Прокимен на утрени

Сборник общий святым (тропари, кондаки, прокимны, причастны)

Богородице.

Тропарь, гл. 4

К Богородице прилежно ныне притецем, грешнии и с ммиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Кондак, гл. 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву и потщися на умоление, предстательствующи присно Богородице, чтущих Тя.

Величание.

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.

Прокимен, гл.3 Песнь Богородицы.

Величит душа Моя Господа, и возрадовася дух Мой о Бозе Спасе Моем.

Причастен.

Чашу спасения прииму и Имя Господне призову.

Ангелам.

Тропарь, гл. 4

Небесных воинств Архистратизи, молим вас присно мы, недостойнии, да вашими молитвами оградите нас кровом крил невещественныя вашея славы, сохраняющее нас, припадающих прилежно и вопиющих: от бед избавите нас, яко чиноначальницы Вышних Сил.

Кондак, гл.2

Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко безплотных Архистратизи.

Величание.

Величаем вас, Архангели и Ангели и вся воинства, Херувими и Серафими славящии, Господа.

Прокимен, гл.4 и Причастен.

Творяй ангелы Своя духи, и слуги Своя пламень огненный.

Пророку.

Тропарь, гл.2

Пророка Твоего (имярек) память, Господи, празднующе, тем Тя, молим, спаси души наша.

Кондак, гл.4

Просветившееся Духом чистое твое сердце пророчества бысть светлейшаго приятелище: зриши бо, яко настоящая, далече сущая; сего ради тя почитаем, пророче блаженне (имярек), славне.

Величание.

Величаем тя, святый пророче Божий (имярек), и чтим святую память твою, ты бо молиши о нас Христа Бога нашего.

Прокимен, гл. 4

Ты иерей вовек по чину Мелхиседекову.

Причастен.

В память вечную будет праведник, от слуха зла не убоится.

Апостолу.

Тропарь, гл.3

Апостоле святый (имярек), моли Милостиваго Бога, да прегрешений оставление подаст душам нашим.

Кондак, гл.4

Яко звезду пресветлую Церковь всегда стяжа тя, апостоле (имярек), чудес твоих многоподаванием прсвещаема. Темже зовем Христу: спаси чтущих верою память Твоего апостола, Многомилостиве.

Величание.

Величаем тя, апостоле Христов (имярек), и чтим болезни и труды твоя, имиже трудился еси во благовестии Христове.

Прокимен, гл. 8 и Причастен.

Во всю землю изыде вещание их, и в концы вселенныя глаголы их.

Апостолам.

Тропарь, гл.3

Апостоли святии, молите Милостиваго Бога, да прегрешений оставление подаст душам нашим.

Кондак, гл.4

Лозие явистеся Христова винограда, мудрии, гроздие приносяще в добродетелех, вино нам спасения источающее; егоже приемлем, веселия исполняющеся. Празднуем честную вашу память, в нюже молите дароватися нам велицей милости и отпущению грехов, Господни апостоли.

Величание.

Величаем вас, святии апостоли, весь мир ученьми своими просветившия и вся концы ко Христу приведшия.

Прокимен, гл.8 и Причастен.

Во всю землю изыде вещание их, и в концы вселенныя глаголы их.

Святым отцам Вселенских Соборов.

Тропарь, гл.8

Препрославлен еси, Христе Боже наш, светила на земли отцы наша основавый, и теми ко истинней вере вся ны наставивый: Многоблагоутробне, слава Тебе.

Кондак, гл.8

Апостол проповедание и отец догматы Церкве едину веру запечатлеша: яже и ризу носящи истины, исткану от еже свыше богословия, исправляет и славит благочестия великое таинство.

Прокимен, гл.4 Песнь отцев.

Благословен еси, Господи, Боже отец наших, и хвально, и прославлено имя Твое во веки.

Причастен.

Радуйтеся, праведнии, о Господе, правым подобает похвала.

Святителю.

Тропарь, гл.4

Правило веры и образ кротости, воздержания учителя, яви тя стаду твоему яже вещей Истина, сего ради стяжал еси смирением высокая, нищетою богатая, отче священноначальниче (имярек), моли Христа Бога спастися душам нашим.

Ин тропарь, гл.8

Православия наставниче, благочестия учителю и чистоты, вселенныя светильниче, архиереев (или: монашествующих) Богодухновенное удобрение, (имярек) премудре, ученьми твоими вся просветил еси, цевнице духовная, моли Христа Бога спастися душам нашим.

Кондак, гл.2

Божественный гром, труба духовная, веры насадителю и отсекателю ересей, Троицы угодниче, великий святителю (имярек), со ангелы предстоя присно, моли непрестанно о всех нас.

Величание.

Величаем тя, святителю отче (имярек), и чтим святую память твою: ты бо молиши о нас Христа Бога нашего.

Прокимен, гл.1

Уста моя возглаголют премудрость, и поучение сердца моего разум.

Причастен.

В память вечную будет праведник, от слуха зла не убоится.

Святителем.

Тропарь, гл.4

Боже отец наших, творяй присно с нами по Твоей кротости, не остави милость Твою от нас, но молитвами их в мире управи живот наш.

Кондак, гл.8

Яко добродетелей учителие и иерархов украшение, Церковь, поющи, вас славит: молитвами вашими подайте чтущим вас любовию добродетелей исправление и соблазнов избавление, яко непобедимии.

Величание.

Величаем вас, святителие велицыи, и чтим святую память вашу, вы бо молите о нас Христа Бога нашего.

Прокимен, гл.7

Честна пред Господем смерть преподобных Его.

Причастен.

В память вечную будет праведник, от слуха зла не убоится.

Мученику.

Тропарь, гл.4

Мученик Твой, Господи, (имярек), во страдании своем венец прият нетленный от Тебе, Бога нашего; имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Кондак, гл.2

Звезда светлая явился еси непрелестная мирови, Солнца Христа возвещающи зарями твоими, страстотерпче (имярек), и прелесть погасил еси всю, нам же подаеши свет, моляся непрестанно о всех нас.

Величание.

Величаем тя, страстотерпче святый (имярек), и чтим честная страдания твоя, яже за Христа претерпел еси.

Прокимен, гл.7

Возвеселится праведник о Господе, и уповает на Него.

Причастен.

В память вечную будет праведник, от слуха зла не убоится.

Мучеником.

Тропарь, гл.4

Мученицы Твои, Господи, во страданиих своих венцы прияша нетленныя от Тебе, Бога нашего: имуще бо крепость Твою, мучителей низложиша, сокрушиша и демонов немощныя дерзости. Тех молитвами спаси души наша.

Кондак, гл.2

Светильницы светли явльшеся, Божественнии мученицы, тварь всю светлостию чудес озаряете, недуги разрешающе и глубокую тьму всегда отгоняюще, Христу Богу молящеся непрестанно о всех нас.

Величание.

Величаем вас, страстотерпцы святии, и чтим честная страдания ваша, яже за Христа претерпели есте.

Прокимен, гл.4

Святым, иже суть на земли Его, удиви Господь вся хотения Своя в них.

Причастен.

Радуйтеся, праведнии, о Господе, правым подобает похвала.

Мученице.

Тропарь, гл.4

Агница Твоя, Иисусе (имярек), зовет велиим гласом: Тебе, Женише мой, люблю, и Тебе ищущи, страдальчествую и сраспинаюся и спогребаюся Крещению Твоему и стражду Тебе ради, яко да царствую в Тебе и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак, гл.2

Храм твой всечестный, яко цельбу душевную обретше, вси вернии велегласно вопием ти: Дево мученице (имярек) великоименитая, Христа Бога моли непрестанно о всех нас.

Величание.

Величаем тя, страстотерпице Христова (имярек), и чтим честное страдание твое, еже за Христа претерпела еси.

Прокимен, гл.4

Дивен Бог во святых Своих, Бог Израилев.

Причастен.

Радуйтеся, праведнии, о Господе, правым подобает похвала.

Мученицам.

Тропарь, гл.1

Агницы словесныя Агнцу и Пастырю приведостеся мучением ко Христу, течение скончавше и веру соблюдше: темже днесь радостною душею совершаем, досточуднии, святую вашу память, Христа величающе.

Кондак, гл.4

Страстотерпиц Христовых память празднуим, и верою просяще помощи, избавитися всем от всякия скорби, зовуще: Бог наш с нами, иже сих прославивый, якоже изволи.

Величание.

Величаем вас, страстотерпицы святыя, и чтим честная страдания ваша, яже за Христа претерпели есте.

Прокимен, гл.4

Дивен Бог во святых своих, Бог Израилев.

Причастен.

Радуйтеся, праведнии, о Господе, правым подобает похвала.

Священномученику.

Тропарь, гл.4

И нравом причастник, и престолом наместник апостолом быв, деяние обрел еси, Богодухновенне, в видения восход: сего ради, слово истины исправляя, и веры ради пострадал еси даже до крове, священномучениче (имярек). Моли Христа Бога спастися душам нашим.

Кондак, гл.4

Во святителех благочестно пожив и мучения путь прошед, идольския угасил еси жертвы, и поборник быв твоему стаду, богомудре. Темже тя почитающе, тайно вопием ти: от бед избави ны присно твоими мольбами, отче наш (имярек).

Величание.

Величаем тя, священномучениче (имярек), и чтим святую память твою: ты бо молиши о нас Христа Бога нашего.

Прокимен, гл.7

Восхвалятся преподобнии во славе, и возрадуются на ложах своих.

Причастен.

В память вечную будет праведник, от слуха зла не убоится.

Священномучеником.

Тропарь, гл.4

Боже отец наших, творяй присно с нами по Твоей кротости, не отстави милость Твою от нас, но молитвами их в мире управи живот наш.

Кондак, гл.3

Яко светильники незаходимыя Разумнаго Солнца, сошедшеся днесь, восхвалим песньми: возсияли бо есте сущим во тьме неразумия, всех созывающе к высоте благочестия, священномученицы. Тем вопием вам: радуйтеся, постников всех основание.

Величание.

Величаем вас, священномученицы Христовы, и чтим святую память вашу: вы бо молите о нас Христа Бога нашего.

Прокимен, гл.7

Честна пред Господем смерть преподобных Его.

Причастен.

Радуйтеся праведнии о Господе, правым подобает похвала.

Преподобномученику.

Тропарь, гл.8

В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней. Темже и со ангелы срадуется, преподобне (имярек), дух твой.

Кондак, гл.2

Яко постника благочестна, и искусна, и страдальца произволением честна, и пустыни жителя сообразна, в песнех достойно восхвалим, (имярек), той бо змия попрал есть.

Величание.

Ублажаем тя, преподобномучениче (имярек), и чтим святую память твою, наставниче монахов и собеседниче ангелов.

Преподобномучеником.

Тропарь гл.4

Боже отец наших, творяй присно с нами по Твоей кротости, не отстави милость Твою от нас, но молитвами их в мире управи живот наш.

Кондак, гл.2

Волнений множество невлажно преходяще, безплотныя враги струями слез ваших крепко погрузили есте, преподобнии мученицы, и чудес дар приимше, молите непрестанно о всех нас.

Величание.

Ублажаем вас, преподобнии мученицы, и чтим святую память вашу, наставницы монахов и собеседницы ангелов.

Прокимен, гл.5

Восхвалятся преподобнии во славе, и возрадуются на ложах своих.

Причастен.

Радуйтеся праведнии о Господе, правым подобает похвала.

Преподобномученице.

Тропарь, гл.4

Агница Твоя, Иисусе (имярек), зовет велиим гласом: Тебе Женише мой люблю, и Тебе ищущи, страдальчествую и сраспинаюся и спогребаюся, Крещению Твоему и стражду Тебе ради, яко да царствую в Тебе и умираю за Тя, да и живу с Тобою: но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак, гл.4

Божественная память твоя, (имярек), днесь возсиявши, явися мирови яко солнце, сказующи житие твое: ты бо воздержанием плотская двизания разорши, и страдания кровию уневестилася еси Христови. Темже хвалящия тя избави от всяких зол, да зовем ти: радуйся, мати преподобная.

Величание.

Величаем тя, страстотерпице святая (имярек), и чтим святую память твою: ты бо молиши о нас Христа Бога нашего.

Священноисповеднику и преподобноисповеднику.

Тропарь, гл.8

Православия наставниче, благочестия учителю и читоты, вселенныя светильниче, архиереев богодухновенное удобрение, (имярек) премудре, ученьми твоими вся просветил еси, цевнице духовная. Моли Христа Бога спастися душам нашим.

Кондак, гл.2

Насладився, богомудре, воздержания, и желания плотская ты успил еси, явився верою возращаемь, и яко живота древо райское процвел еси, (имярек), отче священный.

Величание священноисповеднику.

Величаем тя, святителю отче (имярек), и чтим святую память твою: ты бо молиши о нас Христа Бога нашего.

Величание преподобноисповеднику.

Ублажаем тя, преподобне отче (имярек), и чтим святую память твою: ты бо молиши о нас Христа Бога нашего.

Преподобному.

Тропарь, гл.8

В тебе, отче, известно спасеся еже по образу: приим бо Крест, последовал еси Христу и дея учил еси презирати убо плоть, преходит бо, прилежати же о души, вещи безсмертней; темже и со ангелы срадуется, преподобне (имярек), дух твой.

Ин тропарь, гл.1

Пустынный житель и в телеси Ангел, и чудотворец явился еси, богоносе отче наш (имярек), постом, бдением, молитвою небесная дарования приим, исцеляеши недужныя и души верою притекающих ти. Слава Давшему ти крепость, слава Венчавшему тя, слава Действующему тобою всем исцеления.

Ин тропарь, гл.8

Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, (имярек), отче наш, моли Христа Бога спастися душам нашим.

Кондак, гл.2

Чистотою душевною Божественне вооружився и непрестанныя молитвы, яко копие, вручив крепко, пробол еси бесовская ополчения, (имярек), отче наш, моли непрестанно о всех нас.

Величание.

Ублажаем тя, преподобне отче (имярек), и чтим святую память твою, наставниче монахов и собеседниче ангелов.

Прокимен, гл.7

Честна пред Господем смерть преподобных Его.

Причастен.

В память вечную будет праведник, от слуха зла не убоится.

Преподобным.

Тропарь, гл.4

Боже отец наших, творяй присно с нами по Твоей кротости, не остави милость Твою от нас, но молитвами их в мире управи живот наш.

Кондак, гл.2

Волнений множество невлажно проходяще, безплотныя враги струями слез ваших крепко погрузили есте, богомудрии и преподобнии, и чудес дар приимше, молите непрестанно о всех нас.

Величание.

Ублажаем вас преподобнии отцы, и чтим святую память вашу, наставницы монахов и собеседницы Ангелов.

Прокимен, гл.7

Честна пред Господем смерть преподобных Его.

Причастен.

В память вечную будет праведник, от слуха зла не убоится.

Преподобной.

Тропарь, гл.8

В тебе, мати, известно спасеся еже по образу: приимши бо Крест, последовала еси Христу и деющи учила еси презирати убо плоть, преходит бо, прилежати же о души, вещи безсмертней; темже и со ангелы срадуется, преподобная (имярек), дух твой.

Кондак, гл.2

За любовь Господню, преподобная, покоя желание возненавидела еси, пощением дух твой просветивши: крепко бо звери победила еси; но молитвами твоими противных шатание разори.

Величание.

Ублажаем тя, преподобная мати (имярек), и чтим святую память твою: ты бо молиши о нас Христа Бога нашего.

Прокимен, гл.4

Дивен Бог во святых своих, Бог Израелев.

Причастен.

В память вечную будет праведник, от слуха зла не убоится.

Преподобным женам.

Тропарь, гл.2

Истинному желанию унивестившеся, Христославнии, и временнаго обручника отвергшеся совокупления, и добродетельными подвиги возрастше, на высоту востекосте нетления, краснодушнии и многобогатии, столпи монашествующих жен и правило: темже о нас молите непрестанно, любовию вашу память празднующих.

Кондак, гл.2

Телеса своя постом изнурившее и неусыпными молитвами моляще Зиждителя о гресех своих, яко да приимите совершенное прощение, и приясте Божественное оставление, и Царствие Небесное: молите Христа Бога о всех нас.

Величание.

Ублажаем вас, преподобнии матери, и чтим святую память вашу: вы бо молите о нас Христа Бога нашего.

Прокимен, гл.4

Дивен Бог во святых своих, Бог Израелев.

Причастен.

В память вечную будет праведник, от слуха зла не убоится.

Безсребреником.

Тропарь, гл.8

Святии безсребреницы и чудотворцы, посетите немощи наша: туне приясте, туне дадите нам.

Кондак, гл.2

Благодать приимше исцелений, прстираете здравие сущим в нуждах, врачеве, чудотворцы преславнии; но вашим посещением ратников дерзости низложите, мир исцеляющее чудесы.

Величание.

Величаем вас, чудотворцы славнии (имярек), и чтим честная страдания ваша, яже за Христа претерпели есте.

Прокимен, гл.4

Святым, иже суть на земли Его, удиви Господь вся хотения Своя в них.

Причастен.

Радуйтеся праведнии о Господе, правым подобает похвала.

Христа ради юродивым.

Тропарь, гл.1

Глас апостола Твоего Павла услышав, Глаголющ: мы юроди Христа ради, раб Твой, Христе Боже, (имярек), юрод бысть на земли Тебе ради; темже память его почитающе, Тебе молим Господи, спаси души наша.

Кондак, гл.8

Вышния красоты желая, и нижния сласти телесныя тщно оставил еси, нестяжанием суетнаго мира, ангельское житие проходя, скончався, (имярек), блаженне; с нимиже Христа Бога моли непрестанно о всех нас.

Величание.

Ублажаем тя, святый праведный (имярек), и чтим святую память твою: ты бо молиши о нас Христа бога нашего.

Исповедником.

Прокимен, гл.7

Восхвалятся преподобнии во славе, и возрадуются на ложах своих.

Причастен.

Радуйтеся праведнии о Господе, правым подобает похвала.

Назад к списку

Глава 59. Прокимени, апостоли, аллилуиаре, евангелиа, и причастни общи святых, ихже егда творим службу.

Служба пресвятыя Богородицы.

На утрени прокимен, глас 6: Помяну Имя Твое во всяком роде и роде. Стих: Отрыгну сердце мое слово благо: Евангелие Луки, зачало 4.

На литургии прокимен, глас 3. Песнь Богородицы: Величит душа Моя Господа, и возрадовася дух Мой о Бозе Спасе Моем. Стих: Яко призре на смирение Рабы Своея, се бо от ныне ублажат Мя вси роди. Апостол к филипписием, зачало 240. Или другий, ко евреем, зачало 320. Аллилуиа, глас 8: Слыши Дщи и виждь, и приклони ухо Твое. Стих: Лицу Твоему помолятся богатии людстии. Евангелие Луки, зачало 54. Причастен: Чашу спасения прииму, и Имя Господне призову.

Служба святых Небесных Безплотных сил.

Прокимен, глас 4: Творяй ангелы своя духи, и слуги своя пламень огненный. Стих: Благослови душе моя Господа, Господи Боже мой возвеличился еси зело. Апостол ко евреем, зачало 305. Аллилуиа, глас 5: Хвалите Господа вси ангели Его, хвалите Его вся силы Его. Стих: Яко Той рече, и быша: Той повеле, и создашася. Евангелие Луки, зачало 51. Или Матфеа, зачало 52. Причастен: Творяй ангелы своя:

Служба святых пророков обща.

Прокимен, глас 4: Ты иерей во век по чину Мельхиседекову. Стих: Рече Господь Господеви моему седи одесную Мене, дондеже положу враги Твоя подножие ног Твоих. Апостол к коринфяном, зачало 156: Другий ко евреем, зачало 314: Третий соборнаго послания Иаковля, зачало 57. Аллилуиа, глас 5. Моисей и Аарон в иереех Его, и Самуил в призывающих Имя Его. Стих: Свет возсия праведнику, и правым сердцем веселие. Евангелие Матфеа, зачало 96. И Луки, зачало 62. Причастен: В память вечную:

Служба святых апостолов обща:

Прокимен, глас 8: Во всю землю изыде вещание их: Стих: Небеса поведают Славу Божию: Апостол к коринфяном, зачало 131. Аллилуиа, глас 1: Исповедят Небеса чудеса Твоя Господи. Стих: Бог прославляемь в совете святых. Евангелие апостола единаго, от Матфеа, зачало 34. Апостолов обще евангелие Луки, зачало 50, или 51. Причастен: Во всю землю изыде вещание их:

Служба святителей.

Прокимен, глас 1: Уста моя возглаголют премудрость, и поучение сердца моего разум. Стих: Услышите сия вси языцы, внушите вси живущии по вселенней. Апостол ко евреем, зачало 318. Аллилуиа, глас 2: Уста праведнаго поучатся премудрости, и язык его возглаголет суд. Стих: Закон Бога его в сердце его, и не запнутся стопы его. Евангелие Иоанна, зачало 36. Причастен: В память вечную:

Служба святителей обща.

Прокимен, глас 7: Честна пред Господем смерть преподобных его. Стих: Что воздам Господеви о всех, яже воздаде ми? Апостол ко евреем, зачало 335. Аллилуиа, глас 2: Священницы Твои облекутся в правду, и преподобнии Твои возрадуются. Евангелие Матфеа, зачало 11. И Иоанна, зачало 35 от полу. Причастен: В память вечную:

Служба преподобных, и Христа ради юродивых обща.

Прокимен, глас 7: Честна пред Господем смерть преподобных Его. Стих: Что воздам Господеви о всех: Апостол к галатом, зачало 213. Аллилуиа, глас 6: Блажен муж бояйся Господа, в заповедех Его восхощет зело. Стих: Сильно на земли будет семя Его. Евангелие Матфеа, зачало 43. И Луки, зачало 24. Причастен: В память вечную:

Служба мученка.

Прокимен, глас 7: Возвеселится праведник о Господе, и уповает на Него. Стих: Услыши Боже глас мой, внегда молити ми ся к Тебе. Апостол к Тимофею, зачало 292. Аллилуиа, глас 4: Праведник яко финикс процветет: Евангелие Луки, зачало 63. И Иоанна, зачало 52. Причастен: В память вечную:

Служба мученков обща.

Прокимен, глас 4: Святым иже суть на земли Его, удиви Господь вся хотения Своя в них. Стих: Предзрех Господа предо мною выну, яко одесную мене есть, да не подвижуся. Апостол к римляном, зачало 99: Или ко евреем, зачало 330. Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и о всех их избавит я Господь. Евангелие Матфеа, зачало 36. Или Луки, зачало 106. Причастен: Радуйтеся:

Служба священномученка.

Прокимен глас 8: Восхвалятся преподобнии во славе, и возрадуются на ложах своих: Стих: Воспойте Господеви песнь нову, хваление Его в Церкви преподобных. Апостол ко евреем, зачало 334. Аллилуиа, глас 2: Священницы Твои облекутся в правду: Евангелие Луки, зачало 67. Причастен: В память вечную:

Служба священномученков обща.

Прокимен, глас 7: Честна пред Господем: Стих: Что воздам Господеви о всех: Апостол ко евреем, зачало 311, от полу. Или к филипписием, зачало 247. Аллилуиа, глас 2: Священницы Твои облекутся в правду: Евангелие Луки, зачало 24, и 52, и 77. Причастен: Радуйтеся праведнии о Господе:

Служба преподобномученков обща.

Прокимен, глас 8: Восхвалятся преподобнии во славе: Стих: Воспойте Господеви песнь нову: Апостол преподобномученка единаго, к Тимофею, зачало 291. Преподобномученком апостол, к римляном, зачало 94. Аллилуиа, глас 6: Блажен муж бояйся Господа: Стих: Сильно на земли будет семя Его. Евангелие преподобномученку единому, Марка, зачало 37. Преподобномученков, евангелие Матфеа, зачало 38: И Луки, зачало 64. Причастен: Радуйтеся:

Служба святых мученц обща.

Прокимен, глас 4: Дивен Бог во святых Своих, Бог Израилев. Стих: В Церквах благословите Бога, Господа от источник Израилев. Апостол к коринфяном, зачало 181. Другий к галатом, зачало 208. Аллилуиа, глас 1: Терпя потерпех Господа, и внят ми и услыша молитву мою. Евангелие Матфеа, зачало 62, и Марка, зачало 21. Причастен: Радуйтеся:

Служба преподобных жен обща.

Прокимен, и Аллилуиа, писан мученцам. Апостол к галатом, зачало 208. Евангелие Матфеа, зачало 104, и Луки, 33. Причастен: В память вечную:

Служба исповедников.

Прокимен, Аллилуиа, и причастен писан преподобномученком: Апостол ко ефесеем, зачало 233. Евангелие Луки, зачало 64.

Служба безмездников.

Прокимен, писан мученком. Апостол к коринфяном, зачало 153. Аллилуиа, глас 2: Се что добро, или что красно, но еже жити братии вкупе: Евангелие Матфеа, зачало 34. Причастен: Радуйтеся праведнии о Господе:

Служба за мертвыя.

Прокимен, глас 6: Души их во благих водворятся. Стих: К тебе Господи воздвигох душу мою, Боже мой, на Тя уповах, да не постыжуся во век. Аллилуиа, глас 8: Блажени, яже избрал и приял еси Господи, и память их в род и род.

Апостоли, и евангелиа за упокой по вся дни.

В понедельник апостол к римляном, зачало 113 Евангелие Иоанна, зачало 15.

Во вторник апостол к коринфяном, зачало 162. Евангелие Иоанна, зачало 16.

В среду апостол к коринфяном, зачало 178. Евангелие Иоанна, зачало 21.

В четверток апостол к коринфяном, зачало 160. Евангелие Иоанна, зачало 22.

В пяток апостол к коринфяном, зачало 163. Евангелие, Иоанна, зачало 23.

В субботу апостол к солуняном, зачало 270. Евангелие, Иоанна, зачало 16.

Причастен: Блажени, яже избрал:

Назад к списку

Прокимены вечерни, утрени, Литургии, Триоди Постной и Цветной и на всякую потребу

. ВЕЧЕРНЯ
Прокимены вечерни седмичные
1. В субботу вечера – 8
2. То же, муз. А. Архангельского – 8
3. В Неделю вечера – 9
4. В понедельник вечера – 9
5. Во вторник вечера – 9
6. В среду вечера – 10
7. В четверг вечера – 10
8. В пятницу вечера – 10_______Великие прокимены
9. Великий прокимен, глас 7: Кто Бог велий – 11
10. То же, муз. Д. Бортнянского – 11
11. Великий прокимен, глас 7: Бог наш на Небеси – 12
12. То же, в упрощенной гармонизации – 12
13. То же, в гармонизации С. Смоленского – 12_______Великие прокимены постовые
14. В Неделю сырную, глас 8: Не отврати – 13
15. В Неделю первую Вел. поста, глас 8: Дал еси – 13
16. Великий прокимен Преждеосвященной Литургии – 14_______УТРЕНЯ
Воскресные прокимены утрени. Всякое дыхание. Свят Господь Бог наш
17. В Неделю 1 гласа – 18
18. В Неделю 2 гласа – 19
19. В Неделю 3 гласа – 20
20. В Неделю 4 гласа – 21
21. В Неделю 5 гласа – 22
22. В Неделю 6 гласа – 23
23. В Неделю 7 гласа – 24
24. В Неделю 8 гласа – 25_______Праздничные прокимены утрени, глас 4
25. На Рождество Богородицы и иные Богородичные праздники – 26
26. То же, в широком расположении – 26
27. То же, по напеву Троице-Сергиевой лавры – 27
28. То же, по напеву Киево-Печерской лавры – 28
29. На Крестовоздвижение – 29
30. На Введение – 29
31. На Рождество Христово – 29
32. На Богоявление – 29
33. На Сретение – 29
34. На Благовещение – 29
35. В Неделю ваий – 29
36. На Вознесение – 29
37. В Неделю Пятидесятницы – 30
38. На Преображение – 30
39. На Успение Богородицы – 30_______В полиелейные праздники
40. Господские – 30
41. Богородичные – 30
42. Пророку – 30
43. Апостолу – 30
44. Святителю – 31
45. Святителям – 31
46. Мученику – 31
47. Мученикам – 31
48. Священномученику, преподобномученику, исповеднику (единому и многим) – 31
40. Мученице, преподобной жене (единой и многим) – 31
41. Безмездникам – 31
42. Христа ради юродивому – 31_______ЛИТУРГИЯ
Прокимены и аллилуиарии воскресные
52. В Неделю 1 гласа – 32
53. В Неделю 2 гласа – 33
54. В Неделю 3 гласа – 33
55. В Неделю 4 гласа – 34
56. В Неделю 5 гласа – 35
57. В Неделю 6 гласа – 35
58. В Неделю 7 гласа – 36
59. В Неделю 8 гласа – 37_______Прокимены вседневнии
60. В понедельник – 38
61. Во вторник – 38
62. В среду – 38
63. В четверг – 39
64. В пятницу – 39
65. В субботу – 39_______Прокимены на Литургии двунадесятых праздников
66. На Рождество Богородицы – 40
67. То же, в широком расположении – 40
68. То же, знаменного распева – 40
69. На Крестовоздвижение – 41
70. В сочельник Рождества Христова, на Литургии Василия Великого – 41
71. В Неделю святых отец и праотец – 41
72. На Рождество Христово – 42
73. В сочельник Богоявления – 42
74. На Богоявление – 42
75. На Благовещение – 43
76. В Неделю Ваий – 43
77. На Вознесение – 43
78. В Неделю Пятидесятницы – 43
79. На Преображение – 43
80. На Успение – 43_______Прокимены на Литургии празднуемым святым, по чинам их
81. Пророку единому и многим – 44
82. Апостолу единому и многим – 44
83. Святителю единому и многим – 44
84. Преподобному, исповеднику, Христа ради юродивому, единому и многим – 44
85. Мученику единому – 45
86. Мученикам и безмездникам – 45
87. Священномученику, преподобномученику единому – 45
88. Мученице единой и многим – 45_______ПРОКИМЕНЫ ОСОБЫЕ, НЕКОТОРЫМ ПРАЗДНИКАМ
89. Нерукотворному Образу Господню, на утрени – 46
90. В той же праздник, на Литургии – 46
91. Положению ризы Господней – 46
92. Рождеству Иоанна Предтечи – 47
93. 1-му и 2-му обретению главы Иоанна Предтечи – 47
94. Св. равноап. кн. Владимиру – 47
95. Св. благоверным князьям Борису и Глебу – 47
96. Св. прав. Иоанну Кронштадтскому – 48
97. Новомученикам российским, на утрени и Литургии – 48
98. Святым 40 мученикам Севастийским, на утрени – 49
99. Из чина погребения Божией Матери – 49
100. Младенцам Вифлеемским, на Литургии – 49_______ПРОКИМЕНЫ ТРИОДИ ПОСТНОЙ И ЦВЕТНОЙ
Прокимены Страстной Седмицы
101. В Великий Четверток, на вечерни – 50
102. 2-й прокимен на вечерни – 50
103. В Великий Четверток, на Литургии – 50
104. В Великий Пяток, на утрени – 51
105. То же, в гарм. О. Мартынова – 51
105-а. То же, муз. П. Толстого – 52
106. В Великий Пяток, на вечерни – 53
107. 2-й прокимен на вечерни – 53
108. В Великую Субботу, на утрени – 53
109. 2-й прокимен на утрени – 54
110. В Великую Субботу, на Литургии – 54
111. Аллилуиарий в Великую Субботу – 54_______Прокимены Светлой Седмицы
112. В Неделю Пасхи, на Литургии – 56
113. То же, знаменного распева – 56
114. То же, глас 5 – 56
115. В Неделю Пасхи вечера – 57
116. В Светлый Понедельник, на Литургии – 57
117. В Светлый Понедельник вечера – 57
118. В Светлый Вторник, на Литургии – 57
119. В Светлый Вторник вечера – 57
120. В Светлую Среду, на Литургии – 58
121. В Светлую Среду вечера – 58
122. В Светлый Четверток, на Литургии – 58
123. В Светлый Четверток вечера – 59
124. В Светлый Пяток, на Литургии – 59
125. В Светлый Пяток вечера – 59
126. В Светлую Субботу, на Литургии – 60
127. В Неделю Фомину, на утрени – 60
128. В Неделю Фомину, на Литургии – 60_______ПРОКИМЕНЫ ЦАРСКИХ ЧАСОВ
В Великий Пяток
129. На 1-м часе – 61
130. На 3-м часе – 61
131. На 6-м часе – 61
132. На 9-м часе – 62_______В навечерие Рождества Христова
133. На 1-м часе – 62
134. На 3-м часе – 62
135. На 6-м часе – 63
136. На 9-м часе – 63_______В навечерие Богоявления
137. На 1-м часе – 63
138. На 3-м часе – 64
139. На 6-м часе – 64
140. На 9-м часе – 64_______ТРЕБНЫЕ ПРОКИМЕНЫ
141. Из последования святаго елея (соборования):
▪ 1-й прокимен – 65
▪ 2-й прокимен – 65
▪ 3-й прокимен – 65
▪ 4-й прокимен – 65
▪ 5-й прокимен – 65
▪ 6-й прокимен – 66
▪ 7-й прокимен – 66
142. На освящение воды, на крещение человеков, на пострижение монахов – 66
143. На браковенчание – 67
144. То же, иного напева – 67
145. На погребение мирянина – 68
146. На погребение монаха – 68
147. На погребение младенца – 68
148. На заупокойной Литургии – 68
149. На погребение священника:
▪ 1-й прокимен – 69
▪ 2-й прокимен – 69
▪ 3-й прокимен – 69
▪ 4-й прокимен – 69
▪ 5-й прокимен – 69_______МОЛЕБСТВЕННЫЕ ПРОКИМЕНЫ
150. О всяком благодеянии Божием – 70
151. Перед началом всякого доброго дела – 70
152. О умножении любви – 70
153. Перед началом учения – 70
154. О путешествующих – 70
155. О хотящих по водам плыти – 70
156. На освящение церкви – 70
157. Во время засухи – 71
158. Во время безведрия – 71
159. Во время землетрясения – 71
160. Во время пожара – 71
161. Во время брани – 71
162. В нашествии варвар – 71
163. О болящем – 71_______Алфавитный указатель прокименов – 72

Добавить комментарий

Ваш e-mail не будет опубликован. Обязательные поля помечены *