́ху.
:
Явля́я Себе́ ученико́м Твои́м, Спа́се,/ по воскресе́нии Си́мону дал еси́ ове́ц па́ству,/ за любве́ воздая́ние,/ я́же о па́стве попече́ния ищя́./ Те́мже и глаго́лал еси́:/ а́ще лю́биши Мя, Пе́тре,/ паси́ а́гнцы Моя́, паси́ о́вцы Моя́./ Он же а́бие показу́я друголю́бное,/ о друзе́м ученице́ вопроша́ше./ И́хже моли́твами, Христе́, ста́до Твое́ сохраня́й,// от волко́в губя́щих е́.
И ныне и присно и во веки веков. Аминь.
Преблагослове́нна еси́, Богоро́дице Де́во,/ Вопло́щшим бо ся из Тебе́ ад плени́ся,/ Ада́м воззва́ся,/ кля́тва потреби́ся,/ Е́ва свободи́ся,/ сме́рть умертви́ся, и мы ожи́хом./ Тем воспева́юще вопие́м:/ благослове́н Христо́с Бог,// благоволи́вши та́ко, сла́ва Тебе́.
ОСНОВНЫЕ ТЕКСТЫ СЛУЖБЫ И ПЕСНОПЕНИЯ ДЛЯ ОБЩЕНАРОДНОГО ПЕНИЯ
Неделя 22-я по Пятидесятнице, глас 5
Вмч. Мины. Мч. Виктора и мц. Стефаниды. Мч. Викентия. Прп. Феодора Студита.
Блж. Максима, Христа ради юродивого, Московского чудотворца.
Сщмч. Евгения пресвитера (1937). Мч. Стефана Дечанского (ок. 1336). Прп. Мартирия Зеленецкого (1603).
ЛИТУРГИЯ 1-й антифон:
Благослови, душе моя, Господа, Благословен еси, Господи.
Благослови, душе моя, Господа, и вся внутренняя моя, имя святое Его.
Благослови, душе моя, Господа, и не забывай всех воздаяний Его.
Очищающаго вся беззакония твоя, исцеляющаго вся недуги твоя.
Избавляющаго от истления живот твой, венчающаго тя милостию и щедротами.
Исполняющаго во благих желание твое: обновится яко орля юность твоя.
Щедр и милостив Господь, долготерпелив и многомилостив.
Благослови, душе моя, Господа, и вся внутреняя моя, имя святое Его.
Благословен еси, Господи.
2-й антифон:
Хвали, душе моя, Господа. Восхвалю Господа в животе моем, пою Богу моему, дондеже есмь.
Не надейтеся на князи, на сыны человеческия, в них же несть спасения.
Изыдет дух его, и возвратится в землю свою: в той день погибнут вся помышления его
Блажен, емуже Бог Иаковль помошник его, упование его на Господа Бога своего,
сотворшаго небо и землю, море и вся, яже в них;
хранящаго истину в век, творящего суд обидимым, дающаго пищу алчущим.
Господь решит окованныя; Господь умудряет слепцы;
Господь возводит низверженныя; Господь любит праведники;
Господь хранит пришельцы, сира и вдову приимет, и путь грешных погубит.
Воцарится Господь во век. Бог твой, Сионе, в род и род.
Единородный Сыне, и Слове Божий, безсмертен Сый, и изволивый спасения нашего ради воплотиться от святыя Богородицы и Приснодевы Марии, непреложно вочеловечивыйся, распныйся же Христе Боже, смертию смерть поправый, Един сый Святыя Троицы, спрославляемый Отцу и Святому Духу, спаси нас.
Блаженны:
Во Царствии Твоем помяни нас, Господи, егда приидеши во Царствии Твоем.
Блажнени нищии духом, яко тех есть Царство Небесное.
Блажени плачущии, яко тии утешатся.
Блажени кротции, яко тии наследят землю.
Блажени алчущии и жаждущии правды, яко тии насытятся.
Блажени милостивии, яко тии помиловани будут.
Блажени чистии сердцем, яко тии Бога узрят.
Блажени миротворцы, яко тии сынове Божии нарекутся.
Блажени изгнани правды ради, яко тех есть Царство Небесное.
Блажени есте, егда поносят вам, и изженут, и рекут всяк зол глагол на вы, лжуще Мене ради.
Радуйтеся и веселитеся, яко мзда ваша многа на небесех.
Во время малого входа с Евангелием:
Приидите, поклонимся и припадем ко Христу.
Спаси ны, Сыне Божий, воскресый из мертвых, поющия Ти: Аллилуия.
Тропа́рь воскре́сный, глас 5:
Собезнача́льное Сло́во Отцу́ и Ду́хови,/ от Де́вы ро́ждшееся на Спасе́ние на́ше,/ воспои́м, ве́рнии, и поклони́мся;/ я́ко благоволи́ Пло́тию взы́ти на Крест,/ и смерть претерпе́ти,/ и воскреси́ти уме́ршия// сла́вным воскре-се́нием Свои́м.
Тропарь мучеников, глас 4:
Му́чениицы Твои, Го́споди,/ во страда́ниих свои́х венцы́ прия́ша не-тле́нная от Тебе́, Бо́га на́шего,/ иму́ще бо кре́пость Твою́,/ мучи́телей низ-ложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.

Тропарь прп. Феодора Студита, глас 8
Слез твои́х тече́ньми пусты́ни безпло́дное возде́лал еси́,/ и, и́же из глубины́ воздыха́ньми, во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Иоанни́кие, о́тче наш:// моли́ Христа́ Бо́га спасти́ся душа́м на́шим.
Кондак воскре́сный, глас 5:
Ко а́ду, Спа́се мой, соше́л еси́,/ и врата́ сокруши́вый я́ко всеси́лен,/ уме́рших, я́ко Созда́тель, совоскреси́л еси́,/ и сме́рти жа́ло сокруши́л еси́,/ и Ада́м от кля́твы изба́влен бысть, Человеколю́бче;/ те́мже вси зове́м:// спаси́ нас, Го́споди.
Кондак мучеников, глас 8:
Во́инства исхити́ привре́меннаго/ и нетле́ннаго показа́ тя Небе́снаго о́бщника,/ страстоте́рпче Ми́но, Христо́с, Бог наш,// И́же му́чеников не-тле́нный вене́ц.
Кондак прп. Феодора Студита, глас 2:
По́стническое и равноа́нгельное житие́ твое́/ страда́льческими уясни́л еси́ по́двиги/ и А́нгелом совсе́льник, Богоблаже́нне, яви́лся еси́, Фео́доре. С ни́ми Христу́ Бо́гу моля́ся// не преста́й о всех нас.
Конда́к Богоро́дицы, глас 6:
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я,/ на по́мощь нас, ве́рно зову́щих Ти;/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Прокимен, глас 5: Ты, Го́споди, сохрани́ши ны, и соблюде́ши ны/ от ро́да сего́ и во век.
Стих: Спаси́ мя, Го́споди, я́ко оскуде́ преподо́бный.
К Галатам послание святого апостола Павла (глава 6:11–18)
Братия, видите, как много написал я вам своею рукою. Желающие хвалиться по плоти принуждают вас обрезываться только для того, чтобы не быть гонимыми за крест Христов, ибо и сами обрезывающиеся не соблюдают закона, но хотят, чтобы вы обрезывались, дабы похвалиться в вашей плоти. А я не желаю хвалиться, разве только крестом Господа нашего Иисуса Христа, которым для меня мир распят, и я для мира. Ибо во Христе Иисусе ничего не значит ни обрезание, ни необрезание, а новая тварь. Тем, которые поступают по сему правилу, мир им и милость, и Израилю Божию. Впрочем никто не отягощай меня, ибо я ношу язвы Господа Иисуса на теле моем. Благодать Господа нашего Иисуса Христа со духом вашим, братия.
ЕВАНГЕЛИЕ от Луки (глава 10:25–37)
В то время один законник встал и, искушая Его, сказал: Учитель! что’ мне делать, чтобы наследовать жизнь вечную? Он же сказал ему: в законе что написано? как читаешь? Он сказал в ответ: возлюби Господа Бога твоего всем сердцем твоим, и всею душею твоею, и всею крепостию твоею, и всем разумением твоим, и ближнего твоего, как самого себя. Иисус сказал ему: правильно ты отвечал; так поступай, и будешь жить. Но он, желая оправдать себя, сказал Иисусу: а кто мой ближний? На это сказал Иисус: некоторый человек шел из Иерусалима в Иерихон и попался разбойникам, которые сняли с него одежду, изранили его и ушли, оставив его едва живым. По случаю один священник шел тою дорогою и, увидев его, прошел мимо. Также и левит, быв на том месте, подошел, посмотрел и прошел мимо. Самарянин же некто, проезжая, нашел на него и, увидев его, сжалился и, подойдя, перевязал ему раны, возливая масло и вино; и, посадив его на своего осла, привез его в гостиницу и позаботился о нем; а на другой день, отъезжая, вынул два динария, дал содержателю гостиницы и сказал ему: позаботься о нем; и если издержишь что более, я, когда возвращусь, отдам тебе. Кто из этих троих, думаешь ты, был ближний попавшемуся разбойникам? Он сказал: оказавший ему милость. Тогда Иисус сказал ему: иди, и ты поступай так же.

Версия для печати

Богородичны воскресные

Глас 1

Богородичен Догматик:

Всеми́рную сла́ву / от челове́к прозя́бшую / и Влады́ку ро́ждшую, / Небе́сную дверь / воспои́м, Мари́ю Де́ву, / Безпло́тных песнь и ве́рных удобре́ние: / Сия́ бо яви́ся не́бо и храм Божества́; / Сия́ прегражде́ние вражды́ разруши́вши, / мир введе́ и Ца́рствие отве́рзе. / Сию́ у́бо иму́ще ве́ры утвержде́ние, / Побо́рника и́мамы из Нея́ ро́ждшагося Го́спода. / Дерза́йте у́бо, дерза́йте, лю́дие Бо́жии, / и́бо Той победи́т враги́, / я́ко Всеси́лен.

Перевод: Всемирно славную, / от людей происшедшую и Владыку родившую / воспоем, – Марию Деву, / небесную дверь, Бесплотных песнь и верных украшение. / Ибо явилась Она небом и храмом Божества. / Она, разрушив враждебную преграду, / мир водворила и отверзла Царство. / Потому держась Её, опоры нашей веры, / имеем мы Защитником от Нее рожденного Господа. / Дерзайте же, дерзайте, люди Божии, / ибо Он победит врагов, как Всемогущий.

На стиховне Богородичен:

Се испо́лнися Иса́иино прорече́ние: / Де́ва бо родила́ еси́ / и по рождестве́, я́ко пре́жде рождества́, пребыла́ еси́, / Бог бо бе Рожде́йся, те́мже и естества́ новопресече́. / Но, о Богома́ти, / моле́ния Твои́х рабо́в, / в Твое́м хра́ме приноси́мая Тебе́, не пре́зри, / но я́ко Благоутро́бнаго Твои́ма рука́ма нося́щи, / на Твоя́ рабы́ умилосе́рдися / и моли́ спасти́ся душа́м на́шим.

Перевод: Вот, исполнилось пророчество Исаии, / ибо Ты, Дева, родила и после родов осталась, как и до родов: / ведь Богом был рожденный, / потому Он и законы природы изменил. / Но, о Богоматерь, / молений Твоих рабов, Тебе в Твоем святилище приносимых, не презри, / но, как Милосердного во объятиях Твоих носившая, / над служителями Твоими смилуйся / и ходатайствуй о спасении душ наших.

Богородичен отпустительный:

Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка, / в Тебе́, святе́м киво́те, / я́коже рече́ пра́ведный Дави́д; / яви́лася еси́ ши́ршая Небе́с, / поноси́вши Зижди́теля Твоего́. / Сла́ва Все́льшемуся в Тя, / сла́ва Проше́дшему из Тебе́, / слава Свободи́вшему нас Рождество́м Твои́м.

Перевод: Гавриил возгласил Тебе, Дева, «Радуйся», / и с тем возгласом воплощался всех Владыка / в Тебе, святом Ковчеге, / как сказал праведный Давид. / Явилась Ты пространнее небес, / носив Создателя Твоего. / Слава Вселившемуся в Тебя; / слава Происшедшему из Тебя; / слава Освободившему нас рождением от Тебя.

Глас 2

Богородичен Догматик:

Пре́йде сень зако́нная, / благода́ти прише́дши: / я́коже бо купина́ не сгара́ше опаля́ема, / та́ко Де́ва родила́ еси́ / и Де́ва пребыла́ еси́. / Вме́сто столпа́ о́гненнаго / пра́ведное возсия́ Со́лнце, / вме́сто Моисе́я, / Христо́с, спасе́ние душ на́ших.

Перевод: Прошла тень закона, / когда благодать явилась; / ибо как не сгорал терновый куст, объятый пламенем, / так Ты, Дева, родила и девою осталась. / Вместо столпа огненного / воссияло Солнце правды, / вместо Моисея – Христос, / спасение душ наших.

На стиховне Богородичен:

О чудесе́ но́ваго всех дре́вних чуде́с! / Кто бо позна́ Ма́терь, без му́жа ро́ждшую / и на руку́ нося́щую всю тварь Содержа́щаго; / Бо́жие есть изволе́ние Ро́ждшееся. / Его́же я́ко Младе́нца Пречи́стая, / Твои́ма рука́ма носи́вшая, / и ма́тернее дерзнове́ние к Нему́ иму́щая, / не преста́й моля́щи о чту́щих Тя, / уще́дрити и спасти́ ду́ши на́ша.

Перевод: О, чудо новое, высшее всех древних чудес! / Ибо кто знал матерь, без мужа родившую, / и во объятиях носившую все творение Объемлющего? / Божий замысел – это зачатие. / Ты же, Пречистая, Его как младенца руками Своими державшая, / и материнское дерзновение к Нему стяжавшая, / не переставай молить о чтущих Тебя, / да смилуется Он и спасет души наши.

Богородичен отпустительный:

Вся, па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго; / Того́ моли́ спасти́ся душа́м на́шим.

Перевод: Все превыше ума, все преславны / Твои, Богородица, таинства: / чистотой запечатленная и девство сохранившая, / Ты явилась истинной Матерью, родившей Бога истинного. / Его моли о спасении душ наших.

Глас 3

Богородичен Догматик:

Ка́ко не диви́мся / Богому́жному Рождеству́ Твоему́, Пречестна́я, / искуше́ния бо му́жескаго не прие́мши, Всенепоро́чная, / родила́ бо еси́ без отца́ Сы́на пло́тию, / пре́жде век от Отца́ рожде́ннаго без ма́тере, / ника́коже претерпе́вшаго измене́ния, или́ смеше́ния, или́ разделе́ния, / но обою́ существу́ сво́йство це́ло сохра́ншаго. / Те́мже, Ма́ти Де́во Влады́чице, / Того́ моли́ спасти́ся душа́м, / правосла́вно Богоро́дицу испове́дающих Тя.

Перевод: Как не удивиться нам / рождению от Тебя Богочеловека, Всесвященная! / Ибо общения с мужем не испытав, Пренепорочная, / родила Ты без отца Сына во плоти, / прежде веков от Отца рожденного без матери, / и ни в чем не испытавшего при этом изменения, / или смешения, или разделения, / но свойства каждого естества / в целости сохранившего. / Потому, Матерь-Дева, Владычица, / моли Его о спасении душ / православно Богородицею исповедующих Тебя.

На стиховне Богородичен:

Без се́мене от Боже́ственнаго Ду́ха, / во́лею же О́тчею зачала́ еси́ Сы́на Бо́жия, / от Отца́ без ма́тере пре́жде век су́ща, / нас же ра́ди, из Тебе́ без отца́ бы́вша, пло́тию родила́ еси́, / и Младе́нца млеко́м пита́ла еси́. / Те́мже не преста́й моли́ти, / изба́витися от бед душа́м на́шим.

Перевод: Без семени от Божественного Духа / и по воле Отчей зачала Ты Сына Божия. / От Отца без матери прежде веков Имеющего начало, / но ради нас от Тебя без отца Происшедшего / Ты по плоти во чреве носила / и как младенца молоком питала. / Потому не переставай ходатайствовать / о избавлении от бед душ наших.

Богородичен отпустительный:

Тя, хода́тайствовавшую спасе́ние ро́да на́шего, / воспева́ем, Богоро́дице Де́во: / пло́тию бо, от Тебе́ восприя́тою, Сын Твой и Бог наш, / Кресто́м восприи́м страсть, / изба́ви нас от тли я́ко Человеколю́бец.

Перевод: Тебя, как Посредницу спасения рода нашего, / воспеваем, Богородица Дева, / ибо плотию, от Тебя принятою, Сын Твой и Бог наш, / на Кресте претерпев страдания, / избавил нас от тления, как Человеколюбец.

Глас 4

Богородичен Догматик:

И́же Тебе́ ра́ди богооте́ц проро́к Дави́д / пе́сненно о Тебе́ провозгласи́, / вели́чия Тебе́ Сотво́ршему, / предста́ Цари́ца одесну́ю Тебе́, / Тя бо Ма́терь, Хода́таицу Живота́ показа́, / без отца́ из Тебе́ вочелове́читися благоволи́вый Бог, / да Свой па́ки обнови́т о́браз, истле́вший страстьми́, / и заблу́ждшее горохи́щное обре́т овча́, / на ра́мо восприи́м, ко Отцу́ принесе́т / и Своему́ хоте́нию / с Небе́сными совокупи́т Си́лами, / и спасе́т, Богоро́дице, мiр / Христо́с, име́яй ве́лию и бога́тую ми́лость.

Перевод: Через Тебя, Богородица, / ставший предком Божиим пророк Давид / благозвучно о Тебе провозгласил / пред сотворившем Тебе величие: / «Предстала Царица справа от Тебя». / Ибо Тебя Матерью, носительницей жизни сделал Бог, / без отца благоволивший воплотиться от Тебя, / чтобы обновить в нас Свой образ, погубленный страстями, / и, найдя заблудившуюся в горах овцу, / взяв на плечи ко Отцу принести, / и по Своей воле соединить с небесными Силами и спасти мир – / Христос, имеющий великую и богатую милость.

На стиховне Богородичен:

При́зри на моле́ния Твои́х раб, Всенепоро́чная, / утоля́ющи лю́тая на ны воста́ния, / вся́кия ско́рби нас изменя́ющи. / Тя бо, Еди́ну, тве́рдое и изве́стное утвержде́ние и́мамы, / и Твое́ предста́тельство стяжа́хом. / Да не постыди́мся, Влады́чице, Тя призыва́ющии, / потщи́ся на умоле́ние Тебе́ ве́рно вопию́щих: / ра́дуйся, Влады́чице, / всех по́моще, ра́досте и покро́ве, / и спасе́ние душ на́ших.

Перевод: Приклонись к мольбам рабов Твоих, Всенепорочная, / прекращая беды, на нас восстающие, / от всякой скорби нас избавляя: / ибо Тебя одну как твердую и надежную опору мы имеем, / и в Тебе защиту обрели. / Да не постыдимся, Владычица, Тебя призывая! / Поспеши исполнить моление Тебе с верою взывающих: / «Радуйся, Владычица, всем помощь, / радость и покров и спасение душ наших!»

Богородичен отпустительный:

Е́же от ве́ка утае́ное / и А́нгелом несве́домое та́инство, / Тобо́ю, Богоро́дице, су́щим на земли́ яви́ся Бог, / в несли́тном соедине́нии воплоща́ем / и, Крест во́лею нас ра́ди восприи́м, / и́мже воскреси́в первозда́ннаго, / спасе́ от сме́рти ду́ши на́ша.

Перевод: От века сокровенное / и Ангелам неведомое таинство, / через Тебя, Богородица, явлено живущим на земле, / – Бог, воплощающийся в неслитном единении двух естеств, / и ради нас добровольно принявший Крест, – / им Он воскресил Адама первозданного / и спас от смерти души наши.

Глас 5

Богородичен Догматик:

В Чермне́м мо́ри, / Неискусобра́чныя Неве́сты о́браз написа́ся иногда́: / та́мо Моисе́й, раздели́тель воды́, / зде же Гаврии́л, служи́тель чудесе́. / Тогда́ глубину́ ше́ствова немо́кренно Изра́иль; / ны́не же Христа́ роди́ безсе́менно Де́ва. / Мо́ре по проше́ствии Изра́илеве пребы́сть непрохо́дно; / Непоро́чная по рождестве́ Эмману́илеве пребы́сть нетле́нна. / Сый и пре́жде Сый, / явле́йся я́ко Челове́к, / Бо́же, поми́луй нас.

Перевод: В Красном море / образ Невесты, брака не познавшей, / был начертан некогда. / Там – Моисей, разделитель воды, / здесь же – Гавриил, служитель чуда. / Тогда морскую глубину, не омочив ног, прошел Израиль, / ныне же Христа без семени родила Дева. / Море после прохода Израиля осталось непроходимым, / Непорочная по рождении Эммануила осталась неповрежденной. / Боже Сущий, – / и предсуществовавший, и явившийся как человек, / помилуй нас!

На стиховне Богородичен:

Храм и дверь еси́, / пала́та и престо́л Царе́в, / Де́во Всечестна́я, / Е́юже Изба́витель мой, Христо́с Госпо́дь, / во тьме спя́щим яви́ся, / Со́лнце сый пра́вды, просвети́ти хотя́, / я́же созда́ по о́бразу Своему́ руко́ю Свое́ю. / Те́мже, Всепе́тая, / я́ко ма́терне дерзнове́ние к Нему́ стяжа́вшая, / непреста́нно моли́ спасти́ся душа́м на́шим.

Перевод: Храм и дверь, дворец и престол Царя, – / Ты, Дева досточтимая; / чрез Тебя Искупитель мой, Христос Господь, / явился спящим во тьме, как Солнце правды, / просветить желая тех, кого Он создал / Своею рукою по образу Своему. / Потому, Всепрославленная, / как материнское дерзновение к Нему стяжавшая, / непрестанно ходатайствуй / о спасении душ наших.

Богородичен отпустительный:

Ра́дуйся, две́ре Госпо́дня непроходи́мая; / ра́дуйся, стено́ и покро́ве притека́ющих к Тебе́; / ра́дуйся, необурева́емое приста́нище и Неискусобра́чная, / ро́ждшая пло́тию Творца́ Твоего́ и Бо́га, / моля́щи не оскудева́й о воспева́ющих / и кла́няющихся Рождеству́ Твоему́.

Перевод: Радуйся, дверь Господня непроходимая! / Радуйся, стена и покров прибегающим к Тебе! / Радуйся, тихая пристань и Дева брака не познавшая, / родившая по плоти Творца Твоего и Бога! / Не переставай ходатайствовать о воспевающих / и почитающих Рожденного от Тебя.

Глас 6

Богородичен Догматик:

Кто Тебе́ не ублажи́т, Пресвята́я Де́во; / кто ли не воспое́т Твоего́ Пречи́стаго Рождества́; / безле́тно бо от Отца́ возсия́вый Сын Единоро́дный, / То́йже от Тебе́, Чи́стыя, про́йде, / неизрече́нно вопло́щься, / естество́м Бог Сый, / и естество́м быв Челове́к нас ра́ди; / не во двою́ лицу́ разделя́емый, / но во двою́ естеству́ / несли́тно познава́емый. / Того́ моли́, Чи́стая Всеблаже́нная, / поми́ловатися душа́м на́шим.

Перевод: Кто не прославит Тебя, Всесвятая Дева? / Кто не воспоет девственного рождения от Тебя? / Ибо вне времени воссиявший от Отца Сын Единородный, / Он Самый произошел от Тебя, Чистой, неизъяснимо воплотившись. / Он – Бог по естеству, / и ради нас по естеству став человеком, / не разделяется на два лица, / но познается в двух неслиянных естествах. / Моли Его, Святая, Всеблаженная, / о помиловании душ наших.

На стиховне Богородичен:

Творе́ц и Изба́витель мой, Пречи́стая, / Христо́с Госпо́дь, из Твои́х ложе́сн проше́д, / в мя оболки́йся, пе́рвыя кля́твы Ада́ма свободи́. / Те́мже Ти, Всечи́стая, / я́ко Бо́жии Ма́тери же и Де́ве, / вои́стинну вопие́м немо́лчно: / ра́дуйся, А́нгельски, ра́дуйся, Влады́чице, / предста́тельство и покро́ве, / и спасе́ние душ на́ших.

Перевод: Творец и Искупитель мой, Всечистая, / Христос Господь, / произошел из чрева Твоего, / в меня, человека, облекшись / и Адама от древнего проклятия освободил. / Потому Тебе, Всечистая, / как Божией Матери и истинной Деве / «Радуйся» возглашаем с Ангелом не умолкая: / «Радуйся, Владычица, защита, и покров, / и спасение душ наших!»

Богородичен отпустительный:

Благослове́нную нареки́й Твою́ Ма́терь, / прише́л еси́ на страсть во́льным хоте́нием, / возсия́в на Кресте́, взыска́ти хотя́ Ада́ма, / глаго́ля А́нгелом: / сра́дуйтеся Мне, я́ко обре́теся поги́бшая дра́хма. / Вся му́дре устро́ивый, / Бо́же наш, сла́ва Тебе́.

Перевод: Назвав Благословенную Своею Матерью, / пришел Ты на страдания по доброй воле, / воссияв на Кресте, желая отыскать Адама, / и возглашая Ангелам: «Радуйтесь со Мной, / ибо нашлась потерянная драхма!» / Все мудро устроивший, (Боже наш,) слава Тебе!

Глас 7

Богородичен Догматик:

Ма́ти у́бо позна́лася еси́, / па́че естества́, Богоpо́дице, / пpебыла́ же еси́ Де́ва, / па́че сло́ва и pа́зума, / и чудесе́ Рождества́ Твоего́ сказа́ти язы́к не мо́жет. / Пpесла́вну бо су́щу зача́тию, Чи́стая, / непости́жен есть о́бpаз pожде́ния: / иде́же бо хо́щет Бог, побежда́ется естества́ чин. / Те́мже, Тя вси Ма́теpь Бо́жию ве́дуще, / мо́лим Ти ся пpиле́жно, / моли́ спасти́ся душа́м на́шим.

Перевод: Ты, Богородица, сверхъестественно явилась матерью, / но пребыла девою, – что выше мысли и разума, / и чуда рождения Тобою / язык изъяснить не может. / Ибо, как дивно было зачатие, Чистая, / непостижим и образ рождения, – / ведь там, где хочет Бог, / отступает закон естества. / Потому мы все, почитая Тебя Матерью Божией, / молим Тебя усердно: / «Ходатайствуй о спасении душ наших!»

На стиховне Богородичен:

Под кpов Твой, Влады́чице, / вси земноpо́днии пpибега́юще, вопие́м Ти: / Богоpо́дице, упова́ние на́ше, / изба́ви ны от безме́pных пpегpеше́ний, / и спаси́ ду́ши на́ша.

Перевод: Под Твое покровительство прибегнув, Владычица, / все мы, на земле рожденные, взываем Тебе: / «Богородица, надежда наша, / избавь нас от бесчисленных согрешений / и спаси души наши!»

Богородичен отпустительный:

Я́ко на́шего воскресе́ния сокро́вище, / на Тя наде́ющияся, Всепе́тая, / от ро́ва и глубины́ прегреше́ний возведи́; / Ты бо пови́нныя греху́ спасла́ еси́, / ро́ждшая Спасе́ние на́ше. / Я́же пре́жде рождества́ Де́ва, и в рождестве́ Де́ва, / и по рождестве́ па́ки пребыва́еши Де́ва.

Перевод: Как нашего воскресения сокровищница, / на Тебя надеющихся, Всепрославленная, / из рва и глубины согрешений возведи. / Ибо Ты спасла повинных во грехе, родив Спасение: / прежде рождения Его – Дева, и при рождении – Дева, / и после рождения / также пребываешь Девою.

Глас 8

Богородичен Догматик:

Царь Небе́сный за человеколю́бие на земли́ яви́ся, / и с челове́ки поживе́, / от Де́вы бо Чи́стыя плоть прие́мый / и из Нея́ проше́дый с восприя́тием. / Еди́н есть Сын, сугу́б естество́м, / но не Ипоста́сию. / Те́мже соверше́нна Того́ Бо́га / и соверше́нна Челове́ка вои́стину пропове́дающе, / испове́дуем Христа́ Бо́га на́шего: / Его́же моли́, Ма́ти Безневе́стная, / поми́ловатися душа́м на́шим.

Перевод: Царь Небесный / по человеколюбию на земле явился / и обитал среди людей; / ибо, приняв плоть от чистой Девы / и от Нее произойдя с этой плотию, / Он пребывает единым Сыном, / двойственным по естеству, но не по Ипостаси. / Потому провозглашая Его воистину / совершенным Богом и совершенным человеком, / мы исповедуем Христа Богом нашим. / Моли Его, Матерь, брака не познавшая, / о помиловании душ наших.

На стиховне Богородичен:

Безневе́стная Де́во, / я́же Бо́га неизрече́нно заче́нши пло́тию, / Ма́ти Бо́га Вы́шняго, / Твои́х рабо́в мольбы́ приими́, Всенепоро́чная, / всем подаю́щи очище́ние прегреше́ний, / ны́не на́ша моле́ния прие́млющи, / моли́ спасти́ся всем нам.

Перевод: Не познавшая брака Дева, / неизреченно Бога зачавшая по плоти, / – Матерь Бога Всевышнего! / Услышь мольбы Твоих рабов, Всенепорочная, / всем подающая очищение от согрешений; / ныне, приняв наши моления, / моли о спасении всех нас.

Богородичен отпустительный:

И́же нас ра́ди рожде́йся от Де́вы / и, распя́тие претерпе́в, Благи́й, / испрове́ргий сме́ртию смерть / и Воскресе́ние явле́й я́ко Бог, / не пре́зри, я́же созда́л еси́ руко́ю Твое́ю; / яви́ человеколю́бие Твое́, Ми́лостиве. / Приими́ ро́ждшую Тя, Богоро́дицу, моля́щуюся за ны, / и спаси́, Спа́се наш, лю́ди отча́янныя.

Перевод: Ради нас рожденный от Девы / и распятие претерпевший, / ниспровергший смертию смерть / и явивший воскресение как Бог, / не презри, Благой, созданных рукою Твоею; / яви человеколюбие Твое, Милостивый, / прими родившую Тебя Богородицу, ходатайствующую за нас, / и спаси, Спаситель наш, людей отчаявшихся.

Добавить комментарий

Ваш адрес email не будет опубликован. Обязательные поля помечены *