Канон Николаю чудотворцу

Каноны и акафисты на каждый день седмицы

Тропарь , глас 4:

Пра́вило ве́ры и о́браз кро́тости, / воздержа́ния учи́теля / яви́ тя ста́ду твоему́ / Я́же веще́й И́стина. / Сего́ ра́ди стяжа́л еси́ смире́нием высо́кая, / нището́ю бога́тая, / о́тче священнонача́льниче Нико́лае, / моли́ Христа́ Бо́га, / спасти́ся душа́м на́шим.

Канон святаго, глас 4.

Песнь 1.

Ирмос: Отве́рзу уста́ моя́, / и напо́лнятся Ду́ха, / и сло́во отры́гну Цари́це Ма́тери, / и явлю́ся, све́тло торжеству́я, / и воспою́, ра́дуяся, Тоя́ чудеса́.

Припев: Святи́телю о́тче Нико́лае, моли́ Бо́га о нас.

Па́стырю до́брый Христо́ва ста́да, ра́дуйся, Нико́лае, / я́ко ми́ряном оте́ц че́стен и учи́тель был еси́, / и мне пода́ждь, ра́дуйся тебе́ приноси́ти.

Ро́ди земни́и стеце́мся, / ра́дуйся приноси́ти святи́телю, / ра́дость бо прино́сит вселе́нней неоску́дно.

Слава: Изба́вльшему три воево́ды от убие́ния непра́веднаго вопие́м ти: / ра́дуйся, Нико́лае, засту́пниче прибега́ющим под кров твой.

И ныне: Богоро́дице Де́во, ра́дуйся, / ра́дость от А́нгела прие́мшая, / и спаси́ Тебе́ велича́ющих.

Песнь 3.

Ирмос: Твоя́ песносло́вцы, Богоро́дице, / живы́й и незави́стный исто́чниче, / лик Себе́ совоку́пльшия духо́вно, утверди́, / в Боже́ственней Твое́й сла́ве / венце́в сла́вы сподо́би.

Припев: Святи́телю о́тче Нико́лае, моли́ Бо́га о нас.

Никто́же прибега́яй под кров наде́жды твоея́, о́тче, тощь от тебе́ исхо́дит, / но ра́дуйся принося́ ти, по́мощь прие́млет, Нико́лае, / ю́же и мне пода́ждь, всеблаже́нне.

А́нгели дивя́тся твоему́, преподо́бне, те́плому заступле́нию, / челове́цы же ра́дуются, прие́млюще моли́твами твои́ми избавле́ние от напа́стей бесовских, / те́мже ра́дуйся, прино́сим ти, Нико́лае прехва́льне.

Слава: Шлем, и ору́жие непобеди́мое на диа́вола ты еси́, / христиа́ном же утвержде́ние, и иера́рхом удобре́ние, Нико́лае чу́дне; / ра́дуйся, чудотво́рче вели́кий, обурева́емым ти́хое приста́нище.

И ныне: Заче́нши Зижди́теля Своего́, Богоро́дице, / родила́ еси́ Творца́ всех и Го́спода, / Того́ моли́ изба́вити нас от напа́стей; / ели́ка бо хо́щеши, вся мо́жеши, / я́ко блага́я Блага́го же Роди́тельница.

Го́споди, поми́луй, трижды.

Седален, глас 8.

Возше́д на высоту́ доброде́телей / и Боже́ственными отту́ду, о́тче, озари́вся сия́нии чуде́с, / пресве́тел вои́стинну яви́лся еси́ мирови па́стырь, / нам в напа́стех сый предста́тель непобеди́мь; / те́мже, пресла́вно врага́ победи́в, лжу отгна́л еси́ / и челове́ки спасл еси́ от сме́рти, Нико́лае, / моли́ Христа́ Бо́га грехо́в оставле́ние дарова́ти / чту́щим любо́вию святу́ю па́мять твою́.

Слава, другий седален, глас тойже: Реку́ исцеле́ний, оби́льне излива́ющую, / и исто́чник тя чуде́с неоску́дный показа́, Нико́лае, ми́лости бе́здна: / тя́жкими бо неду́гами го́рце дручи́мии / и злоключе́ньми жития́ лю́те му́чимии / вся́кия ско́рби целе́бную вои́стинну обрета́ют лечбу́, / те́плое твое́ защище́ние. / Сего́ ра́ди вопие́м ти: / моли́ся Христу́ Бо́гу прегреше́ний оставле́ние дарова́ти / пра́зднующим любо́вию святу́ю па́мять твою́.

И ныне, Богородичен: Я́ко Де́ву и еди́ну в жена́х, / Тя, без се́мене ро́ждшую Бо́га пло́тию, вси ублажа́ем, ро́ди челове́честии: / огнь бо всели́ся в Тя Божества́, / и я́ко Младе́нца дои́ши Зижди́теля и Го́спода. / Тем, А́нгельский и челове́ческий род, досто́йно сла́вим пресвято́е Рождество́ Твое́ / и согла́сно вопие́м Ти: / моли́ Христа́ Бо́га согреше́ний оставле́ние дарова́ти / покланя́ющимся ве́рою пресвято́му Рождеству́ Твоему́.

Песнь 4.

Ирмос: Седя́й в сла́ве на Престо́ле Божества́, / во о́блаце ле́гце, / прии́де Иису́с Пребоже́ственный, / нетле́нною дла́нию, и спасе́ зову́щия: / сла́ва, Христе́, си́ле Твое́й.

Припев: Святи́телю о́тче Нико́лае, моли́ Бо́га о нас.

Апо́столом равнопресто́льне, ра́дуйся, Нико́лае, / я́ко А́риеву е́ресь посрами́л еси́, / и велиа́рова шата́ния низложи́л еси́, твои́ми моли́твами; / не преста́й моля́ о рабе́х твои́х.

Ю́ношу о́наго от руки́ Ами́ры срацы́нскаго изба́вил еси́, / роди́телем же его́ ра́дость дарова́л еси́, / тем ти с ни́ми и мы ра́дуйся прино́сим, Нико́лае преподо́бне.

Слава: Три воево́ды от убие́ния непра́веднаго, чудотво́рче, спасл еси́, / я́влься во сне царю́ благочести́вому, и запрети́в ему́, / и от них ра́дуйся, прия́л еси́, Нико́лае, / и мене́ укрепи́ твои́ми моли́твами.

И ныне: Преблагослове́нная Богоро́дице, ра́дуйся, / я́ко еси́ Царя́ всех престо́л, херуви́мов вы́шший, / не закосни́, моля́ Своего́ Сы́на и Бо́га на́шего, / о чту́щих Тя при́сно, с Никола́ем блаже́нным.

Песнь 5.

Ирмос: Ужасо́шася вся́ческая / о Боже́ственней сла́ве Твое́й: / Ты бо, Неискусобра́чная Де́во, / име́ла еси́ во утро́бе над все́ми Бо́га / и родила́ еси́ Безле́тнаго Сы́на, / всем воспева́ющим Тя / мир подава́ющая.

Припев: Святи́телю о́тче Нико́лае, моли́ Бо́га о нас.

Апо́столов тезоиме́нне, / со А́нгелы равностоя́телю Престо́ла Влады́чня неотсту́пне, / А́рия безу́мновавшаго посрами́л еси́; / сего́ ра́ди вопие́м ти, Нико́лае, ра́дуйся, / святи́телем удобре́ние и сто́лпе церко́вный.

Ру́ку ми даждь, Нико́лае, по́мощи, моля́ся ко Го́споду, / зане́же бу́ря потопля́ет мя грехо́вная, / и приведи́ к ти́хому приста́нищу покая́ния, о́тче, твои́ми моли́твами.

Слава: А́ще и мно́го беззако́нновах, Нико́лае, / но не отступа́ю наде́жды покро́ва твоего́, / всегда́ ра́дуйся, принося́ ти; / ты мя изба́ви от вся́кия ско́рби и беды́, / ели́ка бо хо́щеши, вся мо́жеши.

И ныне: О́блаче превы́шший небе́с, ра́дуйся, / иска́пающий нам ка́плю, Богоро́дице всеблага́я, / пода́ждь от Бо́га лю́дем на́шим побе́ду на ва́рвары, / со иера́рхом Никола́ем Того́ моля́.

Песнь 6.

Ирмос: Боже́ственное сие́ и всечестно́е / соверша́юще пра́зднество, / Богому́дрии, Богома́тере, / прииди́те, рука́ми воспле́щим, / от Нея́ ро́ждшагося Бо́га сла́вим.

Припев: Святи́телю о́тче Нико́лае, моли́ Бо́га о нас.

Друг Христо́в и вторы́й Петр, яви́лся еси́, о́тче, ра́дуйся, / я́ко еси́ столп церко́вный и чуде́сный орга́н, / Ду́хом Святы́м чудоде́йствуяй и бряца́яй: / те́мже, Нико́лае, ра́дуйся прино́сим ти всегда́.

Услы́шав Константи́н царь благочести́вый во сне преще́ния твоя́, со Авла́вием епа́рхом, / о муже́х о́нех непра́ведно име́вших поги́бнути, / вско́ре повеле́ отпусти́ти их, / тебе́ же ра́дуйся вопия́ше, Нико́лае.

Слава: Кораблю́ о́ному потопа́ющу в мо́ри ты, о́тче, был еси́ ко́рмчий, / и мне лю́те обурева́ему от помышле́ний бесо́вских, / даждь я́дрило блага́го ра́зума во уме́ и в се́рдце, / я́ко да всегда́ ра́дуйся приношу́ ти, Нико́лае прехва́льне.

И ныне: Ра́дуйся, Пречи́стая Де́во, / ра́дуйся, миру утвержде́ние, / ра́дуйся, я́ко родила́ еси́ Сы́на, всех Бо́га, / Того́ моли́, Богоро́дице пренепоро́чная, / спасти́ся душа́м на́шим.

Го́споди, поми́луй, трижды. Сла́ва, и ны́не:

Кондак, глас 3.

В Ми́рех, свя́те, священноде́йствитель показа́лся еси́, / Христо́во бо, преподо́бне, Ева́нгелие испо́лнив, / положи́л еси́ ду́шу твою́ о лю́дех твои́х / и спасл еси́ непови́нныя от сме́рти. / Сего́ ра́ди освяти́лся еси́, / я́ко вели́кий таи́нник Бо́жия благода́ти.

Икос

Воспои́м ны́не святи́теля пе́сньми, / ми́рским лю́дем па́стыря и учи́теля, / да моли́твами его́ просвети́мся: / се бо яви́ся чист весь, нетле́нен ду́хом, / Христу́ принося́ же́ртву непоро́чну, чи́сту, Бо́гу благоприя́тну, / я́ко святи́тель, очище́н и душе́ю и те́лом, / те́мже сый и́стинно Це́ркве предста́тель и побо́рник сея́, / я́ко вели́кий таи́нник Бо́жия благода́ти.

Песнь 7.

Ирмос: Не послужи́ша тва́ри Богому́дрии, / па́че Созда́вшаго, / но о́гненное преще́ние му́жески попра́вше, / ра́довахуся, пою́ще: / препе́тый отце́в Госпо́дь и Бог благослове́н еси́.

Припев: Святи́телю о́тче Нико́лае, моли́ Бо́га о нас.

Святе Нико́лае, святи́телю Христо́в / ра́дуйся, ты бо еси́ ра́дость всем неизглаго́ланная, / и мне пода́ждь ру́ку по́мощи, да глаго́лю ти: / ра́дуйся, всеблаже́нне.

Егда́ услы́шаша воево́ды отпуще́ние из темни́цы повеле́нием твои́м, / взе́мше све́щники принесо́ша ти со свеща́ми, ве́лиим вопию́ще гла́сом: / ра́дуйся, о́тче преподо́бне, избавле́ние на́ше.

Слава: Не́когда услы́шал еси́ в темни́це свя́занныя, / услы́ши и мене́, Нико́лае, ра́дуйся принося́ща ти, / и исхи́ти мя огня́ гее́нскаго.

И ныне: Мари́е Госпоже́, Ма́ти Изба́вителя, / приими́ мя, ка́ющагося и прибега́ющаго под кров Твой, / я́ко да не престая́ вопию́ Тебе́: / ра́дуйся, Благода́тная Богоро́дице Присноде́во.

Песнь 8.

Ирмос: О́троки благочести́выя в пещи́ / Рождество́ Богоро́дично спасло́ есть, / тогда́ у́бо образу́емое, / ны́не же де́йствуемое, / вселе́нную всю воздвиза́ет пе́ти Тебе́: / Го́спода по́йте дела́ / и превозноси́те Его́ во вся ве́ки.

Припев: Святи́телю о́тче Нико́лае, моли́ Бо́га о нас.

Апо́столов сопресто́льниче, / со А́нгелы служи́телю Святе́й Тро́ице, / Нико́лае прехва́льне, ра́дуйся, / и мне да́руй ра́дость моли́твами твои́ми.

Ко́рмчий обурева́емых, Нико́лае, ра́дуйся, / и бу́рю мои́х страсте́й, я́же от прило́га бесо́вскаго, ути́ши, / я́ко про́чее не могу́ терпе́ти, но вопию́: / ра́дуйся, помо́щниче мой и те́плый предста́телю.

Слава: О, коли́ка туга́ обдержи́т мя от стреля́ний бесо́вских, / и я́звы терпе́ти ми несть мо́щно, / пла́стыря приложи́ти несть врача́, / но ты ми приложи́ пла́стырь, и еле́й моли́тв твои́х, Нико́лае, да зову́ ти: / ра́дуйся, о́тче преподо́бне.

И ныне: Купино́ неопали́мая, ра́дуйся, / ю́же Моисе́й ви́де на Сина́и, / и ле́ствице, ю́же Иа́ков ви́де, / Преблагослове́нная Богоро́дице Присноде́во.

Песнь 9.

Ирмос: Всяк земноро́дный / да взыгра́ется, Ду́хом просвеща́емь, / да торжеству́ет же Безпло́тных умо́в естество́, / почита́ющее свяще́нное торжество́ Богома́тере, / и да вопие́т: / ра́дуйся, Всеблаже́нная, / Богоро́дице Чи́стая Присноде́во.

Припев: Святи́телю о́тче Нико́лае, моли́ Бо́га о нас.

Льсти́ваго стреля́ния обдержа́т мя, и стремле́ния грехо́вная, / но наде́яся на покро́в твой, к тебе́ прибега́ю, о́тче, / я́ко да отжене́ши от мене́ вся ле́сти лука́ваго, да зову́ ти: / ра́дуйся, Нико́лае.

А́рия безу́мновавшаго посрами́л еси́, / пла́мень же ересе́й угаси́л еси́, / воево́ды в темни́це свя́занныя услы́шал еси́, / и от них ра́дуйся прия́л еси́, / и мы вопие́м ти, Нико́лае: / ра́дуйся, всеблаже́нне.

Слава: А́грика о́наго услы́шавый, / и сы́на его́ Васи́лия от Ами́ры восхи́тивый, / и предста́вивый роди́телем здра́ва во еди́н час от срацы́н, / и мне моля́щуся, исхи́ти неду́гущую мою́ ду́шу, и грехи́ обложе́нную, / от огня́ гее́нскаго, Нико́лае.

И ныне: Цари́це, всех Царя́ ро́ждшая / и носи́вшая Нося́щаго всю тварь, / спаси́ мя, велича́ющаго Тя, Пресвята́я Влады́чице.

Светилен.

Вели́каго архипа́стыря и иера́рха вси, / председа́теля Мирлики́йскаго Никола́я восхва́лим: / мно́ги бо му́жи спасе́, непра́ведно умре́ти иму́щия, / и царю́ явля́ется со Авла́вием во сне, / реша́ непра́ведный суд.

Слава: Вельми́ тя просла́ви в чудесе́х Госпо́дь / и жи́ва и по конце́, иера́рше Нико́лае: / кто бо от любве́ ве́ры то́кмо святое́ твое́ и́мя призове́т и не а́бие услы́шан, / те́пла тя предста́теля обрета́ет?

И ныне, Богородичен: Му́дрость Ипоста́сную, и Сло́во пресу́щественное, / и Врача́ всех Христа́ ро́ждши, Де́во, / гное́ния и я́звы души́ моея́ исцели́ лю́тыя и многовре́менныя / и се́рдца моего́ стра́стная помышле́ния умертви́.

Молитва святому Николаю.

О всехва́льный и всечестны́й архиере́ю, вели́кий чудотво́рче, святи́телю Христо́в, о́тче Нико́лае, челове́че Бо́жий и ве́рный ра́бе, му́жу жела́ний, сосу́де избра́нный, кре́пкий сто́лпе церко́вный, свети́льниче пресве́тлый, звездо́ осиява́ющая и освеща́ющая всю вселе́нную; ты еси́ пра́ведник, я́ко фи́никс процве́тший, насажде́нный во дво́рех Го́спода своего́, живы́й в Ми́рех, мv́ром облагоуха́л еси́ и мv́ро приснотеку́щее благода́ти Бо́жия источа́еши. Твои́м ше́ствием, пресвяты́й о́тче, мо́ре освяти́ся, егда́ многочуде́сныя твоя́ мо́щи ше́ствоваху во град Ба́рский, от восто́ка до за́пада хвали́ти и́мя Госпо́дне. О преизя́щный и преди́вный чудотво́рче, ско́рый помо́щниче, те́плый засту́пниче, па́стырю предо́брый, спаса́ющий слове́сное ста́до от вся́ких бед! Тебе́ прославля́ем и тебе́ велича́ем, я́ко наде́жду всех христиа́н, исто́чника чуде́с, защи́тителя ве́рных, прему́драго учи́теля, а́лчущих корми́теля, пла́чущих весе́лие, наги́х одея́ние, боля́щих врача́, по мо́рю пла́вающих управи́теля, пле́нников свободи́теля, вдов и сиро́т пита́теля и засту́пника, целому́дрия храни́теля, младе́нцев кро́ткаго наказа́теля, ста́рых укрепле́ние, по́стников наста́вника, тружда́ющихся упокое́ние, ни́щих и убо́гих изоби́льное бога́тство. Услы́ши нас, моля́щихся тебе́ и прибега́ющих под кров твой, яви́ предста́тельство твое́ о нас к Вы́шнему и исхода́тайствуй твои́ми Богоприя́тными моли́твами вся поле́зная ко спасе́нию душ и теле́с на́ших; сохрани́ святу́ю оби́тель сию́ , вся́кий град и весь, и вся́кую страну́ христиа́нскую, и лю́ди живу́щия от вся́каго озлобле́ния по́мощию твое́ю, ве́мы бо, ве́мы, я́ко мно́го мо́жет моли́тва пра́веднаго, поспешеству́ющая во благо́е; тебе́ же, пра́веднаго, по Преблагослове́нней Де́ве Мари́и, предста́теля ко Всеми́лостивому Бо́гу и́мамы, и к твоему́, преблаги́й о́тче, те́плому хода́тайству и заступле́нию смире́нно притека́ем; ты нас соблюди́, я́ко бо́дрый и до́брый па́стырь, от вся́ких враго́в, губи́тельства, тру́са, гра́да, гла́да, пото́па, огня́, меча́, наше́ствия иноплеме́нников, и во вся́ких беда́х и ско́рбех на́ших подава́й нам ру́ку по́мощи, и отве́рзи две́ри милосе́рдия Бо́жия; поне́же недосто́йни есмы́ зре́ти высоту́ небе́сную от мно́жества непра́вд на́ших, свя́зани есмы́ у́зами грехо́вными, и николи́же во́ли Созда́теля на́шего сотвори́хом, ни сохрани́хом повеле́ний Его́. Те́мже приклоня́ем коле́на сокруше́нна и смире́нна се́рдца на́шего к Зижди́телю своему́, и твоего́ оте́ческаго заступле́ния к Нему́ про́сим: помози́ нам, уго́дниче Бо́жий, да не поги́бнем со беззако́нии на́шими, изба́ви нас от вся́каго зла и от вся́кия ве́щи сопроти́вныя, упра́ви ум наш и укрепи́ се́рдце на́ше в пра́вой ве́ре, в не́йже твои́м предста́тельством и хода́тайством, ни ра́нами, ни преще́нием, ни мо́ром, ни ко́им гне́вом от Созда́теля своего́ ума́лени бу́дем, но ми́рное зде поживе́м житие́ и да сподо́бимся ви́дети блага́я на земли́ живы́х, сла́вяще Отца́, и Сы́на, и Свята́го Ду́ха, Еди́наго в Тро́ице сла́вимаго Бо́га и покланя́емаго, ны́не и при́сно, и во ве́ки веко́в, ами́нь.

Молитва вторая.

О всесвяты́й Нико́лае, уго́дниче преизря́дный Госпо́день, те́плый наш засту́пниче, и везде́ в ско́рбех ско́рый помо́щниче! Помози́ мне, гре́шному и уны́лому, в настоя́щем житии́, умоли́ Го́спода Бо́га дарова́ти ми оставле́ние всех мои́х грехо́в, ели́ко согреши́х от ю́ности моея́, во всем житии́ мое́м, де́лом, сло́вом, помышле́нием и все́ми мои́ми чу́вствы; и во исхо́де души́ моея́ помози́ ми, окая́нному, умоли́ Го́спода Бо́га, всея́ тва́ри Соде́теля, изба́вити мя возду́шных мыта́рств и ве́чнаго муче́ния; да всегда́ прославля́ю Отца́, и Сы́на, и Свята́го Ду́ха, и твое́ ми́лостивное предста́тельство, ны́не и при́сно и во ве́ки веко́в, ами́нь.

Молитва третия.

О всеблаги́й о́тче Нико́лае, па́стырю и учи́телю всех, ве́рою притека́ющих к твоему́ заступле́нию и те́плою моли́твою тебе́ призыва́ющих, ско́ро потщи́ся и изба́ви Христо́во ста́до от волко́в, губя́щих е́, и вся́ку страну́ христиа́нскую огради́ и сохрани́ святы́ми твои́ми моли́твами от мирска́го мяте́жа, тру́са, на́шествия иноплеме́нников и междоусо́бныя бра́ни, от гла́да, пото́па, огня́, меча́ и напра́сныя сме́рти. И я́коже поми́ловал еси́ трие́х муже́й, в темни́це седя́щих, и изба́вил еси́ их царе́ва гне́ва и посече́ния ме́чнаго. Та́ко поми́луй и мене́, умо́м, сло́вом и де́лом во тьме грехо́в су́ща, и изба́ви мя гне́ва Бо́жия и ве́чныя ка́зни, я́ко да твои́м хода́тайством и по́мощию, Свои́м же милосе́рдием и благода́тию Христо́с Бог ти́хое и безгре́шное житие́ даст ми пожи́ти в ве́це сем и изба́вит мя шу́ияго стоя́ния, сподо́бит же десна́го со все́ми святы́ми, ами́нь.

Религиозное чтение: для чего читается молитва акафист николаю чудотворцу в помощь нашим читателям.

Каноны Николаю Чудотворцу и акафист

Святитель Николай Чудотворец – один из самых почитаемых не только в России, но и в странах Католической церкви. Для православных верующих одним из способов обратиться к святому является чтение канона или акафиста. Эти виды торжественных песнопений отличаются структурой построения текста и историей написания. Каноны были созданы много веков назад людьми, причисленными Церковью к лику святых. Акафист может быть написан и в настоящее время духовным писателем, который не всегда является служителем Церкви.

Святой Николай Чудотворец

Святой Николай Чудотворец родился в 270 году в городе Патаре провинции Ликия. С юных лет он отличался благочестием и стремлением служить Богу. Будучи священником, святитель являлся примером для своей паствы, проповедовал, увещевал и направлял жителей Ликии на путь спасения. После нескольких лет служения в сане священника святитель Николай был избран епископом Мир Ликийских.

Подвижничество святого Николая проходило в период гонения на христианство. Когда епископа вместе с другими христианами заключили в темницу, святитель не только сам мужественно переносил все тяготы и лишения, но и поддерживал остальных заточенных.

Еще при жизни святому Николаю приписывают множество чудес и поступков истинного милосердия и любви к ближнему. Святой Николай Чудотворец почитается как в западном, так и восточном христианстве. Этот святитель особо любим верующими, и множество людей обращаются с молитвой именно к нему.

Канон Николаю Чудотворцу

Каноны Николаю Чудотворцу – это сложные по структуре произведения церковной гимнографии, восхваляющие святого. Их текст состоит из библейских песнопений, к которым позднее были присоединены дополнительные стихи – ирмосы и тропари. Последние воспевают праздничное событие. Ирмосы служат для взаимосвязи библейской песни и тропаря, проводя аналогию между празднуемым событием и описанным в Библии. Структура ирмоса является основой для напева и ритмического строения тропаря. Длина и количество строф должны совпадать.

Существует несколько канонов святителю:

  • «Во глубине постла иногда……» – начало ирмоса первого канона.
  • 2-й канон Николаю Чудотворцу начинается ирмосом «Христос раждается – славите. «
  • «Песнь возслем, людие…..» – ирмос канона из богослужения на перенесение мощей святого.
  • «Отверзу уста моя…..» – начало четвертого канона Николаю Чудотворцу.

Канон 2 Николаю Чудотворцу, так же как и 1-й канон, читается во время службы в день памяти святого 19 декабря по новому стилю. Другие два канона читаются на богослужении в день памяти перенесения мощей святителя 22 мая.

Зачем читать канон?

Каноны Николаю Чудотворцу можно читать дома или услышать их во время богослужения в храме. Святые отцы церкви говорят, что тех, кто читает Каноны Божьей Матери, Спасителю и святым, особо уберегает Господь. Каноны Николаю Чудотворцу – это также молитвы, читая которые человек обращается к святителю через библейские события.

Каноны написаны много веков назад людьми высокодуховными и, как правило, причисленными впоследствии к лику святых. Читая написанные ими хвалебные песнопения и молитвы, человек вместе с ними возносит молитву Богу.

Канон св. Николаю Чудотворцу читают для исцеления от болезней, помощи при нужде и материальном недостатке. Также святой считается защитником вдов и сирот. Ему молятся при унынии, печали и отчаянии. Так как святитель сам был заточен на некоторое время, к нему обращаются в плену и в других тяжелых жизненных обстоятельствах.

Где найти канон и акафист Николаю Чудотворцу?

Практически любые каноны и акафисты можно приобрести в церковных лавках. Канон Николаю чудотворцу с ударениями можно найти на православных сайтах в Интернете. Лучше если параллельно с каноном будет написан текст пояснений, так как не всегда язык богослужебных песен понятен только начинающему свой путь к вере человеку.

Перед чтением необходимо удостовериться, что канон или акафист утверждены Священным Синодом Русской Православной церкви. Для этого лучше использовать тексты из каноников, приобретенных в лавках при храмах или найденных на надежных православных сайтах. Список одобренных акафистов также опубликован в Интернете.

Кроме этого, всегда можно подойти в храме к священнику или дьякону и уточнить, является ли акафист соответствующим установленным Священным Синодом требованиям.

Как правильно читать канон

Канон Николаю Чудотворцу на русском языке не так сложно читать, как на церковнославянском. Читая канон, необходимо вдумчиво произносить каждое слово. В отличие от акафиста, канон покаянный Николаю Чудотворцу можно читать сидя. Произносить хвалебные песнопения святому можно в любое время. Существуют специальные предначинательные молитвы, которые прочитывают перед каноном. Если библейские песнопения святому следуют после ежедневного молитвенного правила, то дополнительные молитвы не требуются.

В случае, когда нет возможности читать канон вслух, можно произносить молитву и про себя. Главное, чтобы ее слова произносились осознано, с чувством покаяния и любви к Богу, святому. Читать канон вслух лучше спокойным и монотонным голосом. Уделять внимание выразительности голоса не нужно. Церковные и домашние молитвословия не светские поэтические произведения, поэтому произносятся несколько иначе. Самое важное при чтении священных песнопений – обращение души к Богу, духовному миру.

Перед чтением канона можно зажечь свечу или лампаду у иконы Николая Чудотворца. Если подходящего изображения святого нет, то можно обратиться к образу Божьей Матери или Спасителя.

Акафист Николаю Чудотворцу

Акафист – хвалебная песнь Богу, Богородице или святым. Первый был написан Пресвятой Богородице в 626 году в честь освобождения Константинополя от персов.

Акафист состоит из икосов и кондаков. Всего в хвалебной песне 24 строф. Каждый кондак заканчивается призывом к восхвалению Бога: «Аллилуиа!» А икос – приветствием воспеваемому святому: «Радуйся!»

Акафист Николаю Чудотворцу был написан через некоторое время после его кончины. По одной из версий хвалебный гимн был написан константинопольскими служителями церкви, по другой – русскими иеромонахами, участвовавшими в перенесении источающих миро мощей святого.

Текст акафиста можно приобрести в церковной лавке, найти на сайтах в Интернете, прослушать на аудионосителях. В первом случае можно быть уверенным в качестве и подлинности текста. Кроме этого, в храмах освященных в честь святителя, раз в неделю читается акафист святому Николаю Угоднику. Сорокадневное чтение акафиста Николаю Чудотворцу можно заказать и в монастырях. При этом необходимо указать имя человека, о здравии которого будет читаться акафист.

Как читать акафист Николаю Чудотворцу

Перед тем как брать на себя обязательство чтения акафиста святому в течение определенного срока, лучше взять благословение у духовника. Священник, совершающий таинство исповеди, зная духовные силы, жизненные обстоятельства и внутреннее состояние верующего, благословит или даст совет пока отложить чтение.

Существуют определенные правила чтения акафиста. Тринадцатый кондак – молитвенное обращение к святому – читается три раза. После последнего кондака акафиста опять читаются первые икос и кондак. Затем читается молитва Николаю Чудотворцу.

Количество дней, в течение которых читается акафист, неограниченно. Акафист можно читать в любое удобное время. Лучше если во время этого поблизости будет располагаться икона святителя.

Часто хвалебный гимн читают в течение сорока дней. При этом, если пришлось пропустить день, то на следующий можно продолжить.

Прочесть акафист Николаю Чудотворцу можно и один раз, главное, почувствовать в душе стремление и желание обратиться к святому. Акафист приравнивается к гимну, поэтому при его чтении лучше стоять.

Зачем читать акафист Николаю Чудотворцу?

Акафист, как и канон святителю Николаю Чудотворцу, помогает верующим в самых разных случаях. Молитвенное обращение к святому помогает при любых трудностях. Можно найти много благодарных отзывов и реальных историй из жизни людей, рассказывающих о разрешении трудных жизненных обстоятельств после молитв к святому. Особенно часто к нему обращаются при болезни, финансовых и бытовых трудностях, во время путешествий. Еще при жизни епископ Мир Ликийских оказывал помощь многим нуждающимся.

Текст акафиста содержит жизнеописания святого. Многими людьми он воспринимается намного легче, чем канон святителю Николаю Чудотворцу.

Не стоит относиться к чтению акафиста как к магическому обряду и заговору. Желание быстрого результата не принесёт пользы. Главным чувством при обращении к святому должно быть покаяние и вера, что Угодник Божий услышит просьбу и поможет.

Молитвы перед чтением акафиста и канонов

Перед акафистом необходимо прочитать предначинательные молитвы, которые помогут подготовить сознание человека к хвалебной песни: отбросить все суетные мысли, сосредоточиться на тексте молитвословия. Обычно предначинательные молитвы включают: «Царю Небесный», “Трисвятая песнь”, «Пресвятая троица», «Отче наш», «Приидите поклонимся». Также несколько раз произносится «Господи, помилуй», и читаются псалмы из псалтири. Эти же молитвы читаются и перед каноном.

Если необходимо читать и канон, и акафист, то их можно соединить, и произносить последний после шестой песни первого.

После чтения акафиста или канонов Николаю Чудотворцу произносятся молитвы, которые одинаковы для всех молитвенных правил.

Каноны и акафист на церковнославянском языке

Молитвенные песнопения на церковнославянском языке гораздо сложнее найти, чем на русском.

В храмах все тексты богослужения произносится только на церковнославянском. Этот язык вбирает в себя многовековой опыт общения русского человека и Бога. Кроме этого, чтение на церковнославянском помогает отвлечься от повседневных мыслей, создать особую атмосферу и погрузиться в мир молитвы.

Акафист на церковнославянском будет сложен для восприятия только начинающему изучать этот язык верующему. Для того чтобы текст лучше воспринимался, можно прочитать перевод и толкование на русском языке.

Каноны, более сложные по структуре, лучше читать на русском, так они будут легче для понимания.

Что лучше читать: акафист или канон святому?

Канон – более древний жанр церковного песнопения, чем акафист. Текст канонов написан святыми отцами, чей уровень духовного роста и осознания Божественного мироздания намного превосходит обычное человеческое понимание. Акафисты, как правило, создавались в более поздний период духовными писателями, не все из которых являлись монахами или служителями церкви. Поэтому, выбирая между каноном и акафистом, по мнению некоторых священников, лучше отдавать предпочтение чтению первых.

В то же время акафист святому легче читается и воспринимается, так как структура построения текста намного проще.

Каноны Николаю Чудотворцу – менее хвалебное молитвословие, чем акафист, но имеет просительный характер. Несмотря на это, просить о помощи можно и читая акафист.

>Православные иконы и молитвы

Информационный сайт про иконы, молитвы, православные традиции.

Добавить комментарий

Ваш e-mail не будет опубликован. Обязательные поля помечены *