Тропарь 4 глас

Содержание

Тропари, кондаки и величания общие святым

Всемилостивому Спасу

Тропарь, глас 8:

С вы́шних призира́я, убо́гия прие́мля, / посети́ нас, озло́бленныя грехи́, Влады́ко Всеми́лостиве, / моли́твами Богоро́дицы да́руй душа́м на́шим ве́лию ми́лость.

Кондак, глас 6:

Вся́кия скве́рны, Всеми́лостивый Спа́се, аз бых де́латель / и во отча́яния ров впа́дся, / но стеню́ от се́рдца и вопию́ к Тебе́, Сло́ве, / ускори́, Ще́дрый, и потщи́ся на по́мощь на́шу, / я́ко ми́лостив.

В праздники Богородичные

Тропарь, глас 4-й

К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи, Тя бо еди́ну наде́жду и́мамы.

Другой тропарь, глас тот же

Не умолчи́м никогда́, Богоро́дице, си́лы Твоя́ глаго́лати недосто́йнии, а́ще бо Ты не бы предстоя́ла моля́щи, кто бы нас изба́вил от толи́ких бед? Кто же бы сохрани́л доны́не свобо́дны? Не отсту́пим, Влады́чице, от Тебе́, Твоя́ бо рабы́ спаса́еши при́сно от вся́ких лю́тых.

Кондак, глас 6-й

Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти; ускори́ на моли́тву и потщи́ся на умоле́ние, предста́тельствующи при́сно, Богоро́дице, чту́щих Тя.

Другой кондак, глас 6-й

Не и́мамы ины́я по́мощи, не и́мамы ины́я наде́жды, ра́зве Тебе́, Влады́чице, Ты нам помози́, на Тебе́ наде́емся и Тобо́ю хва́лимся, Твои́ бо есмы́ рабы́, да не постыди́мся.

Величание

Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем, с ве́рою притека́ющим.

Небесным силам бесплотным

Небе́сных во́инств Архистрати́зи, мо́лим вас при́сно мы недосто́йнии, да ва́шими моли́твами оградите́ нас кро́вом крил невеще́ственныя ва́шея сла́вы, сохраня́юще нас, припа́дающих приле́жно и вопию́щих: от бед изба́вите нас, я́ко чинонача́льницы Вы́шних сил.

Кондак, глас 2-й

Архистрати́зи Бо́жии, служи́телие Боже́ственныя сла́вы, А́нгелов нача́льницы и челове́ков наста́вницы, поле́зное нам проси́те и ве́лию ми́лость, я́ко безпло́тных Архистрати́зи.

Велича́ем вас, Арха́нгели и А́нгели и вся во́инства, Херуви́ми и Серафи́ми, сла́вящия Го́спода.

Пророку

Тропарь, глас 2-й

Проро́ка Твоего́ (имярек) па́мять, Го́споди, пра́зднующе, тем Тя мо́лим, спаси́ ду́ши на́ша.

Кондак, глас 4-й

Просвети́вшееся Ду́хом чи́стое твое́ се́рдце проро́чества бысть светлейшаго прия́телище: зри́ши бо, я́ко настоя́щая, дале́че су́щая; сего́ ра́ди тя почита́ем, проро́че блаже́нне (имярек), сла́вне.

Велича́ем тя, святы́й проро́че Бо́жий (имярек), и чтим святу́ю па́мять твою́, ты бо мо́лиши за нас Христа́ Бо́га на́шего.

Апостолу

Тропарь, глас 3-й

Апо́столе святы́й (имярек), моли́ ми́лостиваго Бо́га, да прегреше́ний оставле́ние пода́ст душа́м на́шим.

Я́ко звезду́ пресве́тлую Це́рковь всегда́ стяжа́ тя, апо́столе (имярек), чуде́с твои́х многоподава́нием просвеща́ема. Те́мже зове́м Христу́: спаси́ чту́щих ве́рою па́мять Твоего́ апо́стола, Многоми́лостиве.

Велича́ем тя, апо́столе Христо́в (имярек), и чтим боле́зни и труды́ твоя́, и́миже труди́лся еси́ во благове́стии Христо́ве.

Апостолам

Апо́столи святи́и, моли́те ми́лостиваго Бо́га, да прегреше́ний оставле́ние пода́ст душа́м на́шим.

Ло́зие яви́стеся Христо́ва виногра́да му́дрии, гро́здие принося́ще в доброде́телех, вино́ нам спасе́ния источа́юще: его́же прие́млем, весе́лия исполня́ющеся. Пра́зднуем честну́ю ва́шу па́мять, в ню́же молите дарова́тися нам вели́цей ми́лости и отпуще́нию грехо́в, Госпо́дни апо́столи.

Святителю

Пра́вило ве́ры и о́браз кро́тости, воздержа́ния учителя, яви тя стаду твоему Яже веще́й истина; сего ради стяжа́л еси́ смирением высо́кая, нищетою бога́тая, о́тче священнонача́льниче (имярек), моли Христа́ Бо́га спастися душа́м на́шим.

Боже́ственный гром, труба́ духо́вная, ве́ры насади́телю и отсека́телю ересе́й, Тро́ицы уго́дниче, вели́кий святи́телю (имярек), со А́нгелы предстоя́ при́сно, моли́ непреста́нно о всех нас.

Велича́ем тя, святи́телю о́тче (имярек), и чтим святу́ю па́мять твою́, ты бо мо́лиши за нас Христа́ Бо́га на́шего.

Святителям

Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.

Кондак, глас 8-й

Я́ко доброде́телей учи́телие и иера́рхов украше́ние, Це́рковь, пою́щи, вас сла́вит: моли́твами ва́шими пода́йте чту́щим вас любо́вию доброде́телей исправле́ние и собла́знов избавле́ние, я́ко непобеди́мии.

Мученику

Му́ченик Твой, Го́споди, (имярек), во страда́нии свое́м вене́ц прия́т нетле́нный от Тебе́, Бо́га на́шего; име́яй бо кре́пость Твою́, мучи́телей низложи́, сокруши́ и де́монов немощны́я де́рзости. Того моли́твами спаси ду́ши на́ша.

Звезда́ све́тлая яви́лся еси́ непреле́стная ми́рови, Со́лнца Христа́ возвеща́я заря́ми твои́ми, страстоте́рпче (имярек), и пре́лесть погаси́л еси́ всю, нам же подае́ши свет, моля́ся непреста́нно о всех нас.

Велича́ем тя, страстоте́рпче святы́й (имярек), и чтим честна́я страда́ния твоя́, я́же за Христа́ претерпе́л еси́.

Мученице

А́гница Твоя́, Иису́се, (имярек), зове́т ве́лиим гла́сом: Тебе́, Женише́ мой, люблю́, и Тебе́ и́щущи, страда́льчествую и сраспина́юся и спогреба́юся Креще́нию Твое́му и стражду́ Тебе́ ра́ди, я́ко да ца́рствую в Тебе́ и умира́ю за Тя, да и живу́ с Тобо́ю; но я́ко же́ртву непоро́чную приими́ мя, с любо́вию поже́ршуюся Тебе́. Тоя́ моли́твами, я́ко Ми́лостив, спаси́ ду́ши на́ша.

Храм твой всечестны́й, я́ко цельбу́ душе́вную обре́тше, вси ве́рнии велегла́сно вопие́м ти: де́во му́ченице (имярек) великоимени́тая, Христа́ Бо́га моли́ непреста́нно о всех нас.

Велича́ем тя, страстоте́рпице Христо́ва (имярек), и чтим честно́е страда́ние твое́, е́же за Христа́ претерпе́ла еси́.

Мученикам

Му́ченицы Твои́, Го́споди, во страда́ниих свои́х венцы́ прия́ша нетле́нныя от Тебе́, Бо́га на́шего: имуще бо кре́пость Твою́, мучи́телей низложи́ша, сокруши́ша и де́монов немощны́я де́рзости; тех моли́твами спаси́ ду́ши на́ша.

Свети́льницы све́тлии я́вльшеся, Боже́ственнии му́ченицы, тварь всю све́тлостию чуде́с озаря́ете, неду́ги разреша́юще и глубо́кую тьму всегда́ отгоня́юще, Христу́ Бо́гу моля́щеся непреста́нно о всех нас.

Священномученику

И нра́вом прича́стник, и престо́лом наме́стник апо́столом быв, дея́ние обрел еси́, Богодухнове́нне, в виде́ния восхо́д: сего́ ра́ди, сло́во и́стины исправля́я, и ве́ры ра́ди пострада́л еси́ да́же до кро́ве. Священному́чениче (имярек), моли́ Христа́ Бо́га спасти́ся душа́м на́шим.

Кондак, глас тот же

Во святи́телех благоче́стно пожи́в и муче́ния путь проше́д, и́дольския угаси́л еси́ же́ртвы, и побо́рник быв твое́му ста́ду, богом́удре. Те́мже тя почита́юще, та́йно вопие́м ти: от бед изба́ви ны при́сно твои́ми мольба́ми, о́тче наш (имярек).

Священномученикам

Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.

Кондак, глас 3-й

Я́ко свети́льники незаходи́мыя разу́мнаго Со́лнца, соше́дшеся днесь восхва́лим пе́сньми: возсия́ли бо есте́ су́щим во тьме неразу́мия, всех созыва́юще к высоте́ благоче́стия, священному́ченицы. Тем вопие́м вам: ра́дуйтеся, по́стников всех основа́ние.

Преподобному

В тебе́, о́тче, изве́стно спасе́ся е́же по о́бразу: прии́м бо крест, после́довал еси́ Христу́, и де́я учи́л еси́ презира́ти у́бо плоть, прехо́дит бо, прилежа́ти же о души́, ве́щи безсме́ртней; те́мже и со А́нгелы сра́дуется, преподо́бне (имярек), дух твой.

Чистото́ю душе́вною боже́ственне вооружи́вся и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, (имярек) о́тче наш, моли́ непреста́нно о всех нас.

Ублажа́ем тя, преподо́бне о́тче (имярек), и чтим святу́ю па́мять твою́, наста́вниче мона́хов и собесе́дниче А́нгелов.

Преподобной

В тебе́, ма́ти, изве́стно спасе́ся е́же по о́бразу: прии́мши бо крест, после́довала еси́ Христу́ и де́ющи учи́ла еси́ презира́ти у́бо плоть, прехо́дит бо, прилежа́ти же о души́, ве́щи безсме́ртней; те́мже и со А́нгелы сра́дуется, преподо́бная (имярек), дух твой.

За любо́вь Госпо́дню, преподо́бная, поко́я жела́ние возненави́дела еси́, поще́нием дух твой просвети́вши: кре́пко бо звери победи́ла еси́; но моли́твами твои́ми проти́вных шата́ние разори́.

Ублажа́ем тя, преподо́бная ма́ти (имярек), и чтим святу́ю па́мять твою́: ты бо мо́лиши за нас Христа́ Бо́га на́шего.

Преподобным

Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.

Волне́ний мно́жество невла́жно проходя́ще, безпло́тныя враги́ струя́ми слез ва́ших кре́пко погрузи́ли есте́, богому́дрии и преподо́бнии, и чуде́с дар прии́мше, моли́те непреста́нно о всех нас.

Бессребреникам

Тропарь, глас 8-й

Святии безсре́бреницы и чудотворцы, посети́те не́мощи на́ша: ту́не прия́сте, ту́не дади́те нам.

Благодать прии́мше исцеле́ний, простира́ете здравие су́щим в ну́ждах, вра́чеве, чудотво́рцы пресла́внии; но вашим посеще́нием ра́тников де́рзости низложи́те, мир исцеля́юще чудесы́.

Величаем вас, чудотворцы сла́внии (имена их), и чтим честная страдания ваша, яже за Христа претерпе́ли есте́.

Христа ради юродивому

Тропарь, глас 1-й

Глас апостола Твоего Павла услы́шав, глаго́лющ: мы юро́ди Христа́ ради, раб Твой, Христе Боже (имярек), юро́д бысть на земли́ Тебе́ ра́ди; темже память его почита́юще, Тебе молим, Господи, спаси души наша.

Вы́шния красоты́ жела́я, и ни́жния сла́сти теле́сныя то́щно оста́вил еси́, нестяжа́нием су́етнаго ми́ра Ангельское житие преходя́, сконча́вся, (имярек) блаже́нне; с ни́миже Христа Бога моли непреста́нно о всех нас.

Ублажа́ем тя, святы́й пра́ведный (имярек), и чтим святую память твою: ты бо молиши за нас Христа Бога нашего.

Часть третья

НАШ СКОРЫЙ ПОМОШНИК И ЗАСТУПНИК – ОТРОК ВЯЧЕСЛАВ

(Драгоценные свидетельства о жизни и чудесах, совершённых отроком Вячеславом, которые нам оставили многочисленные почитатели его светлой памяти)

_____

АКАФИСТ
Отроку Вячеславу,
Новому Целителю,
Пророку и Уральскому Чудотворцу

_____

День рождения – 22 марта 1982 г. (по н. ст.)
Тезоименитство и день кончины отрока по промыслу Божию совпали и
празднуются в один день – 17 марта 1993 г. (по н.ст.)

ТРОПАРЬ, глас 4:

Чебаркульскаго града предивное прозябение, / грядущаго Божиего возмездия непрелестный провозвестниче, / страждущим, скорбящим и всем к тебе приходящим целителю и утешителю, / вражией силы дерзновенный отгнателю и посрамителю, / чадо возлюбленное Отца Небесного, / предивный и преславный отроче Вячеславе, / во юдоли плачевней крепкий заступниче и путеводителю, / моли непрестанно Христа Бога, // спастися душам нашим во времена последняя.

КОНДАК, глас 3:

О преславный пророче и целителю отроче Вячеславе,/ Светлый Ангеле земли Русския на спасение нам дарованный,/ моли милостиваго Бога,/ да подаст нам грехов оставление, / в болезнех исцеление,/ в скорбех и напастех утешение,/ от насильства вражия свобождение,// и душ наших спасение.

ВЕЛИЧАНИЕ:

Величаем тя, /святый Ангеле земли Русския отроче Вячеславе,/ и чтим болезни и труды твоя,/ имиже трудился еси,// во благовестии Христове.

О предивный пророче и целебниче Божий отроче Вячеславе, моли Бога о нас.

Кондак 1

Избранного от рождения из земли Уральской, посланнаго Богом для избавления Руси от скверны черного язычества, молитвенника за нас грешных и исцелителя болезней телесных и душевных, чуднаго отрока Вячеслава песньми почтим. Ты же, яко велие дерзновение имущий к Богу, моли Христа Бога о спасении душ наших . Да уповающе на твои молитвы, мы воспоим:

Радуйся, праведный отроче Вячеславе, дивный помощниче во времена последняя.

Икос 1

Ангел во плоти на земле Российстей явился еси нам на укрепление в вере Православней и исправление нашего жития, пречудный отроче Вячеславе, яко детскими твоими устами недетския тайны нам открываеши, чистым сердцем Бога зриши, нам путь веры и правды показуеши. Мы же, в сии тяжкие времена помощи твоей ищущии и к предстательству твоему прибегающии, воспоим ти таковая:

Радуйся, яко Царица Небесная предрекла о явлении твоем в сердце России.

Радуйся, яко преподобный Серафим Саровский пророчествовал о тебе.

Радуйся, яко святый царь Николае Вторый был утешен пророчеством о тебе.

Радуйся, в вере нас укрепляющий.

Радуйся, ко грядущим испытаниям нас приготовляющий.

Радуйся, образ Богоугоднаго жития пресветлый.

Радуйся, праведный отроче Вячеславе, дивный помощниче во времена последняя

Кондак 2

Доброе древо добрый плод приносит. Тако и род твой, отроче Вячеславе, изобиловал еси угодившими Богу людьми. И ты, пречестная отрасль благочестиваго корене, видевше храм Божий, молил мати свою скорее в него войти. В нем же, моляся и радуяся, яко в доме отчем пребывал еси. Мы же, видя в отроке сию чудную любовь к Дому Божию, с радостью воспоим Богу: Аллилуиа

Икос 2

Мудростию мира сего не искушенный, мудрость мира горняго всем сердцем возлюбивый, святый отроче Вячеславе, душею и мыслию устремился еси во храм Божий. Таковому разуму твоему дивящеся, сия похвалы тебе воспоим:

Радуйся, веры Православныя твердый проповедниче.

Радуйся, к храму Божиему всех людей путеводная звездо.

Радуйся, в таинствах церковных исцеление от болезней и грехов искати нас научающий.

Радуйся, отступивших от веры Православныя к дому Божию возвращающий.

Радуйся, в молитвенном стоянии время проводивый.

Радуйся, венец безценный на главе рода благочестиваго.

Радуйся, праведный отроче Вячеславе, дивный помощниче во времена последняя.

Кондак 3

Силою Вышняго явил еси обильные плоды благодати Божией святый праведный отроче Вячеславе: веру крепкую, кротость и незлобие, великое к нам грешникам сострадание, матери твоей любовь и послушание, дары исцеления и пророчества. Славя Господа за таковые дарования твоя, радуяся воспоим Богу: Аллилуиа

Икос З

Дивное рождение твое, святый праведный отроче Вячеславе, разумеем как указание Божие о появлении избранника Его. Имея неописуемую и лучезарную любовь ко страждущим людям, не оскудевающую и по отшествии твоем ко Господу, врачуеши недуги душ и телес наших. Таковой твоей чудной любви дивящеся, глаголем ти:

Радуйся, Небожительницею к матери твоей принесенный.

Радуйся, крине кротости и чистоты.

Радуйся за дивный взор твой людьми Ангелом именованный.

Радуйся, и душу ангельскую имевый.

Радуйся, яко и сверстниками твоими за доброту любимый.

Радуйся, светлое всем верующим утешение.

Радуйся, праведный отроче Вячеславе, дивный помощниче во времена последняя

Кондак 4

Бурею житейских забот и скорбей обуреваемии мы, Господи, ищем лишь в мире земном пристанища и не находим. Ты же послал нам отрока Твоего, проповедати спасение только в Тебе, Господи, и благодарственно пети Тебе: Аллилуиа

Икос 4

Слыша о тебе, измлада Христа всем сердцем возлюбившаго, и о Нем только помышлявшаго и глаголавшаго, прославляем Бога, устами младенец и ссущих совершившаго Себе хвалу, и воспеваем ти сице:

Радуйся, яко чистыми младенческими устами о Боге возвещавый.

Радуйся, всегда и везде только о небеснем глаголавый.

Радуйся, яко словеса о Боге живыми именовавый.

Радуйся, словеса о мире сем суетном и грешнем мертвыми почитавый.

Радуйся, власы до плеч, яко у Христа, имети хотевый.

Радуйся, яко за это исповедничество поношения терпевый.

Радуйся, праведный отроче Вячеславе, дивный помощниче во времена последняя

Кондак 5

Боготечная звезда всем, к тебе за помощью приходящим, явился еси, отроче Вячеславе, скорое исцеление и от всяких бед избавление подавая. Исцеленнии же тобою с ликованием поют Богу: Аллилуиа

Икос 5

Мы видим, яко ангельская душа твоя, преисполненная любви и сострадания к людем, стремилась помочь всякому страждущему человеку. Ты, дивный отроче, отбросив все радости младенчества, избрал еси крест помощи больным и скорбящим. Мы же, таковое служение твое людем почитающе, воспеваем ти сице:

Радуйся, Ангеле чистый к состраданию ближним устремленный.

Радуйся, благосострадательный отроче, безсребреником Косьме и Дамиану уподобивыйся.

Радуйся, и людей со зловонными ранами не оставлявый.

Радуйся, врачами оставленных исцелявый.

Радуйся, и сам врачам в болезнех тяжких помогавый.

Радуйся, никогдаже не забывавый, яко Божиею силою всем помогает.

Радуйся, праведный отроче Вячеславе, дивный помощниче во времена последняя

Кондак 6

Проповедник славы Бога, Имже укреплялся еси, егда был мучим вражиими силами, кроткий послушник Божией Матери и почитатель угодников Божиих был еси, все упование на Бога возлагал еси, взывая детскими устами: Аллилуиа

Икос 6

Воссиял еси Божиим светом, святый отроче, мужественно вступая в борьбу с вражией силой. Ты сам прорекл еси, яко послан бысть на грешную Землю для борьбы с духами злобы. Славя великую жертвенность твою, с благодарением тебе глаголем:

Радуйся, яко до сердечной боли о грехах мира страдавый.

Радуйся, яко и иноверцам помогающий.

Радуйся, неправедных дела разоряющий.

Радуйся, козни бесовские нам открывающий.

Радуйся, от страхов грядущих испытаний нас свобождающий.

Радуйся, колдунов, на тя восставших, победивый.

Радуйся, праведный отроче Вячеславе, дивный помощниче во времена последняя

Кондак 7

Хотящу ти креститися, всем сердцем своим сие таинство восприял еси, и с сего времени начало служения людем положил еси. До последняго своего дыхания людем молитвами, исцелениями и советом помогал еси, поя Богу: Аллилуиа

Икос 7

Новое чудо показал служением твоим, дивный отроче Вячеславе, егда каждодневный труд велий на себя приял еси, боль и страдания людей разделяя, грехов наших не отвращаяся. Сего ради со умилением воспоим ти:

Радуйся, отрадо всех тебя о помощи просящих.

Радуйся, утешение всех отчаявшихся.

Радуйся, охранителю страждущих семей.

Радуйся, сам нуждающихся в помощи находящий.

Радуйся, не знавшим тебя на помощь приходящий.

Радуйся, всегда благодарение Богу возсылавый.

Радуйся, праведный отроче Вячеславе, дивный помощниче во времена последняя

Кондак 8

Странно и дивно бысть зрение ангелоподобнаго лика твоего, отроче Вячеславе. Вси видевшии тя удивлялись доброте, милосердию и неземной чистоте твоей. Мы же, прославляя Бога, пославшаго нам таковаго помощника и заступника, поем Ему: Аллилуиа

Икос 8

Весь добродетельми исполненный в жизни сей, дивный отроче, и нас к ним призывая, к каждому творению Божиему с трепетною любовию относился еси. Мы же, удивляяся твоему любвеобильному сердцу, со умилением воспоим ти:

Радуйся яко каждый срезанный цветок жалевый.

Радуйся никогдаже по траве без нужды не ходивый.

Радуйся язык растений и птиц познавый.

Радуйся, яко и птицы небесные тебя возлюбили.

Радуйся кругом почета от голубей почтенный.

Радуйся умершую синичку ожививый.

Радуйся, праведный отроче Вячеславе, дивный помощниче во времена последняя

Кондак 9

Все Ангельское воинство славит тя, проповедника Христовой любви и пророка нашего времени, о предивный отроче Вячеславе. Ты непрестанно проповедовал еси о скором и славнем пришествии Господа Иисуса Христа и о страшных мучениях, уготованны грешникам. Мы же, вразумляемии тобою, со слезами покаянными возопиим Богу: Аллилуиа

Икос 9

Ветия многовещанныя недоумеют достойно славити тя, благоуханный крине земли Российстей, отроче Вячеславе. Ты же моли Христа Бога покрыти страну нашу от страстей грядущих времен. И мы, уповая на твое предстательство, с благодарностью тебе воспоим:

Радуйся, будущее, яко настоящее провидевый.

Радуйся, твоими пророчествами мати свою удививый.

Радуйся, тайны Апокалипсиса нам приоткрывый.

Радуйся, сотаинниче святаго апостола и евангелиста Иоанна Богослова.

Радуйся, яко ты ведал все тайны Земли.

Радуйся, яко телом на земли, душею же на Небеси пребывавый.

Радуйся, праведный отроче Вячеславе, дивный помощниче во времена последняя

Кондак 10

Спасти хотя душу свою, кротко и смиренно страдания предсмертные терпел еси, праведный отроче Вячеславе. Утешая же родителей своих, просил у Господа не умереть в день рождения отца твоего. Мы же Богу, исполнившему молитву твою, со умилением воспоим: Аллилуиа

Икос 10

Стеною крепкою был всем прибегающим к тебе, отроче пречудный, о себе же рекл еси: «У меня для себя ничего нет, только для вас». Помогая умирающим детям, муки смертные вместе с ними претерпевал еси, и мати свою утешал еси, глаголя: «Каковы муки, такова и награда». Мы же, дивящеся таковому терпению и смирению твоему вопием ти:

Радуйся, в болезни своей упование на Бога сохранивый.

Радуйся, тяжко болящим молитвами твоими помогавый.

Радуйся, и отвергавших тебя ко исповеданию Бога приведый.

Радуйся, безнадежно больным тихую и безболезненную кончину у Бога испросивый.

Радуйся, тайныя недуги открывавый.

Радуйся, образ христианской кончины нам показавый.

Радуйся, праведный отроче Вячеславе, дивный помощниче во времена последняя

Кондак 11

Пение благодарственное приносят ти, святый отроче, вси приявшие помощь твою. Познавшии Тя, яко к живому, на могилку твою идут и молитвы тебе усердно возносят. Ты же прошения и слышиши и ко престолу Божию приносиши, скорую помощь подаеши. Мы же, о таковом твоем скором заступлении ведуще, вопием Богу: Аллилуиа

Икос 11

Возсиявый нам светом небесным, святый отроче Вячеславе, ты и после успения твоего на помощь всем поспешаеши, яко скорый помощник в скорбех и болезнех. Ты и мати твою на утешение нам оставил еси. Благодарны суще за вся попечения твоя о нас грешных, мы тако тебе воспоим:

Радуйся, заступниче пред Богом за всех согрешивших.

Радуйся, заблудших от вражьего пленения свобождающий.

Радуйся, о скорой смерти предупреждающий.

Радуйся, страшныя мытарства миновати помогающий.

Радуйся, образ спасения нам являющий.

Радуйся, самоубийцу от погибельного пути отвративый.

Радуйся, праведный отроче Вячеславе, дивный помощниче во времена последняя

Кондак 12

Благодатию Божией от рождения исполненный, возшел еси в Небесный Чертог воспевати хвалебную песнь Пресвятей Троице. Пред Нею же предстояще, испроси прегрешений наших прощение, да воспоим вместе с тобою Богу: Аллилуиа

Икос 12

Поюще дивного во святых Своих Бога, прославльшего тя, раба Своего, праведнаго отрока Вячеслава, многомилостивую помощь твою нам грешным прославляем, восписуя ти:

Радуйся, крест страданий своих безропотно понесый.

Радуйся, житием своим людей к вере направляющий.

Радуйся, на подвиг спасения нас призывающий.

Радуйся, от неминуемой смерти защищающий.

Радуйся, яко в ангельском облике людям являешися.

Радуйся, светильниче земли Российстей новоявленный.

Радуйся, праведный отроче Вячеславе, дивный помощниче во времена последняя.

Кондак 13

О предивный отроче Вячеславе, земли Российстей похвало, посланный Богом для спасения многих в последняя времена! Приими малое сие моление наше, со умилением тебе возносимое. Огради нас и страну нашу твоими молитвами от сетей злохитраго богомерзкаго антихриста, буди нам помощник и ходатай перед Господем и Царицей Небесней, да пребудем мы твердыми в вере Православней во вся дни наша и, избавльшеся вечных мук, воспоим Спасителю нашему Иисусу Христу: Аллилуиа Аллилуиа Аллилуиа

(Сей кондак глаголем трижды, затем икос 1 и кондак 1.)

Молитва Праведному отроку Вячеславу,
Новому Целителю, Пророку
и Уральскому Чудотворцу

О пречудный отроче Вячеславе, чистотою твоею ангельскою нас очищающий! Предстояще святому образу твоему, со умилением сердечным молимся тебе, яко имущему дерзновение ко Пресвятей Троице: моли Бога о стране нашей Российстей и народе нашем, да спасет нас Господь от навет вражиих: волшебства, колдовства, ересей, расколов, сетей злохитраго богомерзкаго антихриста, от бед тяжких и страхований последних времен. Твоими молитвами и предстательством да невозбранно прейдем от земли на Небо, от мытарств же горьких и от вечных мук да избавимся и наследим Царствие Небесное, прославляя со всеми святыми Пречестное и Великолепое имя во Святей Троице славимаго Бога: Отца и Сына и Святаго Духа во веки веков. Аминь.

Если служится молебен

Прокимен, глас 4: Творяй ангелы Своя Духи, и слуги Своя пламень огненный. Стих: Благослови, душе моя, Господа, Господи Боже мой, возвеличился еси зело. Евангелие: Лк. 51 зач.; (гл. 10, ст. 16–21).

Поминальный синодик о здравии и спасении сродников праведного отрока Вячеслава (Крашенинникова), Нового Целителя, Пророка и Уральского Чудотворца

День рождения отрока – 22 марта 1982 г. (по н. ст.) Тезоименитство и день кончины отрока по промыслу Божию совпали и празднуются в один день – 17 марта 1993 г. ( по н. ст.)

Помяни, Господи, о здравии рабов Божиих:

Сергия (отец отр. Вячеслава), / Валентину (мать отр. Вячеслава), / Константина (брат отр. Вячеслава), / отрока Владимира (племянник отрока Вячеслава), / и сродников его – Ирину, Ярослава, Наталию, Елену со чадами, Фотинию со чадами, Юрия со чадами, / друзей во Христе и почитателей отрока – Нину, Александра со чадами; Максима, Анастасию, Сергия со чадами Александра; Сергия и Викторию со чадами; Олега, Милитину и Иулию; Татиану со чадами; иерея Игоря (крестил отрока Вячеслава), / и всех сродников, друзей, благодетелей и почитателей праведного отрока, и спаси их Господи. Аминь

Поминальный синодик о упокоении
почивших в Бозе сродников праведного
отрока Вячеслава (Крашенинникова),
Нового Целителя, Пророка и Уральского Чудотворца

Помяни, Господи, души усопших рабов Божиих:

Приснопоминаемого праведного отрока Вячеслава, // прадеда его – протоиерея Андрея, / прадеда его – Михаила, / прабабку его – Агриппину, / прабабку его – Фотинию, / деда его – Вячеслава, / деда его – Афанасия, / бабку его – Галину, / бабку его – Анастасию, / сродников его – Арину, Андрея, Андрея, Савелия, Татиану, Аполлинарию, Константина, Веру, Андрея, Андрея, Константина, / друзей во Христе и почитателей прав. отрока – схиархимандрита Нила старца Дивеевского, схимонаха Алипия, монахиню Александру, / и всех его почивших сродников, попечителей, благодетелей, почитателей, и весь почивший род его, и прости им вся согрешения их вольная и невольная, и даруй им Царствие Небесное. Аминь

КОНЕЦ ТРЕТЬЕЙ ЧАСТИ

Перейти >

Тропари, глас 4-й

Со духи праведных скончавшихся, душу раба Твоего (рабы Твоея, души раб Твоих), Спасе, упокой, сохраняя ю (их) во блаженней жизни, яже у Тебе, человеколюбче.

В покоищи Твоем, Господи, идеже вси святии Твои упокоеваются, упокой и душу раба Твоего (рабы Твоея, души раб Твоих), яко един еси человеколюбец.

Слава: Ты еси Бог, сошедый во ад и узы окованных разрешивый. Сам и душу раба Твоего (рабы Твоея, души раб Твоих) упокой.

И ныне: Едина чистая и непорочная Дево, Бога без семене рождшая, моли спастися души его (ея, душам их).

Господи, помилуй (40 раз).

Помяни, Господи Боже наш, в вере и надежди живота вечнаго усопшаго раба Твоего (усопшую рабу Твою, усопших раб Твоих) (имя рек), и яко благ и человеколюбец, отпущаяй грехи, и потребляяй неправды, ослаби, остави, и прости вся вольная его (ея, их) согрешения и невольная, возставляя его (ю, их) во святое второе пришествие Твое в причастие вечных Твоих благ, их же ради в Тя единаго верова, истиннаго Бога и человеколюбца; яко Ты еси воскресение и живот, и покой рабу Твоему (рабе Твоей, рабом Твоим) (имя рек), Христе Боже наш, и Тебе славу возсылаем, со безначальным Твоим Отцем, и с Пресвятым Духом, ныне и присно, и во веки веков, аминь.

Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Слава, и ныне: Господи, помилуй. (Трижды) Господи, благослови.

Господи Иисусе Христе, Сыне Божий, молитвами пречистыя Твоея Матере, преподобных и богоносных отец наших и всех святых помилуй и упокой душу раба Твоего (рабы Твоей, души раб Твоих) (имя рек) в безконечныя веки, яко благ и человеколюбец, аминь.

Затем троекратно возглашаем:

Рабу Божию (рабе Божией, рабом Божиим) (имя рек) усопшему (усопшей, усопшим) вечная память.

И читаем трижды тропарь с поклонами:

Покой, Господи, душу усопшаго раба Твоего (усопшия рабы Твоея, души усопших раб Твоих) (имя рек) (поклон), и елико в житии сем яко человек согреши (человецы согрешиша), Ты же, яко человеколюбец Бог, прости его (ю, их) и помилуй (поклон), вечныя муки избави (поклон), небесному Царствию причастника (причастницу, причастники) учини (поклон), и душам нашим полезная сотвори (поклон).

Добавить комментарий

Ваш e-mail не будет опубликован. Обязательные поля помечены *