Отпуст в молитве

Отпуст

Совершается священником, стоящим в царских вратах лицом к пастве.

Существует несколько разновидностей отпуста:

  • малый отпуст (произносится на повечерии, полунощнице, часах и малой вечерне): «Христос истинный Бог наш, молитвами Пречистыя Своея Матери, преподобных и богоносных отец наших и всех святых помилует и спасет нас яко благ и Человеколюбец».
  • великий отпуст (произносится на вседневной и великой вечерне, утрене и литургии): «Христос истинный Бог наш, молитвами Пречистыя Своея Матери, святых славных и всехвальных апостол (…), преподобных и богоносных отец наших и всех святых помилует и спасет нас яко благ и Человеколюбец».
  • праздничный отпуст (произносится на господские праздники и в воскресенье); различается в зависимости от праздника, например, на Рождество Христово — «Иже в вертепе родивыйся и во яслех возлегий нашего ради спасения Христос истинный Бог наш…», в праздник Святой Троицы — «Иже в виде огненных язык с небесе ниспославый Пресвятаго Духа на святыя своя ученики и Апостолы Христос, истинный Бог наш…», в воскресенье «Воскресый из мертвых Христос истинный Бог наш…»
  • отпусты Страстной Седмицы напоминают праздничные, но на них вспоминаются события, происходившие в соответствующий день земной жизни Спасителя. Например, в Великую Пятницу: «Иже оплевания и биения, заушения и крест, и смерть претерпевый за спасение мира, Христос, Истинный Бог наш…». В современной практике РПЦ в Великую Субботу — отпуст обычный, не воскресный, а у старообрядцев особенный — «Иже нас ради волею положивыйся во гробе Христос, Истинный Бог наш…».

После великого и праздничного отпуста хор поёт многолетие:

>Отпусты

᾿Ѹка́зъ, ка́кѡ подоба́етъ глаго́лати ᾿ѿпу́сты во Влады́чни пра́здники, ᾿и Бог҃ома́тере, ᾿и во все́ лѣ́то.

Отпусты во все лето

Ве́домо же да бу́дет тебе́ о сем, иере́ю: егда́ отпу́ст глаго́леши дневны́й, или́ на пра́здник Богоро́дицы, да не и́маши глаго́лати в нем: Христо́с И́стинный Бог наш, моли́твами Пречи́стыя Своея́ Ма́тере, честна́го и сла́внаго Ея́ Рожде́ства́, или́ Успе́ния, или́ Введе́ния, и ины́х пра́здников Ея́: или́ свя́та́го Иоа́нна Предте́чи рождества́, или́ Усекнове́ния, и про́чих святы́х па́мяти или́ преставле́ния их, или́ обре́тения, и пренесе́ния моще́й. Но си́це глаго́ли, а́ще пра́здник Богоро́дицы, Рождества́ Ея́ или́ Успе́ния, и про́чих:

Христо́с И́стинный Бог наш, моли́твами Пречи́стыя Своея́ Ма́тере, и всех святы́х, поми́лует и спасе́т нас, я́ко Благ и Человеколю́бец.

А́ще же свя́та́го: Христо́с И́стинный Бог наш, моли́твами Пречи́стыя Своея́ Ма́тере, и свята́го апо́стола, имярек, и всех святы́х: и про́чее до конца́.

Поне́же не Рожде́ство́ Богоро́дицы, ниже́ Введе́ние, или́ Успе́ние Ея́, подвиза́ем к Бо́гу на моли́тву, но са́мую Пресвяту́ю Богоро́дицу: та́кожде, ни па́мяти, или́ преставле́ния святы́х приво́дим на моли́тву к Бо́гу, но саме́х их.

Отпусты Владычних праздников по чину

Глаго́лемии в вече́рню, во у́треню, и в Литурги́ю по чи́ну:

На Рождество Христово:

И́же в верте́пе роди́выйся, и в я́слех возлеги́й, на́шего ра́ди Спасе́ния, Христо́с И́стинный Бог наш: и про́чее до конца́.

На Обрезание:

И́же во осмы́й день пло́тию обре́затися изво́ливый, на́шего ра́ди Спасе́ния, Христо́с И́стинный:

На Богоявление:

И́же во Иорда́не крести́тися изво́ливый от Иоа́нна, на́шего ра́ди Спасе́ния, Христо́с И́стинный:

На Сретение:

И́же во объя́тиих пра́веднаго Симео́на носи́тися изво́ливый, на́шего ра́ди Спасе́ния, Христо́с И́стинный:

На Преображение:

И́же на горе́ Фаво́рстей Преобрази́выйся во Сла́ве, пред святы́ми свои́ми ученики́ и апо́столы, Христо́с И́стинный:

В неделю Цветную:

И́же на жребя́ти о́сли се́сти изво́ливый, на́шего ра́ди Спасе́ния, Христо́с И́стинный:

В ту же Неделю вечера:

Гряды́й Госпо́дь на во́льную страсть, на́шего ра́ди Спасе́ния, Христо́с И́стинный:

В Великий Четверток:

И́же за превосходя́щую Бла́гость Путь добре́йший смире́ния показа́вый, внегда́ умы́ти но́ги ученико́в, да́же и до креста́ и погребе́ния Снизше́дый нам, Христо́с И́стинный:

Во отпуст Святых Страстей:

И́же оплевания, и бие́ния, и зауше́ния, и крест, и смерть претерпе́вый за Спасе́ние ми́ра, Христо́с И́стинный:

Во святы́й и Великий Пяток:

И́же нас ра́ди челове́ков и на́шего ра́ди Спасе́ния страшныя стра́сти и Животворя́щий крест, и во́льное погребе́ние пло́тию изво́ливый, Христо́с И́стинный:

В неделю Пасхи, и во всю Светлую Седмицу:

Христо́с Воскресы́й из ме́ртвых, сме́ртию смерть попра́вый, и су́щим во гробе́х живо́т дарова́вый, И́стинный Бог наш:

На Вознесение:

И́же во Сла́ве Вознесы́йся от нас на Не́бо, и одесну́ю седы́й Бо́га и Отца́, Христо́с И́стинный:

В неделю Пятдесятную:

И́же в виде́нии о́гненных язык с Небесе́ низпосла́вый Пресвята́го Ду́ха, на святы́я своя́ ученики́ и апо́столы, Христо́с И́стинный:

И́же от О́тчих и Бо́же́ственных Недр истощи́вый Себе́, и с Небесе́ на зе́млю соше́дый, и на́ше все восприе́мый естество́, и обожи́вый е, по сих же на Небеса́ па́ки возше́дый, и одесну́ю седы́й Бо́га и Отца́, Боже́ственнаго же и Свята́го, и Единосу́щнаго, и Единоси́льнаго, и Единосла́внаго, и Соприсносу́щнаго Ду́ха низпосла́вый на святы́я своя ученики́ и апо́столы, и Сим просвети́вый у́бо их, и те́ми же всю вселе́нную, Христо́с И́стинный Бог наш, моли́твами Пречи́стыя и Пренепоро́чныя Святы́я Своея́ Ма́тере, святы́х сла́вных, прехва́льных богопропове́дников и духоно́сных апо́столов, и всех святы́х, поми́лует и спасе́т нас, я́ко Благ и Человеколю́бец.

Отпусты дневнии во всю седмицу

По обы́чаю Святы́я восто́чныя Це́ркве:

В субботу вечера:

Христо́с И́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных апо́стол: святы́х пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

В неделю утрени:

Воскресы́й из ме́ртвых Христо́с И́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных апо́стол: и про́чая, я́коже вы́ше пи́сано.

Во свя́те́й Литурги́и отпу́ст то́йже, я́коже и на у́трени, приглаша́ет же и свята́го, его́же быва́ет Литурги́а, Златоу́стаго, и Васи́лиа Вели́каго.

В неделю вечера, и в понедельник на утрени:

Христо́с И́стинный Бог наш, моли́твами Пречи́стыя Своея́ Ма́тере, предста́тельствы честны́х Небе́сных Сил Безпло́тных: святы́х сла́вных и всехва́льных апо́стол, и святы́х пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

В понедельник вечера, и во вторник на утрени:

Христо́с И́стинный Бог наш, моли́твами Пречи́стыя Своея́ Ма́тере, честна́го сла́внаго Проро́ка, Предте́чи и Крести́теля Иоа́нна, святы́х сла́вных и всехва́льных апо́стол: и про́чая.

Во вторник вечера, и в среду на утрени:

Христо́с И́стинный Бог наш, моли́твами Пречи́стыя Своея́ Ма́тере, Си́лою Честна́го и Животворя́щаго Креста́, святы́х сла́вных и всехва́льных апо́стол: и про́чая.

В среду вечера, и в четверток на утрени:

Христо́с И́стинный Бог наш, моли́твами Пречи́стыя Своея́ Ма́тере, святы́х сла́вных и Всехва́льных Апо́стол, и́же во святы́х отца́ на́шего Никола́я архиепи́скопа, Мир Лики́йских чудотво́рца: и про́чая.

В четверток вечера, и в пяток на утрени:

Христо́с И́стинный Бог наш, моли́твами Пречи́стыя Своея́ Ма́тере, си́лою Честна́го и Животворя́щаго Креста́, святы́х сла́вных и всехва́льных апо́стол: и про́чая.

В пяток вечера, и в субботу на утрени:

Христо́с И́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, святы́х сла́вных и Добропобе́дных му́чеников, Преподо́бных и Богоно́сных оте́ц на́ших, святы́х пра́ведных богооте́ц Иоаки́ма и А́нны, и Всех святы́х, поми́лует и спасе́т нас, я́ко Благ и Человеколю́бец.

А во всю седми́цу на святе́й Литурги́и быва́ют отпу́сты, я́коже предписа́ся, на вече́рни и на у́трени по днех: то́чию прилага́ется и свята́го и́мя, его́же есть литурги́а, си́це:

и́же во святы́х отца́ на́шего Иоа́нна, архиепискпа Константи́ня гра́да, Златоу́стаго

а в повече́рии, и в полу́нощнице, и в часе́х, ма́лый отпу́ст быва́ет во всей седми́це, си́це:

Христо́с И́стинный Бог наш, моли́твами Пречи́стыя Своея́ Ма́тере, преподо́бных и богоно́сных оте́ц на́ших, и всех святы́х, поми́лует и спасе́т нас, я́ко Благ и Человеколю́бец.

То́чию в неде́лю на полу́нощнице и в часе́х прилага́ется в нача́ле: Воскресы́й из ме́ртвых:

В пято́к ве́чера, и в суббо́ту на у́трени, и на Литурги́и, не подоба́ет возглаша́ти на отпу́сте: Си́лою Честна́го и Животворя́щаго Креста́: зане́ в той день Кресту́ слу́жбы никаки́я несть. В кото́рый бо день воспомина́ние и слу́жба Честна́го Креста́ быва́ет, тогда́ и пост есть: я́коже в среде́ и в пятце́, и в Воздви́жение Честна́го Креста́, подо́бне и в неде́лю во отпу́сте, Креста́ не воспомина́ется, зане́ не по́стный день есть: си́це держи́т чин и обы́чай Свята́я восто́чная Це́рковь, во всех патриархи́ах, и святы́х оби́телех, и повсю́ду. Ве́домо бу́ди и о сем: я́ко иде́же есть храм Спа́са Христа́, Рождество́, или́ Богоявле́ние, или́ Вознесе́ние, и про́чая, в седми́чном отпу́сте не возглаша́ются никогда́ пра́здничныя отпу́сты, то́чию возглаша́ется пра́здничный отпу́ст в день пра́здника, и до отда́ния, а во весь год то́кмо: Христо́с И́стинный Бог наш: и про́чая по дню.

Добавить комментарий

Ваш e-mail не будет опубликован. Обязательные поля помечены *